19/02/2020 16:33
728 x 90

Paşinyan həbs etmək istədiyi Konstitusiya Məhkəməsinin sədrindən rüşvət aldığını etiraf etmək zorunda qaldı...

Arzuxan Əlizadə: “Paşinyan istəyir ki, hakimiyyətin bütün qollarında, o cümlədən, məhkəmələrin başında ona yaxın adamlar olsun”

img

Ermənistanda Konstitusiya Məhkəməsinin sədri Hrayr Tovmasyanla Baş nazir Nikol Paşinyan arasında münaqişə daha da dərinləşib. Hakim siyasi qüvvənin bütün cəhdlərinə rəğmən, vəzifədən getməkdən imtina edən H.Tovmasyan müqavimət göstərir. Paşinyan isə onu həbs etməyə çalışır.

Ermənistan rəhbərliyi Tovmasyanın həbsinin onlara Konstitusiya Məhkəməsinin digər üzvlərinə təzyiq göstərməyə və məhkəmə üzvlərini istefaya məcbur etməyə imkan verəcəyinə əmindir. Məlumata görə, hətta Paşinyan Xüsusi İstintaq Xidmətinin rəhbər heyətini çağırıb, onun göstərişlərini həyata keçirməyi, H.Tovmasyanın işini bitirməyi və qanunsuzluqlardan qorxmamağı tapşırıb.

Bununla belə, Paşinyan sosial şəbəkədəki hesabında onun ünvanına bir sıra aşağılayıcı fikirlər səsləndirib. Paşinyan iddia edir ki, Baş nazir seçildikdən sonra ilk dəfə H.Tovmasyanla 2018-ci ilin may ayında Hayastan Ümumerməni Fondunun Himayəçilik Şurasının iclasında görüşüb. İddia edib ki, Tovmasyan yaltaqlanıb və onun bu hərəkəti onu təəccübləndirib: “Yalnız mənimlə "cənab Paşinyan can", "cənab baş nazir can" deyərək əlaqə saxladı. Bütün ünsiyyət dövrümüzdə o mənə yalnız "can" olaraq müraciət etdi”.

Daha sonra Paşinyan bunları yazıb: “Sonra qeydlər aparmalı oldum, amma qələm tapa bilmədim. Xatırlamıram, soruşdum və ya qələm axtardığımı görüb mənə bu “elit” qələm təklif etdi”.

Paşinyan deyib ki, Tovmasyan ona verdiyi qızıl qələmi geri götürmək istəməyib: “Bir sözlə, bu qələm "sədaqət qarantı" olaraq qaldı. Bir neçə dəfə qələmi geri almaqdan imtina etdi. Başa düşdüm ki, Konstitusiya Məhkəməsi sədri vəzifəsini tutan şəxs bununla legitimlik qazanmaq istəyir. Bir qələmin qiymətini bildikdən sonra şoka düşdüm. Əslində, aldatma yolu ilə Konstitusiya Məhkəməsinin başçısı olmuş şəxs yeni təyin olunmuş Baş nazirə bahalı bir hədiyyə təqdim edərək, bu prosesi “İcevandan olan ailənin kürəkəni”olduğunu incə işarələrlə göstərir”.

Bütün hallarda, Paşinyan bununla Konstitusiya Məhkəməsinin sədrindən rüşvət aldığını etiraf edib. Daha dəqiq desək, bunu etiraf etmək məcburiyyətində qalıb. Paşinyan hər vasitə ilə H.Tovmasyanı sıxışdırsa da, əslində, onun özünün qanunsuzluğu ortadadır.

  • “İstənilən halda, onun məlum addımı Tovmasyandan rüşvət alması anlamına gəlir”

Sözügedən məsələ ilə bağlı fikirlərini “Bakı-Xəbər”lə bölüşən AMİP-in baş katibi Arzuxan Əlizadənin fikrincə, Paşinyanın əsas hədəfində Konstitusiya Məhkəməsi sədrinin olması təsadüfi deyil: “Məsələ ondadır ki, Ermənistanda Konstitusiya Məhkəməsinin sədri H.Tovmasyan Serj Sarkisyanın prezidentliyi dövründə bu vəzifəyə gəlib. Bu da Paşinyanın maraqlarına uyğun deyil. Paşinyan istəyir ki, hakimiyyətin bütün qollarında, o cümlədən, məhkəmələrin başında ona yaxın adamlar olsun. Onun Tovmasyana olan intriqalarının kökündə məhz bu amil dayanır. Səlahiyyəti imkan vermir ki, Ermənistanda Konstitusiya Məhkəməsinin sədrini vəzifəsindən azad etsin. Ona görə də intriqalar vasitəsilə onu oyundankənar vəziyyətdə saxlamağa çalışır. Paşinyan hesab edir ki, müstəqil məhkəmə onun üçün təhlükəli institutdur. İstənilən halda, Paşinyanın məlum addımı Tovmasyandan rüşvət alması anlamına gəlir. Hərçənd, Paşinyan müxtəlif vasitələrlə bunu maskalamağa çalışır”.

Vidadi ORDAHALLI

Son xəbərlər