Akif Nağı: “Oskanyanın bu əsassız iddiası, uyğunsuz müqayisəsi onun revanşist mahiyyətindən irəli gəlir”
Ermənistanın sabiq xarici işlər naziri Vardan Oskanyan keçmiş Dağlıq Qarabağı Malvin adaları ilə müqayisə edərək yersiz iddiada bulunur. Oskanyan deyir ki, Argentina Malvin adalarını öz Konstitusiyada saxlaya bilir, amma Azərbaycan məcbur edir ki, Ermənistan Konstitusiyasını dəyişsin. Əslində bunlar başqa-başqa məsələlərdir, heç yaxından-uzaqdan əlaqəsi olmayan nəsnələrdir. Malvin adaları Argentinanın idi, amma keçmiş Dağlıq Qarabağ Ermənistanın deyil, o Azərbaycanın beynəlxalq hüquqla tanınan ərazisidir və onun Ermənistanla heç bir əlaqəsi yoxdur.
Qeyd edək ki, 1982-ci ildə Argentina və Böyük Britaniya arasında Folklend (Argentinada Malvin adaları adlandırılır) uğrunda 74 günlük müharibə baş verib. Münaqişə zamanı 900-dən çox insan həlak olub. Bu müharibədə sonda Argentina qalib gəldi. Çünki Malvin İngiltərənin yox, Argentinanın idi, sonda özünə qaytardı.
Azad Vətən Partiyasının sədri Akif Nağı baki-xeber.com-a bildirdi ki, bu Oskanyanın revanşist mahiyyətindən irəli gəlir: “Özünü revanşist kimi aparan Oskanyan vaxtilə xarici işlər naziri olub və o, diplomatiyanı, beynəlxalq qanunları bilməli idi. Amma bu adam çox savadsız, səviyyəsiz, məlumatsız bir adam kimi danışır. Bu açıqlama ya qocalıqdadır, ya özünü kimlərəsə göstərmək istəyindən irəli gəlir. Qoca yaşında yəqin dolanma bilmir, kimlərinsə pul kisəsindən asılıdır. Ona görə də belə əsassız, uyğunsuz müqayisə aparıb fikir söyləyir. Yəni Qarabağla Malvin adaları fərqli şeylərdir.
O adalar vaxtilə Argentinaya mənsub olub. 1981-1982-ci illərdə Argentina ilə İngiltərə arasında problem yarandı. Argentina öz adalarını nəzarətə götürdü. İngiltərə də ondan razı qalmadı. O dövrdə Margaret Tetçer hakimiyyətdə idi. Yəni sərt siyasət yeritdirdi. Bütün dünya da, Avropa da Margaret Tetçerə müraciət etdilər. Argentinanın qeyri-hökumət təşkilatları da müraciət etdilər ki, yəni bu qədər uzaqda yerləşən bu adlar sizin nəyinizə lazımdır?
Bu hadisənin necə baş verməsi, nə ilə nəticələnməsi tarixdən məlumdur.
Malvin adalarının keçmiş Dağlıq Qarabağla müqayisə edilməsi tamamilə əsassızdır.
Oskanyan başa düşməlidir ki, Malvin adalarının keçmiş Dağlıq Qarabağla heç bir oxşarlığı yoxdur. Oskanyanın bu əsassız iddiası, uyğunsuz müqayisəsi onun revanşist mahiyyətindən irəli gəlir”.
A.Nağı qeyd etdi ki, keçmiş Dağlıq Qarabağ Azərbaycan ərazisi idi və Ermənistan tərəfindən işğal olunmuşdu. “İşğal faktını özləri də etiraf edirdilər. 2008 ci il mart ayının 14-də BMT Baş Assambleyasının iclasında nəhayət ki, Azərbaycanın işğal olunmuş əraziləri ilə bağlı qətnamə qəbul olundu. 2008-ci ildə və bütün dünyanın birləşdiyi Birləşmiş Millətlər Təşkilatının Baş Assambleyası aydın şəkildə bildirdi ki, Dağlıq Qarabağ və digər ərazilər Azərbaycanın işğal olunmuş əraziləridir. Azərbaycan işğal olunmuş əraziləri işğaldan azad edib və indi bunun Ermənistan Konstitusiyasında və ya haradasa saxlanılması hansı məntiqdən xəbər verir? Bu diplomatlardan soruşmaq gərəkdir. Ermənistan vaxtilə işğal etdiyi ərazini konstitusiyada saxlamamalıdır. Əgər biz Ermənistanın hər hansı bir ərazisini işğal etmiş olsa idik, onlar da onu hansısa konstitusiyada saxlamış olsa idilər, burada məntiq var idi. Amma bu məntiq deyil. Dünya da, bu günkü Ermənistan hakimiyyəti də həmin ərazilərin Azərbaycan torpağı olduğunu qəbul edir.
Oskanyan Malvin adaları ilə keçmiş Dağlıq Qarabağı hansı məntiqlə müqayisə edir, anlamaq olmur. Ona görə də heç bir məntiq yoxdur. O ağıllı, təcrübəli diplomat olsaydı bu cür revanşist fikirlər söyləməzdi.
Onların sifətlərinə vurmaq lazımdır ki, nə vaxt beynəlxalq hüquqla danışmağı bacaracaqsınızsa, onda çıxın orta ortaya, onda nə isə fikir səsləndirin. Gedin, savadınızı artırın. Savadsızlıqla, vəhşiliklə Azərbaycana qarşı siz heç nə edə bilməzsiniz”-deyə A.Nağı əlavə etdi.
İradə SARIYEVA
