Rusiya Ukraynanın Pilotsuz Sistemlər Qüvvələrinin komandiri Robert "Magyar" Brovdinin yerinin müəyyənləşdirilməsin kömək edə biləcək məlumata görə postsovet cinayətkar şəbəkələri vasitəsilə 20 milyon ABŞ dolları mükafat vəd edib.
Pilotsuz Sistemlər Qüvvələrindən bildirilib ki, Ukrayna dronlarının yüksək effektivliyi “Magyar”ı Kreml üçün əsas sui-qəsd hədəflərindən birinə çevirib. Bundan əlavə, Rusiya məhkəmələri ukraynalı hərbçini qiyabi olaraq saxta terrorizm ittihamları ilə məhkum edib və onu onilliklər müddətinə həbs cəzasına məhkum edib.
“The Wall Street Journal” qəzeti yazır ki, həyatına ciddi təhlükə yarandığı üçün komandir və tabeliyində olanlar ciddi təhlükəsizlik tədbirlərinə əməl etmək məcburiyyətində qalırlar.
Jurnalistlər bildiriblər ki, gizli komanda məntəqəsinə baş çəkməzdən əvvəl onlardan telefonlarını uçuş rejiminə keçirmələri və sonra Wi-Fi, mobil, Bluetooth və GPS siqnallarını bloklayan Faraday korpuslarına yerləşdirmələri istənilib. Onların sözlərinə görə, Ukraynanın cənub-şərqində yerləşən əraziyə gedən yolu gizlətmək üçün onlar qaranlıq şüşəli maşınlarda gizli yerə aparılıblar.
Brovdi özü Rusiyanın ona diqqətini Rusiya hərbi itkilərinin miqyası ilə əlaqələndirir. O bildirib ki, Pilotsuz Sistemlər Qüvvələri Ukrayna Silahlı Qüvvələrinin ümumi gücünün yalnız 2,5%-ni təşkil edir, lakin son bir ildə Rusiyanın bütün itkilərinin təxminən üçdə birinə görə məsuliyyət daşıyır.
O, həmçinin qeyd edib ki, ruslar tammiqyaslı müharibənin əvvəlindən bəri "Magyar" qrupunun 79 üzvünü öldürüblər. Onların adları komandanlıq mərkəzinin girişinin yaxınlığındakı divara həkk olunub. Müsahibə günü Pilotsuz Sistemlər Qüvvələri öz həlak olan hər bir əsgərinə görə 656 rus əsgərini öldürüb və ya yaralayıb.
Tahir TAĞIYEV
