Putin belə tamaşalarla "döyüşən rəhbər" imici yaratmağa cəhd edir
Bu gün Rusiya cəmiyyəti qorxusundan hakimiyyətin yanında olduğunu dilə gətirsə də, insanlar artıq oğul itkilərinə və məhrumiyyətlərə dözə bilmir, cəmiyyət sosial partlayışa hamilədir.
Ukrayna ilə müharibədə hədəflərinə çatan bilməyən Rusiya prezidenti Vladimir Putin isə cəbhədə həlak olmuş bir milyona yaxın əsgərin boş yerə məhv edilməsinə bəraət qazandırmaq üçün yollar axtarır. Bu yollardan biri də onun cəbhənin "qaynar nöqtələrindən" bəyanatlar verməsi ola bilərdi. Tarixdə belə ölkə rəhbəri olub, ordu ilə döyüşub, aylarla cəbhədə olub. Putin belə bir rəhbər ola bilməsə də, belə bir imic yaratmaq məcburiyyətindədir. Bunun üçün isə ən münbit və inandırıcı bölgə sözsüz ki, yenicə Ukrayna ordusundan geri alınmış, ərazisinə rus ordusu və xüsusi xidmət orqanları yaxşı bələd olan Kurski vilayəti ola bilərdi. Köhnə KQB xəfiyyəsi bu şansı əldən buraxa bilməzdi. Çunki Kurski səması rus HHM-ləri tərəfindən 24 saat ciddi şəkildə qorunurdu.
Bəzən adama elə gəlir ki, rus cəmiyyəti Putin hakimiyyətini dəstəkləyir. Çünki hansı Rusiya vətəndaşı ilə söhbətdə deyirsənsə ki, Putin günahkardır, dərhal cavab gəlir ki, Putin düz edir. Çunki cəmiyyətdə qorxu xofu var. Faktiki müharibə əleyhinə təbliğat aparanları cəzalandırmaq üçun qanun qəbul edilib. Rusiya hökuməti bütün mümkün vasitələrlə vtəndaşları izləyir. Yəni cəmiyyətin hakimiyyətə "dəstəyi" yalnız qorxu xofunun nəticəsidir. Putin də bunu çox yaxşı başa düşür ki, cəmiyyətdə ona qarşı gizli bir nifrət var. O bu nifrəti heç olmasa bir qədər zəiflətmək üçün "özünü odun-alovun içinə atmaq" qərarına gəlib. Bununla o, cəmiyyətə göstərmək istəyir ki, mən də rahat yatmıram, mən də müharibədəyəm...
Rusiyanın dövlət mediası Putinin Kursk vilayətində helikopterinin Ukrayna pilotsuz təyyarələrinin kütləvi atəşinə məruz qaldığını bildirib. “The Moscow Times” mənbələrə istinadən yazır ki, sən demə baş verənlər səhnələşdirilmiş ssenari olub.
Rusiya prezidenti Vladimir Putin döyüşlər başlayandan bəri ilk dəfə Kursk bölgəsinə səfər edən zaman onun helikopteri Ukrayna pilotsuz təyyarələri tərəfindən atəşə tutulub, lakin bunun diqqətlə hazırlanmış bir tamaşa olduğu üzə çıxıb.
Nəşrin hökumətdəki və Kremldəki mənbələrinin bildirdiyinə görə, güc strukturları bu “riskli” epizodu mediada təbliğ edərək, rusiyalıları inandırmağa çalışıblar ki, prezident onların arxasında gizlənmir, həm də riskə getməyə, qurbanlar verməyə hazırdır. Müntəzəm pilotsuz təyyarələrin zərbələri, hava limanlarındakı xaos və mobil telefonların kəsilməsi fonunda bu televiziya tamaşası Putinin ölkə əhalisi ilə “təhlükələri bölüşməsi” görüntüsünü yaratmaq və cəmiyyətə “müharibə müharibədə” mesajı vermək məqsədi daşıyırdı.
"Ruslar, əzizlərim, baxın! Prezident Putin özü əziyyət çəkir, əzab çəkir və hətta, həyatını riskə atır. Sizin problemləriniz xırda-para şeylərdir. Dişlərimizi bir-birinə sıxıb dözmək lazımdır", - hazırkı hökumət rəsmilərindən biri bu qirulmuş tamaşanın motivasiyasını açıqlayıb.
Səhnələşdirilmiş hadisə zamanı Putin həqiqətən də Kursk vilayətində idi, rəsmi versiyaya görə, o, helikopterdən oraya rəhbərlik edirdi. Həqiqətən də bu bölgə müntəzəm olaraq Ukraynanın hücumlarının hədəfinə çevrilir. Lakin rəsmilər onun təhlükəsizliyinin ən yüksək səviyyədə təmin edildiyini bildiriblər. "Heç kim heç vaxt belə böyük cinayətə - səhlənkarlığa yol verməz - hətta ən pis vəziyyətlərdə belə", - prezident administrasiyasına yaxın bir məmur bildirib.
Həm hökumətdə, həm də Kremldə işləmiş başqa bir məmur deyib: “Əslində Putin daha riskə getmək istəmir – onlar televiziyada bu barədə sırf şou üçün ucadan qışqırırlar, əksinə, onun təhlükəsizliyini təmin etmək üçün getdikcə daha çox tədbirlər görülür”.
2025-ci ildə Putinin iştirakı ilə keçirilən tədbirlərdə iştirak edən bir neçə Rusiya rəsmisi prezidentin aldığı təhlükəsizlik səviyyəsini “qrafiklərdən kənar” adlandırıb. Deyilənlərə görə, nəzarət marşrutlardan tutmuş, müşayiət edən şəxslərin fiziki vəziyyətinə qədər hər şeyi əhatə edir.
Prezident helikopterinin guya “düşmən pilotsuz təyyarələrinin kütləvi hücumunun dəf edilməsinin episentrində” olması ilə bağlı sensasiyalı bəyanat Müdafiə Nazirliyi tərəfindən dövlət televiziyası olan VGTRK vasitəsilə yayılıb.
Putinin səfəri əvvəlcə ciddi məxfilik şəraitində keçdi, amma səfər başa çatandan sonra bu məlumatlar elə rus mediasında geniş yayımlanıb.
Bir məqamı da vurğulayaq ki, son zamanlar Putin İ.V.Stalinə simpatiyasını gizlətmir. Görünür, Kreml sahibi onu özünə kumir seçib. Bu baxımdan Volqaqrad şəhər hava limanının "Stalinqrad" adlandırılması da təsadüf sayılmamalıdir.
Akif NƏSİRLİ
