ABŞ və İraq Hörmüz boğazından keçmək üçün alternativ marşrutlar yaratmaq barədə saziş imzalayıb. Associated Press-in xəbərinə görə, Amerika şirkətləri cümə günü İraq hökuməti ilə təxminən 60 milyard dollar dəyərində müqavilələr və anlaşma memorandumları imzalayıblar ki, bunun da bir hissəsi neft ixracı üçün alternativ marşrutlar yaratmaq və Hörmüz boğazından asılılığı azaltmaq məqsədi daşıyır. ABŞ Ticarət Palatasında imzalanan bu sazişlər, enerji sektorundan əlavə, səhiyyə, rabitə və infrastruktur sahələrini də əhatə edir. Lakin bu neft layihələrinin dünya neftinin təxminən beşdə birinin keçdiyi Hörmüz boğazına praktik alternativ su yolu yarada biləcəyi hələ də məlum deyil. Goldman Sachs hesablamalarına görə, boru kəmərinin tikintisi, hətta tək bir ölkə daxilində belə, ən azı iki il yarım tələb edir, bu layihələr isə iki və ya daha çox ölkənin ərazisindən keçməlidir.
ABŞ-ın Türkiyədəki səfiri Tomas Barrak bildirib ki, neft kəməri ilə bağlı razılaşmalar "Hörmüz boğazını kiçik və periferik məsələyə çevirəcək" bir proqramın həyata keçirilməsinə gətirib çıxaracaq.
SAMİRƏ
