Belarusun Brest şəhəri və Azərbaycanın Naxçıvan şəhəri arasında dostluq və əməkdaşlıq müqaviləsinin bağlanması üçün sənədlər paketi hazırlanır. sb.by saytı xəbər verir ki, bunu Azərbaycan Respublikasının Belarus Respublikasındakı fövqəladə və səlahiyyətli səfiri Məhərrəm Əliyev deyib.
"Böyük Vətən Müharibəsinin xatirəsi Belarus və Azərbaycan xalqlarını birləşdirən ortaq dəyər olaraq qalmaqdadır. Müharibə zamanı Azərbaycan respublikanın əhalisinin təxminən 3,4 milyon nəfər olmasına baxmayaraq, cəbhəyə 10 mini qadın olmaqla, 700 mindən çox insan göndərdi. Xidmətə çağırılanların yarısı - 350 min nəfəri evə qayıtmadı. Cəsarət və şücaətlərinə görə 128 Azərbaycan vətəndaşı Sovet İttifaqı Qəhrəmanı adına layiq görüldü, onlardan 12-si Belarusun azad edilməsində iştirak etdiklərinə görə, bu ada layiq görüşdü.
Brest bu ortaq tarixdə xüsusi yer tutur. 1939-cu ilin dekabr ayında Azərbaycandan əsgərlər Brest qarnizonunda xidmət etməyə gəlmişdilər. Onlar Sovet İttifaqının digər xalqlarının nümayəndələri ilə birlikdə müharibəni Belarus torpağında qarşılamışdılar.
Brest qalası qəhrəmanlığın məğlubedilməz bir nümunəsi kimi tarixdə əbədi olaraq qalacaq. Bresti azad edən əsgərlər kimi, onun müdafiəçilərinin şücaəti xalqlarımızın ortaq tarixinin bir parçasıdır. Belarusun milliyyətindən asılı olmayaraq, Böyük Vətən Müharibəsi qəhrəmanlarının xatirəsini əziz tutmağa davam etməsi bizim üçün xüsusilə vacibdir. Bu xatirə Azərbaycan və Belarus arasında müasir münasibətlər üçün möhkəm təməl rolunu oynayır ", - deyə səfir Məhərrəm Əliyev qeyd edib.
Bunun sübutlarını Belarus şəhərlərinin xəritəsində tapmaq olar: küçələrə və təhsil müəssisələrinə respublikanın azadlığı uğrunda döyüşlərdə fərqlənən azərbaycanlıların adları verilib.
Ortaq xatirə təkcə diplomatik münasibətlərin deyil, həm də şəhərlər arasında gələcək tərəfdaşlığın təməlinə çevrilir. Brest Azərbaycanın ən qədim şəhərlərindən biri olan Naxçıvanla əməkdaşlıqda yeni bir sıhifə açmağa hazırlaşır.
Brestə ilk dəfə səfər etdiyini deyən Naxçıvan nümayəndəsi, Şəhər İcra Hakimiyyəti başçısının birinci müavini və icra hakimiyyəti səlahiyyətlərini icra edən Əhməd Vəliyev də görüş iştirakçıları qarşısında çıxış edərək bu səfərin uzun və səmərəli tərəfdaşlığın başlanğıcı olacağına əminliyini ifadə edib.
Tahir TAĞIYEV
