Akif Nağı: "Bayden adminstrasiyası Ermənistana dəstək verəndə Paşinyan komandası özünü həddən artıq çərçivədənkənar və iddialı aparırdı"
Rusiya prezidenti Vladimir Putin Ermənistanın baş naziri Nikol Paşinyanı 50 illik yubileyi münasibətilə çox qısa və şablon məzmuna malik mətinlə təbrik edib. Təbrikin mətni şablon ifadələrdən başqa bir şey deyil.
Ola bilsin ki, bu adi protokol qaydasıdır, amma Rusiya-Ermənistan munasibətləri tarix boyu xüsusi yaxınlığı ilə seçilib. Rusiya lideriləri Ermənistan rəhbərlərini həmişə şanlı mətnlerlə mədh etməyə məqam axtarıblar. Bəlkə də bu iki ölkə arasında baş tutan ən sönük təbrik məktubu mətni oldu.
Belə qısa və məzmunsuz təbriklə Putin nə demək istəyir?
"Putin Paşinyanla ikibaşlı oyun aparır" deyə, nəticə çıxarmaq olarmı?
Məsələ ilə bağlı baki-xeber.com-a açıqlama verən politoloq Akif Nağı bildirdi ki, Ermənistan və onun lideri bölgədə heç bir təsir imkanlarına malik deyillər, bu qısa təbrik də onun ən layiqli qiymətlərindən biridir: "Ermənistan hakimiyyəti gah Rusiyaya, gah da Avropaya sığinmaqla özlərini tam gözdən salıblar. Putinin bu təbrik mətni də həmin münasibətin bir göstəricisidir. Bununla Moskva Ermənistana demək istəyir ki, sizin regionda heç bir təsir imkanınız yoxdur.
Bayden adminstrasiyası Ermənistana dəstək verəndə Paşinyan komandası özünü həddən artıq çərçivədənkənar və iddialı aparırdı. O vaxt Ermənistan iqtidari Rusiyaya az qalırdı meydan oxusun, özlərini təhlükəsizliyi təmin edilmiş bir dövlət kimi aparırdılar. Təbii ki, Putin bunu unutmur, ona adekvat olaraq da Paşinyana münasibət bəslənilir.
Amerikada Tramp adminstrasiyası fəaliyyətə başladıqdan sonra Vaşinqtonun İrəvana münasibətləri soyuyub. Avropanın isə elə bir gücü yoxdur ki, Ermənistana lazımi dəstək verə bilsin. Açığı heç Brüsselin buna istəyi də yoxdur.
Avropa Almanıyadakı hakimiyyət dəyişikliyindən sonra bir qədər dirçəlib. F. Merz hakimiyyətə gələndən sonra Avropanı müstəqil güc mərkəzinə çevirmək ideyası ortaya atılıb. Almanya, Fransa və İngiltərə üçlüyü Avropanı dirçəldib, Ukraynaya dəstəyi gücləndirmək fikrindədir. Ermənistan artıq Avropanın da nəzərlərində arxa plana keçib. Hətta, Fransa Ermənistana əvvəlki dəstəyi göstərmir. Albaniyanın paytaxtı Tiranada keçrilən zirvə görüşundə Paşinyan foyedə sahibsiz şəkildə dolaşırdı. Hətta, Makron da ona sahib çıxmadı, o, Azərbaycan prezidentinə yaxınlaşıb xüsusi jestle gorüşdü, Rəcəb Tayyib Ərdoğana xususi diqqətini göstərdi. Orda da Paşinyan sanki yaddan çıxmışdı.
Hazırda Rusiya yaranmış fürsətdən istifadə edərək öz təsir imkanlarını Ermənistanda artırmağa çalışır.
Digər tərəfdən, Ermənistan guya Rusiya ilə bərabərhüquqlu munasibətlər qurduğunu nümayiş etdirməyə cəhd gostərir. Rusiya isə nümayiş etdirir ki, siz bizimlə bərabər tərəf deyilsiniz, siz bizə möhtacsınız, bizən asılısınız, ona görə də istəsək sizə dəstək verərik, istəməsək vermərik. Bu xətt Rusiya-Ermənistan munasibətlərində son vaxtlar aydın şəkildə hiss edilir.
Yeri gəlmişkən, Rusiyanın baş naziri Mişustin də eyni məzmunlu mətinlə Paşinyanı təbrik etdi. Onlar hər ikisi imkan düsən kimi Ermənistana öz yerini göstərdilər. Bu diplomatik münasibətlərdə qəbul edilən bir formadır. Hər bir dovlət başçısına münadibət onun layiq olduğu şəkildə göstərilir. Bu "təbriklə" Rusiya Ermənistanın zəif oldugunu və sülh prosesində Azərbaycanın tələblərini yerinə yetirməli olan tərəf kimi xarakterizə edir. Göstərilir ki, Ermənistan yalnız Rusiyanın əlaltısı olmaq imkanlarına malikdir, artıq o heç nəyə qadir deyil.
Təkrar qeyd edirəm ki, bu mövqe Ermənistanın regionda malik olduğu mövqein göstəricisidir.
Rusiya artiq Paşinyana qarşı olan qüvvələri fəallaşdırmaqdadır. Artıq mübarizə qızışır, kilse yenidən Paşinyana qarşı mübarizəyə qalxıb, bunun arxasında isə Moskva dayanır".
Dəniz NƏSİRLİ
