Ermənilər Qafqazda yerli xalq olduqlarını "sübut edən faktlar" axtarışını davam etdirirlər. Bu günlərdə guya Almaniya və Ermənistandan olan arxeoloqlar qrupu Ermənistanın Artaşat şəhəri yaxınlığında əvvəllər məlum olmayan ilk xristian dövrünə aid "erməni kilsəsi"nin xarabalıqlarını aşkar ediblər.
Guya bina IV əsrə aiddir və Ermənistanda mövcudluğu arxeoloqlar tərəfindən təsdiqlənmiş ən qədim məbəddir. Guya bu tapıntı "qədim Ermənistan"ın ilk xristian dövləti olduğunu sübut edir. Lakin müasir tarix elminə məlum olan faktlara əsasən, ermənilər Qafqaza iki yüz il əvvəl indiki İrandan və indiki Turkiyədən rus çarları tərəfindən köçürülüb. Belə olduğu halda, dördüncu əsrdə indiki Ermənistanın cənubunda erməni kilsəsini kim tikib?
Qasım Hacıyev: "Həmin fakt əsnasında ermənilər ifşa olundular ki, daş kitabələr və qəbir daşları yazıb, kimyəvi maddələrlə onları "qədimləşdirirmişlər""
Məsələ ilə bağlı bizimlə söhbətində AMEA-nın Qafqazşünaslıq İnstitutunun Qafqaz Tarixi şöbəsinin müdiri, professor Qasım Hacıyev bildirdi ki, ermənilər 30 il ərzində işğal altında saxladıqları Qarabağ ərazilərində də Norveçdən, İsveçdən və Almaniyadan mütəxəssislər dəvət edib birgə qeyri-qanuni qazıntı işləri aparırdılar: "Biz bunu bilirik və vaxtaşırı olaraq o vaxt mediaya məlumatlar vermişik. Onların bu hərəkətləri barədə beynəlxalq təskilatlara müraciətlər göndərmişik. Onlar səlahiyyətləri olmadığı halda işğal olunmuş ərazilərdə qazıntı aparır və uydurma nağıllar yazırdılar. Hətta Azıx mağarasında belə qazıntılar aparıblar. Amma həmin ərazilər işğaldan azad edildikdən sonra ermənilərin orada apardığı arxeoloji qazıntıların nə qədər gülünc olduğu üzə çıxdı. Arxeoloji qazıntı adı ilə o əraziyə gedən mütəxəssislər orada dağılan şəhər və kəndlər barədə heç nə demədi və yazmadı. İndi artıq Qarabağa əlləri catmır, ona görə də analoji biabırçılıqları Azərbaycandan gələn böyük qayıdış sədaları altında Ermənistanda həyata keçirirlər.
Ermənilər Ermənistan adlanan, qərbi azərbaycanlıların ata-baba yurdunda özlərinə yerliçilik ənənələrini sübut edən "faktlar" axtarırlar. Həm də Avropa ölkələrinin diqqətini cəlb etmək üçün xristian abidələri tapmağa çalışırlar. Çunki dörd yerdə "Tiqranakert" tapdılar, gülünc vəziyyətə qaldılar. Yeri gəlmişkən, ermənilər Sahbulağı da "Tiqranakert" adlandırmışdılar. Dünyanın tarixçi alimləri bilir ki, bunlar gülünc məsələlərdir. Birincisi, Tiqranın bu ərazilərə ayağı dəyməyib, ikincisi isə o erməni deyil.
İndi də başlayıblar İrəvan şəhəri və onun ətrafındakı ərazilər üçün tarix uydurmağa. Əvvəla, ermənilərin hansı xəritəyə, abidəyə və ya arxeoloji qazıntıya əli dəyirsə, orda mütləq yüksək səviyyədə saxtakarlıq edilir. Hazırda heç kimdə buna şübhə yoxdur.
