"Sözün əsl mənasında, son bir neçə gündə siyasi təmayüllərindən asılı olmayaraq, Ermənistan cəmiyyəti ölkənin yüksək vəzifəli şəxslərinin çılğın görünən bəyanatlarından yenidən şoka düşüb". Bu fikir "Sputnik Armenia" portalında yer alıb.
Barəsində bəhs edilən şokun səbəbləri haqqında portal yazır: "Məxməri dodaqlar"dan eşidilən səbəb-nəticə nüanslarını diqqətlə araşdırdıqda məlum olur ki, "ekssentrik" bəyanatların şifahi ekranı altında Ermənistan Nazirlər Kabinetinin rəhbəri və üzvlərinin tamamilə praqmatik və başadüşülən yanaşması gizlənir. Belə ki, Ermənistan Təhlükəsizlik Şurasının katibi Armen Qriqoryan öz yeni məzmunlu bəyanatında Ermənistanın buğda taxılından düyü istehlakına keçməli olduğu barədə şok və absurd açıqlama verib. Cəmiyyətin bundan qəzəbləndiyini və şoka düşdüyünü hər kəs görə bilər. Bəs niyə Armen Qriqoryan belə qəribə, dərhal da rədd edilən təkliflə çıxış etdi? Cavab çox sadədir. Əksər politoloqların və analitiklərin fikrincə, Armen Qriqoryan kollektiv Qərbin ən mühüm "məxluqu"dur və neoqlobalizm ideyalarına sadiqdir, yeri gəlmişkən, özü də bunu gizlətmir. Təəssüf ki, Qriqoryanın daimi anti-Rusiya bəyanatları, eləcə də ölkənin Təhlükəsizlik Şurasının katibi kimi fəaliyyətinin xarici siyasət trasında onun sözün əsl mənasında önə çəkilən transatlantik mövqeyi normaya çevrilib. Və burada dərhal amerikalıların Ermənistan hakimiyyətinə olan tələbi (bəli, məhz tələb) yada düşür - Ermənistanı nəinki Rusiyadan, ümumiyyətlə, Avrasiya vektorundan mümkün qədər ayırmaq. İndi prosesə daha ətraflı nəzər salaq. Bildiyiniz kimi, Ermənistan Rusiyadan nəinki təbii qaz, benzin, gübrə və iqtisadiyyat üçün beş yüzə yaxın digər kritik əhəmiyyət kəsb edən məhsullar, həm də demək olar ki, bütün növ taxıl bitkiləri, o cümlədən buğda idxal edir. Erməni qastronomik mədəniyyətində buğda (yəni çörək) ən vacib məhsuldur. Amma deyildiyi kimi, buğdanın az qala doxsan faizi güzəştli qiymətlərlə Rusiyadan gətirilir. Bu o deməkdir ki, Ermənistan vətəndaşları taxıl ehtiyatından asılıdır. Təhlükəsizlik Şurasının katibi isə sensasiyalı çıxışında rusların adını çəkmədi, lakin məmurun erməniləri istehlakda çörəkdən düyüyə yönəltmək təklifinin kontekstini başa düşmək üçün deduksiya dahisi olmağa ehtiyac yoxdur. Bütün bunlar nə qədər absurd səslənsə də, Qriqoryan sadəcə olaraq amerikalı tərəfdaşlarının Ermənistanın Rusiyadan guya asılılıqdan sürətlə "azad edilməsi" üçün əsas konsepsiyasını həyata keçirir.
Ermənistan Təhlükəsizlik Şurasının katibi xəyali "düyü pəhrizinə" keçiddən sonra ölkə əhalisinin başına nə gələcəyi ilə maraqlanmır. Əsas odur ki, "oradan" gələn göstərişi etsin. Digər eyni dərəcədə qəribə (yumşaq desək) bəyanatla Ermənistan hökumətinin başçısı Nikol Paşinyan özü çıxış edib. Belə ki, hökumətin iclasında Nikol Paşinyan əhalinin Ermənistandan kütləvi axınını stimullaşdıran amillərdən biri kimi aşağıdakıları göstərdi: insanlar "qulaqlarında sırğalar, özünəməxsus saç düzümləri olduğu üçün ölkəni tərk edirlər: bəziləri həqiqətən də xaş və kababı sevmir". Təhlilimizin əvvəlki "qəhrəman"ında olduğu kimi, Ermənistan hökuməti başçısının bəyanatı ilk baxışda çox, çox, çox, çox qəribə görünür (yumşaq desək), çünki bu, göz qabağındadır: səbəb ölkədən kütləvi miqrasiya, ermənilərin hansısa qastronomik üstünlükləri və ya "qeyri-standart" görkəmi deyil, ölkədə daimi alçaldılma, laqeydlik, sosial ədalətsizlik hissinin yaratdığı sosial-psixoloji gərginlikdir. Ən əsası isə, sadə insanlarda qar çığı kimi ölkənin varlığına dair artan narahatlıq hissi var. Axı etiraf etməlisən ki, hakimiyyətin bir söz dediyi, başqa fikirdə olduğu, başqa iş gördüyü ölkədə yaşamaq çətindir. Üstəlik, indiki Ermənistan hakimiyyətinin bütün türkpərəst "zarafatları" insanları sadəcə olaraq fiziki varlıqları üçün qorxuya salır. Çox güman, fakt ondan ibarətdir ki, Nikol Paşinyanın avroamerikalı tərəfdaşları qarşısında Ermənistanda psixoseksual xəstəliklərdən əziyyət çəkən insanlar üçün "azadlıq və bərabərliy"in təşviqi və qanuniləşdirilməsi baxımından, LGBT adlanan ümumi qəbul edilmiş formatda müəyyən öhdəlikləri var. Bu fikir Paşinyan tərəfindən çox diqqətlə təqdim edilmiş mühacirətin psevdosəbəblərinin müqayisəli təhlili ilə irəli sürülür. Ermənistandan köçün əsas səbəbi hesab edilən "qəribə saç düzümü" və "qulaqda sırğa" ilə bağlı bütün bu eyhamlar Paşinyanın son bəyanatını məhz belə qəbul etməyə səbəb olur.Təbii ki, yuxarıda qeyd olunan fikirlə razılaşmamaq olar, lakin təcrübənin göstərdiyi kimi, Ermənistan hakimiyyətinin bütün şokedici və ilk baxışdan absurd bəyanatlarının arxasında həmişə çox konkret səbəblər dayanır. Necə deyərlər, səhv etməkdən məmnun olarıq. Amma istənilən halda, erməni dövlətini və milli təfəkkürünü məhv etmək cəhdləri davam edəcək - artıq heç bir şübhə yoxdur".
Tahir TAĞIYEV
