TRIPP+ şirkəti TRIPP layihəsinə alternativ deyil, onu dəstəkləmək üçün yaradılır. Bunu Ermənistanın xarici işlər naziri Ararat Mirzoyan hökumət iclasında bildirib.
İrəvan hökuməti Ermənistan və ABŞ arasında "Beynəlxalq Sülh və Rifah üçün Tramp Marşrutu" (TRIPP) layihəsi üzrə Strateji Əməkdaşlıq haqqında Çərçivə Sazişinin təsdiq edilməsi haqqında qanun layihəsini bu gün təsdiqləyib.
Ermənistan hökuməti TRIPP layihəsi üzrə beynəlxalq müqavilədə təsbit olunmuş öhdəliklərin Konstitusiyaya uyğunluğunu müəyyən etmək üçün Konstitusiya Məhkəməsinə müraciət edəcək. Bildirilir ki, Konstitusiya Məhkəməsi beynəlxalq müqavilədə təsbit olunmuş öhdəliklərin Konstitusiyaya uyğun olduğuna qərar verərsə, sənəd parlamentə göndərilcək.
Xarici işlər naziri xatırladıb ki, layihəni həyata keçirmək üçün Ermənistan-Amerika şirkəti olan TRIPP Development Company yaradılıb və onun təsisçiləri Ermənistan hökuməti və ABŞ tərəfindən TRIPP Development Company US olub.
Mirzoyanın qeyd edib ki, danışıqlar zamanı Amerika tərəfi bildirib ki, ABŞ hökuməti birbaşa şirkətin təsisçisi kimi çıxış edə bilməz. TRIPP+ layihəsinə gəldikdə isə, nazir bildirib ki, o, layihəni dəstəkləmək və investisiya cəlb etmək üçün yaradılır, yəni TRIPP İnkişaf Şirkəti üçün dəstəkləyici rol oynayacaq.
Ermənistan xarici işlər naziri xatırladıb ki, müqaviləyə əsasən, TRIPP Development Company şirkəti Mehri bölgəsində (eləcə də layihənin həyata keçirilməsi üçün zəruri olan Ermənistanın digər ərazilərində) torpaqdan istifadə və tikinti hüquqlarını 49 il müddətinə əldə edəcək. Amerika tərəfi layihədə 74% paya, Ermənistan hökuməti isə 26% paya sahib olacaq. 49 ildən sonra hər iki tərəfin razılığı ilə müqavilə əlavə 50 il uzadıla bilər. Bu halda, Ermənistanın layihədəki payı heç bir əlavə öhdəlik olmadan 49%-ə qədər artacaq.
TRIPP paketini tamamlamaq üçün yalnız iki sənədin imzalanması qalıb - səhmdar müqaviləsi və TRIPP İnkişaf Şirkətinin nizamnaməsi.
ABŞ Dövlət Departamentinin dəstəyi ilə yaradılmış TRIPP+ (Trade Route for International Peace and Prosperity Plus) Fondunun rəhbəri vəzifəsinə Rusiya əsilli amerikalı investor Konstantin Sokolov təyin edilib.
Məlumata görə, Çikaqoda yaşayan 50 yaşlı Sokolov Rusiyada anadan olub və təhsil alıb, daha sonra ABŞ-a köçüb. O, 20 ildən artıqdır investisiya sahəsində fəaliyyət göstərir.
Konstantin Sokolov Çikaqoda yerləşən IJS Investments investisiya şirkətinin təsisçisidir. O, həmçinin Ermənistanın telekommunikasiya şirkəti Viva-nın səhmdarı, Northern Pillar Energy konsorsiumunun üzvü və Pelagos Data Centres şirkətinin direktorlar şurasının sədridir.
Tahir TAĞIYEV
