Azərbaycan vaksinləşmə səviyyəsinə görə dünya öncülləri sırasında yerini inamla qoruyur

Fatimə Hacıbəyli: “Dünyada vaksin qıtlığı yaşandığı bir zamanda bu məsələlər Azərbaycanda effektiv şəkildə həll olunub”

img

Koronavirus infeksiyası yayılmağa başladıqdan sonra maska, tibbi ləvazimatlardan istifadə həyatımızın bir parçasına çevrildi. Virusun qısa zamanda geniş yayılması dünyanı iflic vəziyyətinə gətirdi.

“COVID-19” infeksiyası dünyada yalnız səhiyyədə deyil, eləcə də bütün sahələrdə fəlakətlərə səbəb oldu. Nəticə etibarilə dünyada iqtisadiyyat sahəsində baş verən böhran əksər ölkəni ciddi maliyyə itkilərinə məruz qoydu.

Azərbaycan bu çətin vəziyyətdən də üzüağ çıxdı. Prezident İlham Əliyevin göstərişinə əsasən, Nazirlər Kabineti yanında Operativ Qərargah yaradıldı. Qərargah tərəfindən çevik qaydada qərarların qəbul edilməsi, hökumət tərəfindən atılan addımlar nəticəsində pandemiyanın təsirləri minimuma endirildi.

Habelə xəstəliyə qarşı mübarizə çərçivəsində ölkəmiz vaksini əldə edən ilk ölkələrdən oldu. Dərhal peyvəndlənmə prosesinə başlandı, bu günə qədər əhalinin 20 faizindən çoxuna vaksin vurulub. Görülən sistemli işlər, atılan məqsədyönlü və ardıcıl addımlar effekt verdiyi üçün artıq xüsusi karantin rejimi ölkəmizdə yumşaldılmağa başlanıb.

Yanvar ayının ortalarından etibarən peyvənd kampaniyası başlanıb və 2 milyon doza peyvənd bu günə qədər istifadə edilib. Peyvənd olunanlara “COVID-19” pasportları təqdim edilir.

Koronavirusun qarşısının alınmasında yeganə üsul vaksinləşmədir. Ölkədə aparılan vaksinləşmə xarici ölkələrin də diqqətini cəlb edir. Hətta beynəlxalq təşkilatlar Azərbaycanda aparılan vaksinlənməni yüksək qiymətləndirirlər.

Azərbaycan peyvəndləmə üzrə Müstəqil Dövlətlər Birliyinin ölkələri arasında birinci yeri tutur. Belə ki, ölkə əhalisinin artıq 15,9%-i vaksinlənib. Bu isə 2,3 milyon doza vaksin deməkdir.

Vaksinləşmənin səviyyəsinə görə Azərbaycan  MDB ölkələri üzrə ilk sırada, eyni zamanda, Avropa ölkələri üzrə də qabaqcıl sıralarda yer alır.

  • “Vətəndaşların hökumətin pandemiya ilə mübarizəsindən razılıq səviyyəsinə görə də Azərbaycan lider ölkələr sırasındadır”

Azərbaycanın bu yaxşı nəticəyə nail olması barədə danışan “Vəfa” Sosial-İctimai Birliyinin sədri Fatimə Hacıbəyli bildirdi ki, Ümumdünya Səhiyyə Təşkilatı tərəfindən təsdiqlənmiş vaksinlərin hər biri Azərbaycanda əlçatandır. Məhz bunun nəticəsidir ki, Cənubi Qafqazda ilk olaraq vaksinasiya işlərinə start verən ölkə də Azərbaycandır və peyvəndlənmə səviyyəsi baxımından MDB ölkələri arasında lider mövqedədir. Dünyada vaksin qıtlığı yaşandığı bir zamanda bu məsələlər Azərbaycanda effektiv şəkildə həll olunub. Hazırda ölkədə vaksin ehtiyatı kifayət həcmdə var və geniş vaksin seçimi imkanı yaradılıb. Bütün bu səbəblərdəndir ki, vətəndaşların hökumətin pandemiya ilə mübarizəsindən razılıq səviyyəsinə görə də Azərbaycan lider ölkələr sırasındadır. Hazırda dünyanın bir çox ölkəsində koronavirusa qarşı əhalinin vaksinasiyası əlçatmaz olduğu halda, Azərbaycanda artıq 18 yaşdan yuxarı bütün vətəndaşlar peyvənd olunmaq imkanı əldə ediblər. Artıq Azərbaycanda koronavirusa qarşı 3 növ vaksindən istifadə olunur, dövlət səhiyyə qurumları tərəfindən insanların vaksin seçiminə imkan yaradılıb. Gələcəyimizi risq altında saxlamamaq üçün vətəndaş məsuliyyəti və vaksinasiya mühüm amildir”.

Günel CƏLİLOVA

Son xəbərlər