24/02/2020 12:23
728 x 90

Prezident Əliyev dünyanın sabit inkişafı naminə hələ on illər sonra da ölkəmizin oynaya biləcəyi rolu qloballaşdırdı

Yeganə Hacıyeva: “Dünyada nüfuzlu bir lider kimi İlham Əliyevin beynəlxalq fəaliyyəti Davos Dünya İqtisadi Forumunda görkəmli yer tutur”

img

Dünyanın çox nüfuzlu Davos İqtisadi Forumunun rəsmi saytında Azərbaycan Respublikasının Prezidenti İlham Əliyevin “Azərbaycanın vahid və dayanıqlı dünyada rolu” sərlövhəli məqaləsi yerləşdirilib. Məqalədə Azərbaycanın son illər ərzində iqtisadi sahədə qazandığı uğurlar geniş təhlil edilir.

Xüsusilə də ölkəmizin iqtisadiyyatının beynəlxalq dözümlülük qabiliyyətinə vurğu edilir. Prezidentin təqdim etdiyi məqaləni Azərbaycanın dünyanın dayanıqlı inkişafı baxımından  oynaya biləcəyi rola verilən önəm baxımından necə dəyərləndirmək olar?

Politoloq Yeganə Hacıyeva “Bakı-Xəbər”ə açıqlamasında bildirdi ki, bugünlərdə Davos İqtisadi Forumunun rəsmi saytında Azərbaycan Respublikasının Prezidenti İlham Əliyevin “Azərbaycanın vahid və dayanıqlı dünyada rolu” sərlövhəli məqaləsini əhəmiyyətli sayıram: “Azərbaycan vətəndaşına geniş aydın olsun deyə məlumat verim ki, Dünya İqtisadi Forumu (The World Economic Forum - WEF) 1971-ci ildə akademik Klaus Schwab tərəfindən yaradılıb, hazırda dünyanın varlı, qüdrətli və məşhur insanların;n toplaşdığı, müasir qlobal dünyanın böyük məsələlərini müzakirə edən, dünyanın işlərini düzəltməyə cəhd göstərən, təxminən 3000 iştirakçısı olan nəhəng bir təşkilatdır.

Bu 3000 iştirakçıdan 900-dən çoxu qlobal və trans-milli böyük şirkətlərin direktorları və 70-dən çox dövlət başçılarıdır.

Dünyanın böyük məsələləri forumda məxfilik dərəcəsi müxtəlif olan iclaslarda, bağlı qapı arxasında keçirilən tədbirlər, böyük sövdələşmələr yer alan işgüzar fərdi görüşlərdə, dövlət başçıları, hökumət liderləri, biznes, təhsil və qeyri-hökumət sektoru təmsilçiləri rol alan, ikili görüşlər və s. səviyyəsində müzakirə olunur.

Xüsusi qeyd edim ki, dünyanın nüfuzlu bir lideri kimi Azərbaycan Prezident İlham Əliyevin   beynəlxalq fəaliyyəti Davos Dünya İqtisadi Forumunda görkəmli yer tutur.

Məhz Davos Dünya İqtisadi Forumunda Azərbaycan Prezidenti İlham Əliyevin fəaliyyəti dünyanı planetimizin sabit inkişafı naminə ölkəmizin hələ on illər sonra da oynaya biləcəyi rol haqqında təsəvvürlərin yaranması və Azərbaycanın qlobal səviyyədə sülhün və inkşafın tərəfdarı, təşəbbüsçüsü və icraçısı ölkə kimi təsdiqlənməsinə səbəb olub”.

Politoloq hesab edir ki, bunu şərh etməzdən öncə, Azərbaycanın planetin dayanıqlı inkşafı istiqamətində qlobal fəaliyyəti və bu fəaliyyətin istiqamətləri haqqında danışmaq yerinə düşər: “Azərbaycanın qlobal, regional, milli və yerli səviyyələrdə insanların və planetin maraqlarına cavab verən prinsip və dəyərlər daşıyıcısı, gələcəyə ortaq baxış və birgə məqsədlərə söykənən fəaliyyəti, ölkəmizin planetimizin dayanıqlı inkşafına töhfə verən bir ölkə modeli kimi özünü doğruldub.

Azərbaycanın iştirakçısı olduğu qlobal layihələrdə fəaliyyəti trilyonlarla vəsaitin, özəl resursların transformativ gücün planetin dayanıqlı inkişaf məqsədlərinə nail olmaq üçün səfərbər edilməsinə, yönləndirilməsinə və üzə çıxarılmasına yönələn təxirəsalınmaz tədbirlərin təşəbbüsçüsü ölkə kimi təsdiqləyib.

Azərbaycan belə layihələrin xüsusilə inkişaf etməkdə olan ölkələrdə vacib sektorlar üçün uzunmüddətli investisiyalara, bir başa xarici investisiyaların qlobal dayanıqlı inkşafa səbəb ola biləcək aktivlərin həyata keçirilməsini təklif edən bir ölkə kimi özünü təsdiqləyib.

Azərbaycanın təşəbbüskar mövqeyi qlobal səviyyədə dayanıqlı enerji, infrastruktur və nəqliyyat, eləcə də informasiya və kommunikasiya texnologiyaları sektorlarına yönəlməli, dövlətlərin müəyyən etdiyi istiqamətlərə, sektorlara yönəlik investisiya cəlbi, investisiyaların qoyulmasına münbit şərait yaradılması, yoxlama və monitorinq çərçivələri, hüquqi normalar və güzəşt mexanizmləri işlənməsi, ali audit təşkilatları və qanunvericilik orqanlarının nəzarət funksiyaları kimi milli nəzarət mexanizmlərinin gücləndirilməsi üçün bazaların işlənməsinin vacibliyini nəzərdə tutur. Bu fəaliyyətin isə planetimizin dayanıqlı inkşafına mühüm töhfə verəcəyi göz önündədir”.

Məhəmmədəli QƏRİBLİ

Son xəbərlər