Rusiya prezidenti Putin “India Today” kanalına müsahibəsində müharibənin bitməsi üçün heç bir güzəştə getməyəcəyini deyib. Putin Ukrayna ordusunun Donbasdan çıxarılması təklifini irəli sürdüklərini və bunun gələcək münaqişənin qarşısını alacağını bildirib.
"Lakin Ukrayna hərbi əməliyyatları davam etdirməyi seçdi. Biz Ukraynaya bunu dedik: Xalq sizinlə yaşamaq istəmir; onlar referendum keçirib müstəqilliyə səs verdilər. Qoşunlarınızı geri çəkin, o zaman heç bir hərbi əməliyyat olmayacaq. Amma onlar silahlı münaqişə yolunu seçdilər" - deyə Rusiya prezidenti bildirib.
Putin Donbası və Novorossiyanı istənilən yolla ələ keçirəcəklərini bəyan edib: "Ya bu əraziləri zorla azad edəcəyik, ya da Ukrayna qoşunları bu əraziləri tərk edib, orada döyüşməyi dayandıracaqlar".
Putin burada Ukraynanın cənub və şərq bölgələri ilə bağlı "Yeni Rusiya" mənasını verən rusca "Novorossiya" sözündən istifadə edir. Rusiya İmperiyası dövründə Novorossiya şərqi və cənubi Ukraynanı əhatə edib.
TAHİR
