Nazirlər Kabineti yanında Operativ Qərargah mayın 25-də keçirilən brifinqində xüsusi karantin rejiminin yumşaldılması ilə bağlı bir sıra qərarlarını açlıqayıb.
Növbəti həftədən bir sıra yumşaldılma tədbirinin görülməsinə qərar verilib.
31 maydan etibarən Azərbaycanda açıq havada maska ləğv olunur...
Beləliklə, 31 maydan etibarən Azərbaycanda açıq havada maska taxılması ləğv olunur.
Bunu Nazirlər Kabineti yanında Operativ Qərargahın mayın 25-də keçirilən brifinqində Prezidentin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.
Rayonlara avtobusla gediş-gəliş bərpa olunur...
Şahmar Mövsümov deyib ki, mayın 31-dən rayonlara avtobusla gediş-gəliş də bərpa olunur. Onun sözlərinə görə, avtobuslar maska, dezinfeksiya, məsafə qaydalarına riayət edilməklə fəaliyyət göstərəcək.
Bu yay çimərliklərin fəaliyyətinə icazə veriləcək...
Azərbaycanda 10 iyun tarixindən etibarən çimərliklərin fəaliyyətinə də icazə veriləcəyini deyən Prezidentin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümovun sözlərinə görə, çimərliklərlə bağlı ötən il tətbiq olunan qaydalar bu il də tətbiq ediləcək.
İdman zalları da açılır...
Nazirlər Kabineti yanında Operativ Qərargahın mayın 25-də keçirilən brifinqində Prezidentin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri onu da deyib ki, Azərbaycanda təxminən 10 faiz əhali vaksinasiyadan keçib.
Onun sözlərinə görə, idman sağlamlıq mərkəzlərinə girişə COVİD pasportla icazə veriləcək: "COVİD pasportu olmayan şəxslər - yəni vaksinasiyadan keçməyən, yaxud yoluxub sağalmış insanlar hələlik idman sağlamlıq obyektlərindən istifadə edə bilməyəcək. Gələcəkdə COVİD pasportu olan şəxslərin digər obyektlərə də girişi təmin ediləcək. Buraya konsertlər, teatrlar, kinoteatr, toy və digər şənliklər daxildir".
Mayın 31-dən metronun fəaliyyəti bərpa olunur...
Mayın 31-dən etibarən Bakı Metropoliteninin fəaliyyətinin bərpa olunacağını bildirən Şahmar Mövsümov Operativ qərargahın brifinqi zamanı deyib ki, bu addım son zamanlar Azərbaycanda pandemiya ilə bağlı müsbət dinamika ilə əlaqədar atılıb.
"Mall"ların fəaliyyəti bərpa olunur...
Brifinqdə iri ticarət mərkəzlərinin də fəaliyyətinin 10 iyun tarixindən bərpa edildiyi bildirilib.
Bu barədə Nazirlər Kabineti yanında Operativ Qərargahın mayın 25-də keçirilən brifinqində məlumat verilib.
İdman zallarından COVİD pasportu olanlar istifadə edə biləcək
“İdman sağlamlıq mərkəzlərinə girişə COVİD pasportla icazə veriləcək” – deyən Prezidentin İqtisadi məsələlər üzrə köməkçisi Şahmar Mövsümovun sözlərinə görə, COVİD pasportu olmayan şəxslər, yəni vaksinasiyadan keçməyən, yaxud yoluxub sağalmış insanlar hələlik idman sağlamlıq obyektlərindən istifadə edə bilməyəcək: "Gələcəkdə COVİD pasportu olan şəxslərin digər obyektlərə də girişi təmin ediləcək. Buraya konsertlər, teatrlar, kinoteatr, toy və digər şənliklər daxildir".
Azərbaycanda COVİD pasportu tətbiq olunacaq
Azərbaycanda COVİD pasportu tətbiq olunacağını bildirən Prezidentin köməkçisi –Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov bildirib ki, bu, iki sertifikatdan ibarət sənəddir: “Birinci sertifikat peyvəndləşmə sertifikatıdır. Həmin sertifikata bütün vətəndaşların "e-təbib"portalı ilə çıxışı var. İkinci sertifikat isə immunitet sertifikatıdır. Bu, xəstələnib sağalanlara tətbiq olunur. Ona görə ki, həmin şəxslərə müəyyən müddət peyvənd vurulmur. Beləliklə hər iki sertifikat COVİD pasportu adlanacaq. Bunların birinə malik olanlar idman sağlamlıq obyektlərinin xidmətindən istifadə edə biləcəklər. Digər şəxslər o xidmətlərdən istifadə edə biləcəklər. Gələcəkdə COVİD pasportu olan şəxslərin digər xidmətlərə çıxışına da icazə veriləcək. Burada söhbət toylar, konsert, teatr və şənlikləridən gedir”.
COVİD pasportu ilə bağlı tələbin toylara da tətbiqi nəzərdə tutulur
“İki doza vurulanlara vaksin sertifikatı veriləcək. İkinci sertifikat isə immunitet sertifikatıdır. Bu, xəstələnib sağalanlara veriləcək. Bu iki sertifikatın hər ikisi COVID pasportu adlanacaq. Bunların hər hansı birinə malik olanlar idman sağlamlıq obyektlərinin xidmətindən istifadə edə biləcəklər. Gələcəkdə bu yanaşmanın toylara da tətbiqi nəzərdə tutulur” - Şahmar Mövsümov deyib.
Prezidentin köməkçisi bildirib ki, burada söhbət konsert, kinoteatr, toylar, digər şənliklərdən gedir: “Bunun nə zaman tətbiq olunacağı barədə məlumat veriləcək”.
