ABŞ prezidenti Co Bayden Azərbaycan Prezidenti İlham Əliyevə göndərdiyi məktubunda az qala Ermənistanin xarici işlər nazirinin mövqeyindən çıxış edib. Belə ki, Ağ Ev şefi Azərbaycanı COP29 tədbiri ilə ermənilər kimi, rəsmən şantaj edir.
Bayden məktubunda yazır ki, dünyanın diqqəti COP29 ilə bağlı Bakıya yönəldiyi bir vaxtda dünya ictimaiyyətnə sülhə sadiqliyinizi nümayiş etdirmək üçün misilsiz imkana maliksiniz.
Bayden hansı məqamdasa Azərbaycanın sülhə sadiq olmadığını numayiş etdirdiyini görübsə, göstərsin. Azərbaycan hakimiyyəti 30 il səbrlə gözlədi ki, ABŞ-nin də həmsədri olduğu ATƏT-in Minsk Qrupu (MQ) münaqişəni dinc yolla və ədalətli şəkildə həll edəcək. Lakin bu 30 ildə biz alçaldıcı sülh təkliflərindən və Ermənistanın ərköyün uşaq kimi şıltaqlığından basqa heç nə görmədik. Hətta MQ həmsədrilərinin dəstəyi ilə Ermənistan cəmiyyəti elə təbliğ edilmişdi ki, erməni cəmiyyətinin əksəriyyəti "qanla alınan torpaqlar sülh yolu ilə geri qaytarıla bilməz" fikrini dəstəkləyirdi. Yəni ölkə əhalisi Azərbaycan torpaqlarının işğal edilməsini bir qəhrəmanlıq sayırdı. Bu, Ermənistan hökumətinin təkbaşına qurduğu təbliğatın nəticəsi deyildi, MQ həmsədriləri də buna şərik idi. Ermənistan hökumətinə rəvac verirdilər ki, cəmiyyəti Azərbaycan torpaqlarına sahiblənməyə hazırlayın. Lakin Amerika, Avropa və eləcə də ermənilər türkün qüdrətini ya unudublar, ya da elə bilirlər ki, türkü parçalanaqla onu sındırıblar. Türk dünyada ədalətin rəmzidir və bizə də oğuz turkü olaraq o ədalət hissindən pay düşür. Odur ki, Azərbaycan həmişə ədalətli sülhün tərəfdari olub. Baxmayaraq ki, Ermənistan məğlub ölkədir, biz onların da haqqını tanıyırıq. "Demokratiyanın beşiyi" olan Amerika məğlub etdiyi İraqın prezidenti Səddam Hüseyni, Liviya prezidenti Muammar Qəddafini asaraq edam elədi. Azərbaycana məğlub olan Nikol Paşinyanı hələ asmamışıq, layiq olmasa da, onunla bərabərhüquqlu partnyor kimi danışıqlar aparırıq, onu COP29-a dəvət edirik. Bu konteksdən çıxış etsək, Amerika prezidenti Co Baydenin Azərbaycanı sülhə sadiqlik nümayiş etdirməyə çağirmağa haqqı yoxdur. Amma nə yazıqlar olsun ki, dünya bu gün Amerika və Avropa ölkələri kimi keçmiş müstəmləkəçilərın, müasir imperialistlerin əlindədir. Necə olur, Amerika okeanın o tayından gəlib Yaxın Şərq ölkəsinin prezidentini edam edir, sonra da Azərbaycanı sülhə sadiqliyə çağırır?
Bir daha təkrar edirik ki, qoca Bayden eşitsin: Apzerbaycan tərəfi sülh sazişi adına kağız parçası imzalamaq fikrində deyil, Bakı münaqişəyə birdəfəlik son qoyacaq ədalətli və hərtərəfli sülh sazişi imzalamaq fikrindədir. Özü də bu sülh sazişini çox qısa bir zamanda, hətta COP29-a qədər də imzalamaq olar. Yetər ki, Ermənistan Azərbaycanın haqlı tələblərini yerinə yetirsin. Bu tələblərdən ən çətini sayılanı Ermənistan konstitusiyasının preambulasında dəyişiklik aparmaqdır ki, həmin sənədin 202-ci maddəsiə əsasən konstitusiyanın preambulası parlamentin üçdə iki səs çoxluğu ilə dəyişdirilə bilər. Bu isə cəmi yarım saatlıq işdir. Lakin ermənilər amerikalı və avropalı havadarlarının diqtəsi ilə bunu böyük və həlledilməz bir problemə çevirib. Sonra isə deyirlər ki, onsuz da sülh sazişi imzalamaq olar.
Baydenə sual etmək lazımdır ki, Kanadanın konstitusiyasında "Kaliforniya Kanadaya birləşdirilməlidir" yazılsa ABŞ bunu Kanadanın daxili işi kimi qəbul edərmi? Əlbəttə yox... Elə isə bunu Azərbaycana hansı məqsədlə qəbul etdirmək istəyirlər? Adını da qoyurlar "sülhə sadiqliyinizi nümayiş etdirmək". Bu cür alçaldıcı tələbin adı "sülh"dürsə, bu, Azərbaycan xalqına lazım deyil.
Bayden məktubuna davam edərək yazir ki, bildiyiniz kimi, sülh sazişinin razılaşdırılmamış bəndlərinə dair işin yekunlaşdırılması hər iki tərəfdən kreativlik və güzəşt tələb edəcək, lakin əminəm ki, bu imkandan yararlanmağa davam edəcəksiniz.
Boynumuza yük qoymayın, cənab Bayden, artıq Azərbaycan dövlətinin güzəşt limiti 27 sentiyabr 2020-ci ildə bitdi və Azərbaycan əsdəri öz gücünə güvənərək səngərdən çıxdı. Bundan sonra heç kimə güzəşt olmayacaq!
Akif NƏSİRLİ
