Tural İsmayılov: "Qərb öz məqsədlərinə çatmaq üçun Gurcüstana qarşı təzyiqlərin bütün növlərindən istifadə edəcək"
Paper Kartuli teleqram kanalı yazır ki, 8000 avroluq əskinasın üzərində Gürcüstanın mədəni irsinin simvolları var: "Əskinasın təqdimatı avronun vətəni - Hollandiyanın Maastrixt şəhərində baş tutub".
Əskinasda Kaxetiyadakı David Qareci və Alaverdi monastırları, ənənəvi şərab saxlama üçün istifadə edilən qvevri gil qablar və gürcü xəttatlığının sənət nümunələri təsvir edilir.
Əskinas dizaynı üzərində dünyanın aparıcı dizaynerləri və əskinas mütəxəssisləri, o cümlədən gürcü rəssamı Gia Caparidze və gürcü xəttatlıq ustası David Maisuradze çalışıb. Cəmi 5000 əskinas buraxılıb.
Digər tərəfdən isə, gələn xəbərlərə görə, Avropa İttifaqı (Aİ) Gürcüstan rəhbərliyi ilə görüşləri dayandırıb.
Avropa İttifaqının Tbilisidəki səfiri Pavel Herçinski bəyan edib ki, Avropa İttifaqı Gürcüstan hökumətinin Avropaya qarşı ritorikasına görə Gürcüstana yüksək səviyyəli səfərlər etməmək və Gürcüstan hökumətinin nümayəndələri ilə Brüsseldə yüksək səviyyəli görüşlər keçirməmək qərarına gəlib.
Qeyd edək ki, əskinaslar ən qədim lisenziyalı avro əskinas çapçılərından biri olan "Royal Joh" tərəfindən çap edilib. Hollandiyada əsası 1703-cü ildə qoyulmuş mətbəə qiymətli kağızların və əskinasların çapı sahəsində üç əsrlik ənənəyə malikdir. 1814-cü ildən şirkət Hollandiya üçün rəsmi əskinas istehsal edir. Şirkət beş Aİ ölkəsi üçün avro əskinasları çap edir
Maraqlıdır, belə bir şəraitdə Avropa İttifaqı buraxılan əskinasları dövrüyyədən çıxara bilərmi?
Fikirlərini öyrənmək istədiyimiz siyasi şərhçi Tural İsmayılov bu xüsusda bildirdi ki, bütövlikdə Avropa İttifaqı kollektiv Qərb zehniyyətının və Qərb imperiyası şüurunun, düşüncəsinin təzahürünü nümayiş etdirir: "Bu gün Aİ-nin Gürcüstana qarşi təzyiqləri davam etdirməsi onun mahiyyətini növbəti dəfə ifşa etdi. Aİ və bütövlükdə Qərb institutları ölkələrin qəbul etdikləri siyasi qərarları həzm edə bilmirlər. Ona görə də bu qərarları sabotaj etmək üçün əllərindən gələn təxribat və araqarışdırma funksiyalarından istifadə etməyə çalışırlar. Bugünə qədər Gürcüstanı müxtəlif giopolitik risqlərə düçar edən kollektiv Qərb ölkədə xarici agentlər haqqında qanunun qəbul edilməsinin əleyhinə çıxır, cəmiyyətin müxalif kəsimini də ona qarşı mübarizəyə qaldırmaq istəyir. Əslində Qərb ölkələrinin özü də başqa ölkələrdən maliyyələşən qeyri-hökumət təşkilatlarının fəaliyyətinin məhdudlaşdırılması ilə bağlı bir neçə qanun qəbul edib. İndi isə, özəlliklə Gürcüstanda parlament seçkiləri ərəfəsində kollektiv Qərbin təhlükəli siyasi gedişlər etməsini növbəti dəfə müşahidə edirik. Doğrudan da aydındır ki, bu gün Gürcüstanda iqtidar partiyasını siyasi hakimiyyətidən uzaqlaşdirmaq naminə əlindən gələni etməyə çalışan bir Aİ var. Həmin bu Aİ kifayət qədər təhlükəli oyunların və siyasi gedişlərin içərisində boğulub-batmaqdadır.
Əlbəttə, Avropanın Gürcüstana təzyiqlərinin artdığı bir dövrdə Aİ hər addımı ata bilər. O cumlədən, Aİ bir neçə gün əvvəl Grcüstanın şərəfinə buraxılmış avro əskinaslarının dövrüyyədən çıxarılması ilə bağli qərar da qəbul edə bilər. Qeyd etdiyim kimi, Qərb öz məqsədlərinə çatmaq üçun Gurcüstana qarşı təzyiqlərin bütün növlərindən istifadə edəcək".
Dəniz NƏSİRLİ
