Rusiya Xarici İşlər Nazirliyinin sözçüsü Mariya Zaxarova bildirib ki, Bakı və İrəvanın "3+3" platformasında iştirak edən ölkələrin xarici işlər nazirlərinin növbəti görüşlərinin ardıcıllığı barədə razılığa gəlməsini gözləyirik.
5 iyun 2026-cı ildə Sankt-Peterburq forumu çərçivəsində keçirilən platformanın ilk ekspert sessiyasında iştirakçılar siyasiləşmədən konkret, qarşılıqlı faydalı iqtisadi layihələrə diqqət yetirməyi fəal şəkildə müdafiə etdilər. Zaxarova bu yanaşmanı tam dəstəklədiklərini qeyd edib.
O əlavə edib ki, "3+3" formatı (Ermənistan, Azərbaycan, Gürcüstan, Rusiya, İran və Türkiyə) 2021-ci ildə regional dövlətlərin özlərinin və ən yaxın qonşularının səyləri ilə ortaya çıxan regional problemləri və məsələləri həll etmək üçün yaradılıb: “Onlar, hər kəsdən daha çox, Cənubi Qafqazda sülh və təhlükəsizliyə sözün əsl mənasında həyati əhəmiyyət kəsb edən maraq göstərirlər.”
“Platformanın gündəliyi Moskva, Tehran və İstanbulda xarici işlər nazirlikləri arasında keçirilən üç görüş zamanı hazırlanıb və universal xarakter daşıyır. O, nəqliyyat, enerji, mədəniyyət və yeni çağırışlar və təhdidlərlə mübarizə də daxil olmaqla, çoxtərəfli əməkdaşlıq məsələlərinin geniş spektri üzrə qarşılıqlı fəaliyyəti əhatə edir. İkitərəfli münasibətlərin müzakirəsi gözlənilmir. Bu format başqa bir şey haqqındadır”, - deyə Zaxarova vurğulayıb.
Tahir TAĞIYEV
