Nazirlər Kabineti yanında Operativ Qərargahın brifinqi keçirilib. Brifinqdə karantin rejiminin sərtləşdirilməsilə bağlı qərarlar açıqlanıb.
Qərara əsasən, martın 20-si saat 00.00-dan martın 29-u saat 06.00-dək Azərbaycan Respublikasının ərazisində ictimai nəqliyyatın hərəkəti dayandırılır.
Azərbaycan Respublikasının ərazisində xüsusi karantin rejiminin müddəti 2021-ci il 1 iyun saat 06:00-dək uzadılıb.
Qərara əsasən, aprel və may aylarında ictimai nəqliyyatın hərəkəti aşağıdakı qaydada tənzimlənəcək:
2021-ci il 3 aprel saat 00:00-dan 5 aprel saat 06:00-dək;
10 aprel saat 00:00-dan 12 aprel saat 06:00-dək;
17 aprel saat 00:00-dan 19 aprel saat 06:00-dək;
24 aprel saat 00:00-dan 26 aprel saat 06:00-dək;
1 may saat 00:00-dan 3 may saat 06:00-dək;
8 may saat 00:00-dan 10 may saat 06:00-dək;
15 may saat 00:00-dan 17 may saat 06:00-dək;
22 may saat 00:00-dan 24 may saat 06:00-dək;
29 may saat 00:00-dan 31 may saat 06:00-dək Azərbaycan Respublikası ərazisində ictimai nəqliyyatın hərəkəti dayandırılır.
Prezidentin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Nazirlər Kabineti yanında Operativ Qərargahın brifinqində deyib ki, qapanmalar dalğanın sürətini azaldır və ölkələrə imkan yaradır ki, səhiyyə sisteminn dayanıqlılığını yarada bilsin:
"Azərbaycanda da son zamanlar rəqəmlər artmağa başlayıb. Yumşalmalardan sonra bu, gözlənilən idi".
O deyib ki, bu gün ölkədə sərt karantin rejiminin tətbiq edilib-edilməyəcəyi barədə çoxsaylı suallar verilir. Buradan diqqətinizə çatdırmaq istəyirəm ki, bu məsələ bizim hər birimizdən asılıdır.
Ş.Mövsümov bildirib ki, sərtləşməyə gedib-getməmək virusun yoluxma sayından asılıdır: “Əgər virus artmaqda davam etməsə, sərt karantin rejimi tətbiq edilməyəcək. Bu isə bizim hər birimizdən asılıdır. Qoyulan qaydalara ciddi riayət etməliyik. Lakin əgər yoluxma artmaqda davam edərsə, karantin rejiminin sərtləşdirilməsi zəruri olacaq”.
M.Mövsümov deyib ki, gələcəkdə vaksin olunmuş şəxslərə əlavə güzəştlərin verilməsi müzakirə olunur. Onun sözlərinə görə, bu məsələ hazırda müzakirə mərhələsindədir.
O bildirib ki, Britaniya şatammının hər hansı bir ölkə tərəfindən qarşısının alınması qeyri-mümkündür: “Çünki ştammlar bütün dünyaya yayılır. Hətta fantastik bir şey də deyim ki, Britaniya ştammına uyğun olaraq yerli Azərbaycan ştammı da yayıla bilər”.
O bildirib ki, yoluxmanın artmaması üçün vtəndaşlar özlərini qorumalıdır: "Sərtləşmə qərarını hökumət birdən vermir. Sərtləşmə qərarı ilə bağlı ölkədə vəziyyət araşdırılır, epidemioloji durum qiymətləndirilir və vəziyyətə uyğun qərar verilir. Əgər yoluxma sayı artarsa, sərtləşmə ola bilər. Buna görə də vətəndaşlar maskadan istifadə etməli, qorunlmalıdır. Rayonlara gedən vətəndaşlar da özlərini qorumalı, ehtiyac olmadığı halda, bayram günlərində evdən çıxmamağa üstünlük verməlidirlər. Əgər vəziyyət idarə olunan səviyyədə qalarsa, hökumət sərtləşmə qərarı verməyəcək".
Mövsümov Operativ deyib ki, indiyədək ölkəyə 1,5 milyona yaxın vaksin gətirilib.
O qeyd edib ki, "AstraZeneca" peyvəndi hələ Azərbaycana gətirilməyib: “Vaksin ölkəyə gətirildikdə belə, biz ÜST-ün və digər beynəlxalq qurumların qərarına uyğun olaraq ondan istifadə edəcəyik".
Prezidentin köməkçisi bildirib ki, hazırkı yoluxma sayı ilə kütləvi tədbirlərin keçirilməsinə icazə verilə bilməz: “Hazırda ad günü keçirmək qadağandır. Əgər kimsə bunu edirsə, o deməkdir ki, qaydaları pozur”.
Prezidentin köməkçisi bildirib ki, bu gün əlimizdə olan nəticələr səbəbilə metro açıla bilməz: “İctimai nəqliyyatı biz ya tamamilə bağlamalı, ya da açmalıyıq. Metronun açılması hazırda aktivliyin artmasına gətirib çıxara bilər. Metronun bağlanması qərarı verildikdə əsas məqsədimiz aktivliyin aşağı salınması idi. Karantin rejiminin növbəti dəfə yumşalması zamanı metronun açılması gündəmə gələ bilər”.
Hazırladı: Namiq QULİYEV
