Vüqar Bayramov: “Bərə daşımaları əsasən əsasən Bakı Beynəlxalq Dəniz Ticarət Limanı vasitəsilə həyata keçirilir”
Prezident İlham Əliyev II Azərbaycan Beynəlxalq İnvestisiya Forumu çərçivəsində keçirilən tədbirdə bildirib ki, biz elə bir mühit və təşviq mexanizmi yaratmalı idik ki, təchizatçılar Azərbaycanı seçsinlər:
“Biz bunu hətta həmin geosiyasi dəyişiklikdən əvvəl etdik. Çünki beş il bundan əvvəl ənənəvi təchizat zəncirlərinin pozulacağını təsəvvür belə etmək çətin idi. Beləliklə, biz elə bir fiziki və inzibati mühit yaratmaq istədik ki, təchizatçılar Azərbaycan ərazisindən keçən multimodal daşımalardan istifadəni seçsinlər. Çünki Azərbaycan ərazisindən keçərkən həm də bərələrdən istifadə edilir. Bu gün biz istər Şərq-Qərb, istərsə də Şimal-Cənub istiqamətlərində Azərbaycan vasitəsilə həyata keçirilən daşımalara tələbatın artdığını müşahidə edirik. Biz bu iki mühüm qovşaq üzərində yerləşirik”.
Görünən odur ki, bərələr daşımalarda Azərbaycanın önəmini daha da gücləndirir.
Sözügedən məsələni baki-xeber.com-a şərh edən millət vəkili Vüqar Bayramovun fikrincə, Azərbaycan iqtisadiyyatına xarici sərmayənin cəlb edilməsi bütövlükdə, cənab Prezident tərəfindən müəyyənləşdirilmiş yeni dövrün, yeni hədəflərin əsas istiqamətlərindəndir: “II Azərbaycan Beynəlxalq İnvestisiya Forumunun keçirilməsi və Prezidentin orada iştirakı bir daha təsdiq edir ki, Azərbaycan dünyanın aparıcı qlobal şirkətləri ilə əməkdaşlığı gücləndirir. Ölkəyə daha çox sərmayənin cəlb edilməsi istiqamətində praktik olaraq həm investisiya mühitinin yaxşılaşdırılması, həm də xarici iş adamları üçün yeni, çevik mexanizmlərin tətbiqini reallaşdırır. Tədbirdə 30 trilyon dollarlıq investisiya potensialı olan şirkətlərin Azərbaycana gəlməsi ondan xəbər verir ki, ölkəmiz xarici sahibkarlar üçün cəlbedicidir. Xüsusən də qeyri-neft sektoruna həmin şirkətlər vasitəsi ilə daha çox investisiyanın cəlb edilməsinə gətirib çıxaracaq. Xüsusən də Forumda imzalanan sazişlər qeyri-neft sektoruna daha çox investisiyanın yatırılmasına imkan yaradacaq. Ümumiyyətlə, 2025-ci ildə Azərbaycanda sərmayə qoyuluşlarında artımlar birbaşa xarici investisiya qoyuluşunun artması ilə əlaqədar oldu. Belə ki, Birinci İnvestisiya Forumu da rəqəmlərə birbaşa təsir göstərdi. Azərbaycan iqtisadiyyatına 34,2 milyard dollar cəlb edildi. Onun 16,7 milyard dolları və ya 9,8 milyard dolları xarici investisiyalar idi. 2025-ci ildə Azərbaycan iqtisadiyyatına cəlb edilən investisiyanın həcmi 17 faiz artıb. Bütün bunların fonunda, Azərbaycan ərazisindən keçən multimodal daşımalar dəniz, dəmir yolu, avtomobil və hava nəqliyyatının vahid marşrut üzrə inteqrasiyası ilə həyata keçirilir. Ölkəni Şərq-Qərb və Şimal-Cənub ticarət yollarının əsas strateji logistika qovşağına çevirir. strateji logistika qovşağına çevirir. Ölkəmizin coğrafi mövqeyi Xəzər dənizi limanları, inkişaf etmiş dəmir yolu şəbəkəsi və beynəlxalq magistrallar vasitəsilə yüklərin "qapıdan-qapıya" effektiv və sürətli çatdırılmasını təmin edir. Ölkəmizin ərazisindən keçərkən, xüsusilə beynəlxalq yükdaşımalar və tranzit marşrutlar çərçivəsində bərələrdən aktiv şəkildə istifadə olunur. Bu daşımalar əsasən Bakı Beynəlxalq Dəniz Ticarət Limanı vasitəsilə həyata keçirilir. Azərbaycan Xəzər dənizində ən böyük bərə terminalına və mühüm bərə donanmasına malikdir”.
Vidadi ORDAHALLI
