Artıq Gürcüstanda keçiriləcək parlament seçkilərnə sayılı günlər qalib. Cəmiyyət iki hissəyə parcalanıb, ölkədə çox gərgin mübarizə gedir. Amma məsələ burasındadir ki, Gurcüstan halimiyyətinə və cəmiyyətinə Qərbin basqıları səngimək bilmir. İstənilən ölkəyə seçki ərəfəsində bir sərbəstlik verilməsi, onun daxili işlərinə müdaxilənin dayandırılması dünyada ən azı diplomatik etika sayılır.
Lakin Avropa qurumları və dövlətləri Gürcüstana qarşı bu diplomatik etikanı dəfələrlə aşdı. Müxtəlif Qərb təsisatları tərəfindən verilən bəyanatlar Gürcüstan hökumətinə və cəmiyyətinə təzyiq kimi qiymətləndirilməlidir.
Məsələn, bu günlərdə Böyük Britaniya Gürcüstanla iki ölkə arasında mövcud "Wardrop Dialoqu"nu dondurub. Britaniyanın Gürcüstandakı səfiri Qaret Uordun sözlərinə görə, Böyük Britaniya, həmçinin, Gürcüstanla müdafiə qərargahları arasında planlaşdırılmış yüksək səviyyəli əməkdaşlığı və yeni kibertəhlükəsizlik proqramını dayandırıb. Səfir ümid etdiyini bildirib ki, seçkilərdən sonra Gürcüstan hökuməti pro-Qərb kursuna geri dönəcək və tərəflər arasında etibar bərpa olunacaq. Yəni səfir açiq-aşkar hakimiyyətə təzyiq göstərir ki, mütləq Qərbyönümlü siyasi kursa qayıtmalıdır. Dünya çapında hakimiyyətə bundan açıq və net şəkildə təzyiqi yeni prizident kimi qiymətləndirmək olar.
Avropa İttifaqının Xarici siyasət və təhlükəsizlik məsələləri üzrə ali nümayəndəsi Cozep Borrell Lüksemburqda Avropa İttifaqı Xarici İşlər Nazirləri Şurasının iclasından sonra keçirilən mətbuat konfransında deyib: "Hazırda Gürcüstanda hakim partiyanın son hərəkətləri, bəyanatları və seçki vədləri ölkəni Avropa yolundan uzaqlaşdırır və avtoritarizmə keçidə işarə edir. Məhz buna görə də Aİ-yə üzvlük prosesi faktiki olaraq dayandırılıb. Bilirsiniz ki, Komissiya Avropa maliyyələşdirməsinə çıxışla bağlı qərarlar verir. Gəlin, Gürcüstanda demokratiya və onun Avropa İttifaqına gedən yolu üçün həlledici sınaq olacaq növbəti parlament seçkilərini gözləyək".
Bunun Gürcüstan hökumətinə və cəmiyyətinə açıq yəzyiq vasitəsi olduğunu şərh etməyə belə ehtiyac qalmır.
Azərbaycan hökuməti və cəmiyyəti də eyni təzyiqlərə məruz qalan bir ölkə kimi, Gürcüstan hökumətinin və cəmiyyətinin yanında olduğunu bəyan etməlidir. Ölkənin siyasi istiqamətinin hansi səmtə yönəldilməli olduğuna xalq qərar verməlidir. Bu gün Kollektiv Qərb gürcü xalqının əvəzindən qərar vermək istəyir və bu yolverilməzdir.
Azərbaycanla Gurcustan dövləti və xalqlarının geniş spektrlı əlaqələri və dərin tarixi köklərə malik dostluq ənənələri var. Azərbaycan cəmiyyəti bu ənənələrə sadiq qalaraq, Qərbdən fərqli olaraq, gürcü xalqının seçiminə hörmətlə yanaşacaq və seçkilərin nəticəsindən asılı olmayaraq onunla münasibətlərin davam etdirilməsi üçün heç bir şərt irəli sürməyəcək.
Azərbaycanla Gürcüstanın iştirak etdiyi regional layihələr sırasında Bakı-Tbilisi-Ceyhan əsas ixrac boru kəməri, Bakı-Tbilisi-Qars dəmir yolu xətti, Bakı-Tbilisi-Ərzurum qaz kəməri layihələrinin adını çox böyük qururla cəkmək.olar.
İki ölkə arasında dostluq münasibətlərindən doğan birgə layihələrin reallaşması, ümumilikdə regionun inkişafına, o cümlədən də Avropanın enerji təhlükəsizliyinə öz töhfəsini verməkdə davam edir.
Bakı-Tbilisi-Ceyhan (BTC) boru kəməri hazırda Xəzər dənizinin Azərbaycan sektorunda olan Azəri-Çıraq-Günəşli yataqlarından hasil edilən neft və Şahdəniz yatağından hasil olunan kondensatı Gürcüstan üzərindən Türkiyənin Qara dənizdəki Ceyhan limanina, oradan isə Avropaya nəql edir.
Bakı-Tbilisi-Ərzurum qaz boru kəməri Xəzər dənizinin Azərbaycan sektorunda yerləşən "Şahdəniz" yatağından çıxarılan qazın Gürcüstan və Türkiyəyə nəqli üçün inşa edilmişdir. Lakin son illər TAP və TANAP boru kəmərlərinin inşa edilməsi nəticəsində 8 Avropa ölkəsinə də "mavi yanacaq" öturülməsi təmin edildi. Qarşıdaki illərdə bu kəmər vasitəsi ilə qaz alan Avropa ölkələrinin sayını 10-a çatdirmaq hədəflənir. Tikintisi 2007-ci il noyabrın 27-də başlayan Bakı-Tbilisi-Qars dəmir yolunun təntənəli açılışı 2017-ci il oktyabrın 30-da olub. Uzunluğu təxminən 850 kilometr olan dəmir yolunun 500 kilometrdən çoxu Azərbaycan ərazisindən keçir. Avropanı Asiya ilə birləşdirən ən qısa və etibarlı yol olan Bakı-Tbilisi-Qars dəmir yolu xəttinin fəaliyyəti "Şərq–Qərb" nəqliyyat dəhlizində Azərbaycanın logistik imkanlarının artırılmasına gətirib çıxarıb. Bu ilin may ayında təmiri başa çatan dəmir yolunda yükdaşımalar ildən-ilə artmaqdır.
Göründüyü kimi, Azərbaycanla Gürcüstanın həyata keçirdiyi birgə layihələrin sonucu yenə Avropa ölkələrinə kifayət qədər töhfə verir. Lakin görünur, Avropanı bu da qane etmir, mütləq fiziki olaraq Azərbaycanda və Gürcüstanda varlığını təmin etmək istəyir. Bu isə yalniz cəmiyyətin qərarından asılı olan məsələdir. Cəmiyyət isə öz qərarını, əlbəttə, belə seçkilərdə verməlidir. Bu qərarın Qərbin və ya digər başqa ölkələrin basqısı altında qəbul edilməsi yolverilməzdir. Ona görə də Avropa ölkələrini təmkinli olub, gürcü xalqının azad seçimini gözləyib, ona hörmatlə yanaşmağa çağırırıq.
Dəniz NƏSİRLİ
