Bilirəm, yazının bağlığı çoxunuza qəribə gəldi. Hətta bəziləriniz “kwtləvi qırğın silahı eşitmişdik, təkcə bunu eşitməmişdik”, - dediniz bəlkə də.
Maştağa qəsəbəsindəki 128 nömrəli məkəbdə Sabunçu Rayon Polis İdarəsinin təşkilatçılğı ilə keçirilən tədbir yenə də narkomaniya ilə bağlı idi.
Əvvəlcə narkomaniyanın insan səhhətinə və psixologiyasına vurduğu zərəri özündə əks etdirən videoçarx nümayiş olundu. Sonra məktəbin direktoru Vələddin Nürəddinov RPİ tərəfindən narkomaniya, erkən nikah, dini radikalizm mövzusunda tədbirlərin məktəbdə mütəmadi keçirilməsinə diqqət çəkdi və qonaqları təqdim etdi.
Rayon İcra Hakimiyyəti başçısının müavini Güloğlan Məmmədov narkomanlığa qarşı mübarizənin, antinarkotik təbliğatın, narkomanlığa düçar olmuş şəxslərin sağlam həyata qaytarılmasının vacibliyini önə çəkdi.
Gənclər İdman İdarəsinin rəisi Rakif Əliyev rayon ərazisində quraşdırılan idman qurğularından, tikilib istifadəyə verilmiş idman koplekslərində yaradılan şəraitdən asudə vaxtlarında yararlanmağa çağırdı şagirdləri.
Həkim-narkoloq Asif Kəngərli dedi ki, genofondumuzu bu bəladan qorumaq üçün ailənin, məktəbin və hüquq-mühafizə orqanlarının birlikdə çalışması mütləqdir. Narkomaniyanı və narkotikləri “Ailəvi qırğın silahı” adlandıran həkim uşaqları bağça yaşından sağlam həyata alışdırmağın, onlara mütailəni sevdirməyin vacibliyini bildirdi.
“Azərbaycana sağlam gənclər lazımdır. Çünki onların hər biri Vətənin əsgəridir. Gənclərimizin idman və bilik yarışlarında qazandıqları nailiyyətlər bizi sevindirsə də, bəzi gənclərimizin narkotikə qurşanması ağrılı hal olduğunu deyən İdarə rəisi, polis polkovniki Eldar İlyasov bildirdi ki, ötən tədris ilində narkomaniya ilə mübarizə ilə bağlı məktəblərdə 62 maarifləndirmə tədbiri keçiriblər.
O, həmçinin, cinayətlərin əksəriyyətinin narkomanlar tərəfindən törədildiyini də xüsusi vurğuladı.
Tədbirin sonunda uşaqlara bukletlər paylandı və onların sualları cavablandırıldı.
T.Hafiz
