Bəhruz Quliyev: "Hər ölkə məsələyə öz mövqeyindən yanaşmaqda sərbəst olsa da, ümumi iş üçün bir araya gəlməyə, problemləri birgə həll etməyə borcludur"
"COP29-un sədri qismində nə Azərbaycan, nə də digər dövlət başqalarının adından qərar qəbul edə bilməz. Bizim rolumuz danışıqlara dəstək vermək üçün platforma təmin etməkdən ibarətdir və inanırıq ki, bu rolumuzu qərəzsiz şəkildə yerinə yetirməkdəyik. Azərbaycanın təşəbbüsü ilə irəli sürülmüş innovativ "Şamaxı məsləhətləşmələri" iqlim üzrə danışıqların gələcək inkişafı üçün səmərəli qeyri-rəsmi format rolunu oynaya bilər". Bunu Prezident İlham Əliyev COP öncəsi tədbirin iştirakçılarına müraciətində deyib.
Prezident bildirib ki, COP29-a sədrlik edən bir ölkə kimi nə Azərbaycan, nə də başqa bir dövlət başqalarının adından danışa bilməz. Danışmağa ixtiyarı yoxdur. Bizim COP sədri kimi əsas vəzifəmiz müzakirə üçün platforma hazırlamaqdır".
Bu əslində çox dərin deyilmiş, maraqlı, çoxbaşlı bir fikirdi. Təbii ki, COP29 uğurla nəticələnəcək. Amma əslində bu, dünyanın bütün dövlətlərinə elə bir mesajdır ki, COP29-un uğurla nəticələnməsinin məsuliyyəti Azərbaycanda deyil, onun uğurla nəticələnməsinin məsuliyyətini hər bir dövlət hiss etməlidir. COP29-a ev sahibliyini bizim etməyimiz o demək deyil ki, onun bütün vəzifələrini biz həll etməliyik. Biz dövlətləri daha məhsuldar bir müzakirə üçün bir yerə yığırıq. Yığışıb bir platformada müzakirə edirik. Prezidentin bu sözlərində dünyaya verdiyi mesajın mahiyyəti nədən ibarətdi? Bizim rolumuz danışıqlara dəstək vermək üçün platforma təmin etməkdən ibarətdir. Bu söz dünyaya nə kimi mesajlar verir?
Prezidentin bu sözlərində dünyaya verdiyi mesajın mahiyyəti nədən ibarətdi? Bizim rolumuz danışıqlara dəstək vermək üçün platforma təmin etməkdən ibarətdir deməklə, Prezident dünyaya nə kimi mesajlar verir?
"İri dövlətlər qlobal problemlər yaratsalar da, onu həll etməyi düşünmürlər"
SƏS Media Qrupunun rəhbəri, siyasi analitik Bəhruz Quliyev "Bakı-Xəbər"ə şərhində "Dünya böyük problemlərlə baş-başadır, təbii fəlakətlər, qlobal kataklizmlər, total dağıdıcı müharibələr, nüvə və ağır sənaye tullantılarının nizamsız utilizasiyası, istixana buxarlarının yerin atmosferinə öldürücü təsiri bəşəriyyəti narahat edən məsələlərdir. İri dövlətlər qlobal problemlər yaratsalar da, onu həll etməyi düşünmürlər. Sənayenin az inkişaf etdiyi ölkələrdən fərqli olaraq, imkanlarını bir az da artırmağı düşünürlər, bir-biri ilə yarışırlar. Belə bir şəraitdə təbiətin, iqlimin qorunması yaddan çıxır"-deyə bildirdi.
B.Quliyev qeyd etdi ki, Prezidentin dediyi "COP29-a sədrlik edən bir ölkə kimi nə Azərbaycan, nə də başqa bir dövlət başqalarının adından danışa bilməz. Danışmağa ixtiyarı yoxdur. Bizim COP sədri kimi əsas vəzifəmiz müzakirə üçün platforma hazırlamaqdır" fikirləri bütün dünyaya bir mesajdır: "Azərbaycan COP tədbiri üçün platforma yaradıb. Burada dünyanın əsas problemi olan iqlim dəyişmələri müzakirə olunacaq. Hər bir ölkə COP29-a öz töhfələri ilə gəlir, dünyanı gələcək fəlakətlərdən necə qorumağın yollarını birgə müzakirə etmək üçün bir masa ətrafına toplanır. Azərbaycan həm də dünya birliyinə iqlim dəyişmələri ilə bağlı problemləri necə aradan qaldırmağın yollarını göstərir, özünün görülən və görüləcək işlərdə nümunə olduğunu diqtə edir. Son zamanlar ölkəmizin hər yerində yaşıllıqların, magistral yolların kənarında meşə zolaqlarının salınması Azərbaycana, eyni zamanda bəşəriyyətə ən böyük hədiyyədir. Hər ölkə məsələyə öz mövqeyindən yanaşmaqda sərbəst olsa da, ümumi iş üçün bir araya gəlməyə, problemləri birgə həll etməyə borcludur. Dünya bizim hamımızındır, problemi də ümumidir, onu aradan qaldırmaq da".
İradə SARIYEVA
