ABŞ Prezidenti Donald Tramp 2026-cı il FİFA Dünya Kuboku finalına ev sahibliyi edən stadiondan çıxdıqdan bir neçə saniyə sonra İrana bombardman əmri verib.
Tengrinews.kz xəbər verir ki, yeni əmr ABŞ Mərkəzi Komandanlığı tərəfindən açıqlanıb. Bəyanatda deyilir: "Centcom bu gün Şərq vaxtı ilə saat 19:00-da ardıcıl doqquzuncu axşam İrana qarşı yeni zərbə dalğasına başlayıb. Zərbələr Hörmüz boğazından keçən ticarət gəmilərinə və mülki dənizçilərə hücum etmək üçün istifadə edilən İran hərbi imkanlarını zəiflətməyə davam edəcək". ABŞ Mərkəzi Komandanlığı həmçinin əvvəllər itkin düşmüş üçüncü bir Amerika hərbçisinin qalıqlarının tapıldığını bildirib. Onların şəxsiyyəti hələ müəyyən edilməyib. İranın Tasnim xəbər agentliyinin məlumatına görə, ölkənin bir neçə şəhərində - Təbriz, Çabahar, Kanarak və Bəndər İmam Xomeynidə partlayışlar eşidilib. Bu dörd İran şəhəri müxtəlif ixtisaslaşmalara malik strateji, iqtisadi və tarixi mərkəzləri təmsil edir. Daha əvvəl İran ordusu Küveytdəki ABŞ bazalarına iki cavab zərbəsi endirib. Pilotsuz təyyarələrdən biri sursat anbarına hücum edib.
Xatırladaq ki, ABŞ prezidenti Donald Tramp Dünya Kuboku çempionları olan İspaniya milli komandasının mükafatlandırma mərasimində fəal iştirak edib. Hətta qaliblər kuboku qələbə ilə qaldırarkən siyasətçi səhnəni tərk etməkdən imtina edərək fotolara düşüb.
SAMİRƏ
