Akif Nəsirli: “...Bunu önə çəkməsi siyasi manipulyasiya cəhdidir”
BBC iş adamı Emin Ağalarova məxsus Sea Breeze ətrafında təxribatçı təbliğat həyata keçirməyə başlayıb.
Media qurumu iddia edib ki, Azərbaycanın ilk kazinosu Bakının ən dindar, mühafizəkar müsəlman kəndi yaxınlığında inşa olunacaq. BBC məsələni belə qələmə verir və bununla da məqsədli şəkildə dindarlara təsir etmək, onları bu layihəyə qarşı qaldırmaq istəyir. Halbuki, Sea Breeze dənizin kənarında, Nardarandan 30-40-50 kilometr kənarda tikilir. Onun Nardaranla nə əlaqəsi var? BBC onun Bakının, Mərdəkanın, Sumqayıtın yaxınlığında tikildiyini yazmır, hay-küy yaratmaq üçün məhz Nardaranın yaxınlığında inşa ediləcəyini irəli sürürlər. Bu açıq-açığına təxribatdır və böyük bir layihənin qaralanmasına xidmət edir.
“Məqsəd Azərbaycanın daxili ictimai balansını sarsıtmaq və beynəlxalq auditoriyada “dindar kəndin yanında kazino tikən ölkə” obrazı formalaşdırmaq ola bilər”
BBC-nin yaydığı bu qaralayıcı məlumata şərh verən Liberal İqtisadçılar Birliyinin sədri, ekspert Akif Nəsirli “Bakı-Xəbər”ə bildirdi ki, bunun bir təxribat olduğu, radikal dindarları ayağa qaldırmağa xidmət etdiyi gizli deyil. BBC tərəfindən təqdim olunan bu material açıq-aydın təxribat xarakteri daşıyır. Azərbaycanın ilk kazinosu açılır və məqsəd də aydındır. Məqsəd Azərbaycanın ilk kazinosunu açmaq və Avropanın ən böyük oyun məkanlarından birinə çevirməkdir Yəni turizimin bu növü dövlət büdcəsinə çox böyük gəlir gətirir. Biz bunu dünya təcrübəsindən görürük.
BBC-nin reportajı təkcə layihəni təqdim etmir, onu dini dəyərlər fonunda təqdim etməklə sosial qarşıdurma təsiri yaradır. “Bakının ən dindar kəndi -Nardaran yaxınlığında kazino?” sualı ilə ictimai qıcıq oyandırmaq və mühafizəkar təbəqələri hökumətə qarşı qaldırmaq məqsədi güddüyü ehtimal olunur.
Bu, BBC-nin əvvəllər də Azərbaycanla bağlı yayımladığı bəzi materiallarda müşahidə olunan “emosional və ideoloji çalarlarla yüklü” təqdimat tərzi ilə üst-üstə düşür. Məqalədə diqqət daha çox əxlaq, dindarlıq və zənginlik arasındakı ziddiyyətə yönəldilib – bu isə informasiyadan çox ictimai təxribat effekti yaradır.
BBC-in belə bir məlumat yaymasının məqsədi aydındır, kazino tikinti üçün seçilmiş yerin dindarlığı və mühafizəkarlığı ilə tanınan Nardaran kəndi yaxınlığında yerləşdiyini deməklə sosial və ideoloji ziddiyyətlər yaranmasına çalışır.
Eyni zamanda, layihənin rəhbərləri hakim ailəyə yaxın olduğundan, BBC-nin bunu önə çəkməsi siyasi manipulyasiya cəhdidir”.
A.Nəsirli qeyd etdi ki, BBC faktiki olaraq iqtisadi layihəni dini-sosial qarşıdurma prizmasından təqdim edir: “Məqsəd Azərbaycanın daxili ictimai balansını sarsıtmaq və beynəlxalq auditoriyada “dindar kəndin yanında kazino tikən ölkə” obrazı formalaşdırmaq ola bilər.
Belə yanaşma təmiz informasiya deyil, ideoloji mesaj daşıyan təbliğat elementləri ilə yüklənib”.
Leyla QARAXANLI
