27/01/2020 21:50
728 x 90

Paşinyanda “baş pozğunluğu” müzakirələri Ermənistanı bürüdü…

img

İşğalçı Ermənistanda hakimiyyət başına indiyə qədər Nikol Paşinyan kimi ziddiyyətli və avantürist bir şəxsin gəlmədiyi birmənalı həqiqətdir. Onun mütəmadi olaraq səsləndirdiyi ziddiyyətli bəyanatlar, verdiyi vədlərə sadiq qalmaması, söylədiyi fikirlər indi Ermənistanda Paşinyan barədə maraqlı mövqe formalaşdırıb. Hətta bir sıra erməni media orqanları Paşinyanın psixoloji problemləri barədə maraqlı fikirlər irəli sürür.

Qeyd edək ki, sözügedən məsələ bir müddət əvvəl Ermənistanın eks-prezidenti Robert Köçəryan tərəfindən də dilə gətirilib. “Qrapark” qəzetinin yazılı sorğusuna cavab olaraq, Ermənistanın eks-prezidenti Paşinyan barədə bildirirdi: “Başınızı divara çırparıq və asfalta uzadarıq formulu bu ifadənin müəllifinin natamam psixi vəziyyətindən xəbər verir. Sosial psixologiya inqilabi təbliğatın bu təzahürünü yaxşı öyrənib. Belə irrasional insanların hərəkətində səbəb-nəticə əlaqəsi axtarmaq faydasızdır". Köçəryan Paşinyanın həmin ifadəsini inqilabın təhlükəli tərəfi kimi təqdim edib. O, 1998-ci ildə hakimiyyətə gələn zaman əsas siyasi rəqibi Levon Ter-Petrosyanı və tərəfdarlarını təqib etmədiyini də xatırladıb:“1998-ci ildə əhalinin əksəriyyəti Petrosyanı və onun komandasını həbs etməyi tələb edirdi. Amma o zamanlar mən keçmişlə mübarizə aparmağa deyil, birgə gələcək qurmağa qərar verdim. Həbslərə sevinən cəmiyyət yaradıcı ola bilməz. Mənə qarşı irəli sürülən iddiaların reallıqla heç bir əlaqəsi yoxdur”.

Köçəryanın bu fikirlərinin ardınca sosial şəbəkələrdə Nikol Paşinyanın növbəti ilginc görüntüləri yayıldı. Lentə alınan kadrlarda Paşinyanın qeyri-adi hərəkətlər etdiyi, həmin vaxt anlaqlı olmadığı görünür. Həyat yoldaşı ilə birlikdə tədbirə qatılan erməni baş nazirin qəribə davranışları geniş müzakirələrə səbəb olub. Onunla bağlı müxtəliq iddilar irəli sürülüb. Bəzi media orqanlarında Paşinyanın psixoloji problemlərinin olduğu, həmçinin rəsmi tədbirə sərxoş halda gəldiyi bildirilirdi. Bir çoxları isə bəyan etdi ki, insan yalnız narkotik maddənin təsiri altında bu cür əndrabadi hərəkətlər edə bilər. Ümumiyyətlə isə, hələ 2018-ci ildə Ermənistanda baş tutan hakimiyyət dəyişikliyindən sonra Paşinyanın bəzi emosional açıqlamalarının ardından sosial mediada onun psixoloji problemləri olduğu və müntəzəm olaraq dərmanlar qəbul etməsi barədə fikirlər yayılırdı. İrəvan meriyasının keçmiş üzvü Marina Xaçatryan Paşinyanın psixoloji vəziyyətini yoxlamaq üçün müayinə aparılmasının lazım olduğunu vurğulayarkən bildirib: “Paşinyan təkəbbürlü bir aldanışa sahibdir. Bu şəxsin psixiatriya klinikasında müayinəsinə ehtiyacı var və bunun üçün vəsait toplayırıq. İnsanlar Paşinyanın ruhi sağlamlığının müayinədən keçirilməsi təkidilə imza toplayır, o, ruhi cəhətdən sağlam deyil”. Daha sonra “ordu.az” portalının məlumatına görə, keçmiş MTX rəisi Vanetsyanda Paşinyanın müəyyən psixi problemləri olduğunu sübut edən bir sənəd olduğu barədə məlumatlar ortaya çıxıb. Sənəd MTX rəisi üçün Paşinyan hökumətində işləməməyə qərar verməsinə görə son damla olub. Gələcəkdə nəyin baş verəcəyini anlayan Vanetsyan Paşinyanın hərəkətlərinə görə məsuliyyəti öz boynuna götürməkdən imtina edib. Vanetsyan Paşinyanın qeyri-adekvat vəziyyətinə dair yaydığı açıqlamasına da işarə edib: “Dövlət quruculuğunun öz məntiqi var, qərarların spontanlığı, fəaliyyətlərin çevikliyi, ikinciliyin prioriteti, keçicinin isə qalıcıdan fərqlənməməsi üzrə davranış tərzi hədəflərə çatmağa aparan yol deyil. Zabit ləyaqəti ilə heç bir ümumi əlaqəsi yoxdur. Zabitin rütbəsi və hadisələrin bu cür inkişafı uyğun deyil. İstefam “Dur” üçün düşündürücü bir addım olsun və bütün digər sahələrdə ölkə qarşısında borc qalib gələcək”.

O da bildirilir ki, ABŞ prezidenti Donald Trampın qeyri-adekvat davranışından sonra Paşinyanın səhhətindəki problemlərlə bağlı şayiələr yenidən güclənməyə başlayıb. Bir çoxları, Paşinyanın psixoloji problemləri varsa, o zaman dövlətin milli təhlükəsizliyi təhdid altındadır deyə düşünür.  Bütün bunlardan sonra, hətta Paşinyanın ailə qəzetində onun ruhi sağlamlığı ilə bağlı ictimai müzakirələrin olduğunu etiraf etməsi bir həqiqətdir. Belə olan halda hesab olunur ki, Paşinyan bu mövzunu birdəfəlik bağlamaq üçün nüfuzlu beynəlxalq klinikalardan birində müayinədən keçməlidir. Əks təqdirdə onun əsl psixopat olması təsdiqlənəcək.

Elə bu problemlər həm də Qarabağ münaqişəsinin həllinə imkan verməyən faktorlardan sayıla bilər. Paşinyanın Dağlıq Qarabağ münaqişəsini həll etməyə nə gücü var, nə hərbi imkanı yetərlidir, nə də lazımi səviyyədə diplomatiyası var. Bu səbəbdəndir ki, Ermənistan getdikcə daha qeyri-müəyyən situasiyaya düşür. Bu durumda Paşinyanın məntiqdən uzaq mövqe sərgiləməsi də məhz psixoloji durumu ilə izah oluna bilər.

Nahid SALAYEV

Son xəbərlər