Akif Nağı: “Qərara əsasən əməliyyatları davam etdirmək üçün Trampa icazə verilmədi”
Tramp ABŞ Konqresini İrandakı müharibənin yenidən başlaması barədə məlumatlandırılıb. Donald Tramp "Birliyin Vəziyyəti" adlı çıxışında 7 iyulda qoşunların "İran daxilindəki hədəflərə qarşı müdafiə zərbələri" endirdiyini açıqlayıb. NYT-nin qeyd etdiyi kimi, bildiriş Kapitoli Təpəsi ilə Ağ Ev arasındakı münaqişəni yenidən qızışdırır.
ABŞ Prezidenti Donald Tramp Konqresə İranda hərbi əməliyyatların yenidən başlaması barədə rəsmi olaraq məlumat verib. Məktub 10 iyulda Konqres liderlərinə göndərilib və 13 iyulda “The New York Times” (NYT) tərəfindən əldə edilib.
Məktubda Ağ Ev rəhbəri bildirib ki, 7 iyulda Amerika qoşunları "İran daxilindəki hədəflərə qarşı müdafiə zərbələri endirib".
NYT qeyd edib ki, bildiriş Kapitoli Təpəsi ilə Ağ Ev arasında prezidentin səlahiyyətləri ilə bağlı münaqişəni bir daha kəskinləşdirir. Hər iki palata artıq ABŞ prezidentindən müharibəyə son qoymağı və ya onu davam etdirmək üçün təsdiq almağı tələb etmək üçün səs verib. Ağ Ev isə öz növbəsində Trampın baş komandan kimi konstitusiya səlahiyyətləri çərçivəsində hərəkət etdiyini iddia etməyə davam edir.
Azad Vətən Partiyasının sədri Akif Nağı baki-xeber.com-a bildirdi ki, İranla Amerika arasında məsələlər hələ bitməyib. A.Nağı vurğuladı ki, Amerika geri çəkilmək istəmir. “Amerika öz hədəfinə doğru gedir. Ona gördə heç bir halda müharibənin dayandırılacağına, atəşkəsə inanmaq olmaz. Dəfələrlə də görsənib ki, atəşkəs müqavələsi imzalıyırlar, amma müəyyən müddətdən sonra pozulur. Çünki hər iki tərəf atəşkəs rejimindən vaxt qazanmaq, bir az dincəlmək, müəyyən qüvvələrin yerini dəyişmək üçün istifadə edir. İndi də həmin qaydadır. Yəni elə gözlənilən bir addım idi ki Amerika İranın mövqeyi ilə hesablaşmayacaq. Çünki İran da özünü qalib kimi təqdim edir. İranın da məqsədi var, nüvə tədqiqatlarını davam etdirir, Hörmüz boğazı ilə bağlı hikkəli mövqedən çıxış edir. Qazanc götürmək niyyətindədir. Amerikadan sanksiyaların götürülməsini, banklarda dondurulmuş aktivlərinin donunun açılmasını tələb edir. Yəni ona görə də Tramp vaxtaşırı bu cür formalara əl atır. Çünki belə baxanda nə Amerika, nə də İran öhdəkləri yerinə yetirir. Hər kəs özünün oyununu oynayır. Güclü tərəf isə Amerikadır. Amerika istəyinə nail olmaq üçün iki addım irəli, bir addım geri çəkilməklə yavaş-yavaş hədəfinə doğru gedir.
Bunu görə Amerikanın daxilində də bu birmənalı qarşılanmır. Amerikanın içində müxalifət qüvvələri var, Demokratlar Tramp hakimiyyətinə qarşıdır. Onlar istənilən məqamdan istifadə etməyə çalışırlar. Bir müddət bundan əvvəl Konqresdə, Senatda qərar qəbul olmuşdu. Xüsusilə Senat qərar qəbul etmişdi ki, artıq ABŞ konstitusiyasına görə, 60 gün keçib. Çünki onların konstitusiyasına görə, 60 gün ərzində prezident istənilən ölkəyə qarşı müharibə apara bilər, amma 60 gündən sonra müharibəni davam etdirmək üçün Konqresin razılığını almalıdır. Ona görə də Tramp müharibənin bitdiyini, sonra atəşkəsi elan etdi və Senatda da qərar qəbul olundu və qərara əsasən əməliyyatları davam etdirmək üçün Trampa icazə verilmədi. Amma onlar özləri də başa düşürlər ki, Tramp onların dediklərini yanından keçməyi bacaracaqdır. Müraciətin mətnində gördünüz ki, Tramp müdafiə xarakterli zərbələr vurmaqla bağlı Konqresi məlumatlandırıb.
Aydındır ki, bununla qanunlara tabe olduğunu, qanunlarda kənara çıxmadığını göstərir. İndi deyilir ki, növbətə dəfə üçüncü dalğanı başladıb müəyyən hədəflərə vururlar. Əsasda üç nöqtədə-Fordo, Nətəns, Pikaks. Üçü də bir-birinə bir kilometr, iki kilometr məsafədə yerləşir. Yəni Pikaks bizim qədim Zagros dağlarının silsələsinə daxildir. Orada da dağın içərisində 80-100 metr dərinlikdə nüvə tədqiqatlarını davam etdirmək üçün laboratoriya qurublar. Belə bir məlumat da var ki, uran ehtiyatlarını ora cəmləşdirirlər. Həmin hissələrə, başqa hissələr zərbələr vurur, İranı taqətdən salmağa çalışır. Hədəf də ondan ibarət ki, birincisi, nüvə tədqiqatlarını dayandırsın, nüvə silahı əldə etmək fikrindən daşındırsın. İkincisi, orada rejim Amerikanın istəyinə uyğun olan bir rejim olsun, ya tamamilə dəyişsin, ya Amerikanın istəyinə uyğun siyasət yeritsin. Eyni zamanda Amerika İranın neft-qaz ehtiyatlarına sahib çıxmaq istəyir Amerika. Hörmüz boğazı ilə bağlı İranın iddialarını rədd etmək məqsədi var. Yəni Oman da artıq Amerika Birləşmiş Ştatları ilə bir yerdədir. Hörmüz körfəzinin boğazının bir hissəsi İranın sularıdır, digəri isə Omanın. Amerika çalışır ki, Oman hissəsindən gəmlərin hərəkətlərini davam etdirsin amma İran imkan vermir. Ona görə də bu günkü məlumatlara görə yenidən İranın limanları Amerika tərəfindən blokadaya alınıb, İran gəmlərin çıxmasına, girməsinə imkan vermir”.
A.Nağı qeyd etdi ki, bu şəkildə Amerika öz üstünlüyünü İrana qəbul etdirmək istəyir, bir tərəfdən zərbə vurur, digər tərəfdən isə danışıqların davam etdirdiyini də bildirir. “Amerika bildirir ki, texniki məsələlərlə bağlı danışıqlar davam edir. ABŞ burada zərbə vurub danışıqlarda nəticə əldə etməyə çalışır. Xətt bundan ibarətdir və böyük ehtimalla irəliləyən aylar ərzində Amerika öz istəklərindən nail olacaqdır”-deyə A.Nağı əlavə etdi.
İradə SARIYEVA