O ki qaldı Artaşatda aparılan arxeoloji qazıntılara, paylaşdıqları şəkildən də görünür ki, bu, ermənilərin kağız üzərində uydurduqları bir formanın yerə köçürülməsidir. Bır məsələni xatirladım ki, ermənilərin Şahbulaqda apardıqları qazıntılar zamanı daşların üzərinə kimyəvi maddə tökərək köhnə rəngə saldıqları, yəni müasir daş yazılarını "tarixiləşdirdikləri" barədə mən yazmışam. Bu məsələ ifşa edildikdən sonra Kəlbəcərdə tarixi abidə kimi saxtalaşdırılan qəbir daşları üzə çıxdı. Bunun üçün ermənilər Kəlbəcərdə xüsusi sex açıbmışlar. "Tarixiləşdirdikləri" daşları da apara bilməyiblər, qoyub qaçıblar. Həmin fakt əsnasında ermənilər ifşa olundular ki, daş kitabələr və qəbir daşları yazıb, kimyəvi maddələrlə onları "qədimləşdirirmişlər".
Bütün bu üsullarla "silahlanan" ermənilərin bu gün Artaşatda dördüncü əsrə aid "məbəd tapmasına" "hec bir şübhə etmirəm". Çünki ermənilər vaxtaşırı olaraq özlərinə saxta tarix düzəltməklə məşğul olurlar. 200 ildir ki, ermənilər Qafqazda özlərinə "dövlətçilik tarixi" yaratmaqla məşğuldurlar. Onlar tarixdə heç bir dövlətlərinin olmadığı halda 26 erməni dövlətinin adını tarixə salmağa çalışirlar, heç bir sərkərdələri və dövlət başçıları olmadığı halda, belə saxta şəxsiyyətlər uydururlar. Halbuki, yer üzündə heç bir ərazidə erməni dövlətinin atributu tapılmayib. Amma yenə də bunlar tarixi saxtalaşdırmağı davam etdirirlər. Məqalədə yazırlar ki, məbəd erməni sərkərdəsi III Trdatın dövrünə təsadüf edir. III Trdat axı erməni sərkərdəsi deyil, o, albanlara məxsus Mehranılər sülaləsinin nümayəndəsi olub. Həmin abidə ətrafında təqdim edilən "faktlar" da cəfəngiyatdır.
Almanların bu saxtakarlıga imza atmasını da mən bir qədər fərqli qiymətləndirirəm. Almanlar dəqiq iş görməyi xoşlayırlar. Amma almanların da ermənilərə oxşayan, ermənilərlə qohum olan, azərbaycanlılara və türklərə nifrət bəsləyən nümayəndələri var. Həmin adamlar adlarını tədqiqatçı qoyub, gəlib orada vaxtlarını keçirə bilərlər. Amma vicdanı olan alim, tədqiqatçı ermənilərin yalanlarına uymamalıdır.
Artaşatdan tapılan əgər doğrudan da xristianlıq məbədidirsə, o, alban-xristian məbədlərinə aiddir. Necə ki, Qarabağdakı alban məbədlərinin xarici görünüşünü dəyisıb Qiriqoryan kilsələri formasına salmışdılar. Amma onda da ifşa olundular. Sual çıxdı ki, bu Qriqoryan kilsəsidirsə, təmir-bərpa adi ilə onun xarici görünüşünü niyə dəyişırsiniz? Məbədin xarici görünüşü tamamilə dəyişdirilib - həm damını, həm ətraf divarları, həm də xaçların formasını dəyişiblər.
Orada IV əsrə aid bir məbəd tapiblarsa, yenə gözəl bir tarixi fakt ortaya çıxır. Ermənilərin o əraziyə XIX əsrin əvvəllərində gəldikləri bütün tarixçilərə məlumdur. Ermənilər indiki Ermənistan ərazisinə indiki İran və indiki Turkiyə ərazisindən köçürülüblər. Ermənilər bunu həmin ərazilərdə, Kilikyada, Egey dənizi ətrafında tapsaydılar bu inandirıcı olardı. Əgər bu abidə tarixi Qərbi Azərbaycanda tapılıbsa, ermənilər də o yerlərə XIX əsrdə köçürülübsə, bunun ermənilərə hec bir aidiyyəti yoxdur, bu alban-xristian abidəsidir.
Ermənilər İrəvan qalasını "Erebuni" kimi dünya ictimaiyyətinə sırımaq istəyirdilər. Qalanı eradan əvvəlki dövrə aid etmək istəyirdilər, amma xarici gorünüşü və arxtektur quruluşundan görünür ki, İrəvan qalası orta əsirlərə aiddir.
Ermənilər abidələrə müasir daş düzməklə, müasir yazıları kimyəvi maddələrlə qədimləşdirməklə tarixi saxtalaşdirmaq istəyirlər və hər addımda da ifsa olunurlar".
Dəniz NƏSİRLİ
