Üzeyir Cəfərov: "... hava limanlarının vurulması əməliyyatı Ukrayna xüsusi xidmət orqanları və Baş Kəşfiyyat İdarəsi tərəfindən çox məxfi şəraitdə, bir il yarım müddətdə hazırlanıb"
Ukrayna Silhlı Qüvvlərindəki mənbə BBC-nin Ukrayna xidmətinə bildirib ki, Ukrayna pilotsuz təyyarələri bazar günü Rusiyanın bir neçə hərbi aerodromunu vurub.
Onun sözlərinə görə, hücum nəticəsində Rusiya aviasiyasına məxsus 40-dan çox təyyarə, o cümlədən A-50, Tu-95 və Tu-22 M3 məhv edilib. Rusiya Müdafiə Nazirliyi Ukraynanın Rusiya hərbi aerodromlarına hücumu faktını təsdiqləyib və bildirib ki, “bir neçə aviasiya texnikası” yanıb.
Rusiya Hərbi Departamentinin məlumatına görə, Rusiyanın beş bölgəsindəki hərbi aerodromlar pilotsuz təyyarələrin hücuma məruz qalıb.
“Bu gün Kiyev rejimi Murmansk, İrkutsk, İvanovo, Ryazan və Amur vilayətlərindəki aerodromlara qarşı FPV pilotsuz uçan aparatlarından istifadə etməklə terror aktı həyata keçirib”, – Rusiya Müdafiə Nazirliyinin bəyanatında deyilir.
Agentlik bildirir ki, İvanovo, Ryazan və Amur vilayətlərində hərbi aerodromlara edilən bütün hücumlar dəf olunub.
Ukrayna ərazisindən Murmansk, İrkutsk, İvanovo, Ryazan və Amur vilayətlərindəki aerodromları vurmaq texniki baxımdan necə mümkün olur, bu vilayətlər cəbhədən çox uzaqdır?
İkincisi, bunu müharibənin gedişində təşəbbüsü Ukraynanın ələ alması kimi qiymətləndirmək olarmı?
Bu mövzuda baki-xeber.com-un sualını cavablandıran hərbi ekspert Üzeyir Cəfərov bildirdi ki, Rusiyanın dərinliklərində - İrkutsk, Murmansk, Amur və digər vilayətlərindəki aerodromlarının vurulması əməliyyatı Ukrayna xüsusi xidmət orqanları və Bas Kəşfiyyat İdarəsi tərəfindən çox məxfi şəraitdə, bir il yarım müddətdə hazırlanıb: "Bir gün əvvəl Ukrayna prezidenti Volodimir Zelenski əməliyyata rəhbərlik edən Ukrayna Təhlükəsizlik Xidmətinin rəhbəri general Vasili Malyuku qəbul edərkən bu haqda ətraflı danışdı. Əlbəttə, hazırda Ukraynanın 4 min kilometr məsafəyə uçan dronları yoxdur, onarın yalnız 2 min kilometr məsafəni vuran dronları var. Bu əməliyyat Rusiya ərazisində hazırlanıb və uğurla həyata keçrilib.
Bəli, indi Rusiya xüsusi xidmət orqanları üzərindən dronlar buraxılan yük avtomobilləri barədə araşdırma aparir. Bu Rusiya üçün çox dəhşətli zəribedir - 40-dan çox strateji bombardmançı təyyarə sıradan çıxarılıb. Həmin təyyarələr gecə-gündüz Ukrayna ərazilərini uzaq məsafədən bombalayırdı. Ukrayna İstanbulda başlayacaq ikinci raund danışıqlar öncəsi Rusiyaya çox ağır bir zəribə endirdi.
Bu müharibənin gedişatına sözsüz ki, təsir edəcək. Amma indi Rusiya rəhbərliyi düşünur ki, müharibə uzandıqca onlar daha cox əraziləri tutacaqlar və bu onlara danışıqlar masasında üstünlük qazandıracaq. Amma mən bu cür düşünmürəm, hazırda Rusiyada hərbi və iqtisadi böhran höküm sürur, ona görə də bu müharibə generallarının çox böyuk strateji səhfi sayılır, onlar bu səhfi etiraf etməlidirlər. Əgər bu gün söhbət Murmansk, İrkutsk, Amur, İvanovo, Riyazan və digər regionlardan gedirsə, deməli artıq müharibə Rusiyanın ərazisində gedir. Bu Rusiyanı çox ciddi şəkildə düşündürməlidir. Rusiyanin ərazisi genişdir və bütün ərazini HHM sistemləri ilə təhciz etmək mümkün deyil. Ərazinin genişliyi havadan müdafiə strategiyası üçün minus sayılır. Bütun Rusiya hava məkanını eyni anda qorumaq hazırda təcrübi baxımdan mümkun deyil.
Digər tərəfdən həmin ərazilərdə Ukrayna tərəfə rəğbət bəsləyən, onlara kömək etməyə hazır olan kifayət qədər rus və ya əslən ukraynalı var.
Sözügedən əməliyyat doğrudan da hərb tarixində xüsusi əhəmiyyətə malikdir. Bu əməliyyat tələsmədən, uzun müddətə, dəqiqlik və peşəkarlıqla hazırlanıb.
Rusiya indiyə qədər nə əkmişdisə, indi də həmin "ağacların" acı meyvələrini dərməkdədir. Rusiyanın məhv edilən bombardmançı təyyarələri təkcə Ukraynaya qarşı deyildi, onlar ölkə ərazisində mühüm tapşırıqları yerinə yetirmək üçün nəzərdə tutulmuşdur. Onlardan 41 ədədi məhv edilib. Bu Rusiya aviasiyasının önurğa sütununun qırılması deməkdir".
Akif NƏSİRLİ
