Ötən gün sosial şəbəkələrdə Naxçıvanda “uşaq oğrusunun peyda olması” ilə bağlı yayılan görüntülər polis əməkdaşları tərəfindən araşdırılıb.
Naxçıvan Muxtar Respublikası Daxili İşlər Nazirliyinin (DİN) mətbuat xidmətindən verilən məlumata görə, araşdırmalarla görüntünü sosial şəbəkələrdə yayan şəxsin azyaşlı olduğu müəyyən edilib. Azyaşlı və valideynləri ilə profilaktik iş aparılıb, sosial şəbəkələrdən düzgün istifadə qaydaları barədə izahlar verilib. Həmçinin azyaşlının valideynlərinə övladlarının internet mühitində davranışına nəzarətin vacibliyi barədə xəbərdarlıq edilib.
“Naxçıvan ərazisində uşaq oğruluğu, yaxud bu kimi təhlükəli hadisələrlə bağlı hər hansı bir fakt qeydə alınmayıb”, - deyə məlumatda bildirilir.
ZÜMRÜD
