ABŞ-ın erməni xəstəliyi nədən aqressivləşib? - Mehman İSMAYILOV
60 ABŞ konqresmeninin və senatorunun Azərbaycana qarşı sanksiya tətbiq etmək tələbi gerçəkdən ağılalmaz bir işdir.
Axı Azərbaycan nə edib ki, ona qarşı sanksiya tətbiq olunsun? Azərbaycan hansı beynəlxalq qanunu pozub, hansı beynəlxalq öhdəliyinə xilaf çıxıb, kimin ərazisini işğal edib, hansı ölkənin şəhər və kəndlərini viran qoyub, kimin ərazisini yağmalayıbdır ki, ona qarşı bu cür beynəlxalq basqı sərgilənsin?
Bəlkə biz də ABŞ kimi demokratiya pərdəsi adı altında bütün dünya dövlətlərinin daxili işlərinə soxuluruq? Ya Qərb dövlətləri kimi biz də bəşər haqlarından moizə oxuyub, milyonlarla bəşər övladını məhv edirik?
Bəlkə Azərbaycan da Fransa kimi özündən min kilometrlərlə uzaqda olan əraziləri işğal edib, o ərazilərdə yaşayan avtoxton xalqların milyonlarla övladını qətlə yetirib, sonra da onların ana dilinə, ibtidai insan haqlarına qadağa qoyub, varidatlarını daşıyıb aparıbdır?
Bəlkə milyonlarla əlcəzairlini Fransa deyil, biz öldürmüşük, bəlkə Əlcəzairin ərazisinə beş milyon minanı Makronun sülaləsi deyil, biz basdırmışıq? Bəlkə Afrikanın 14 ölkəsinin varidatını Fransa deyil, Azərbaycan daşıyıb-dağdıbdır?
Bəlkə bütöv bir qitənin əhalisini yüz illər boyu Avropada qul edən, qeyri-insani şəraitdə istismar edən, insanları dərisinin rənginə görə qətlə yetirən, indi də onların övladlarını insan saymayan, bəşər haqlarından düzməcələr danışıb, onları kütləvi şəkildə qıran bizik, qərblilər deyil?
Bəlkə ərəblərin evlərinə soxulan, 19 ərəb dövlətinin ərazisində "ərəb baharı" adı altında silahlı üsyanlar çıxarıb, vəhşiliklərə yol açan, xalqları bir-birinə qırdırıb, hər iki tərəfə silah satan ABŞ deyil, Azərbaycandır?
Bəlkə İraqda milyonlarla körpənin qanını tökən, inkişaf edən bir müsəlman ölkəsini viranəyə çevirən ABŞ deyil, bizik? Bəlkə Əfqanıstanı işğal edib, on minlərlə dinc insanı səbəbsiz yerə qətlə yetirən, ildə 250 milyard dollarlıq silah satan və bütün dünyaya ölüm ixrac edən ABŞ deyil, Azərbaycandır?
Azərbaycan dinc, qurucu, mədəni, tolerant və bütün dünyaya örnək ola biləcək bir dövlətdir.
Azərbaycanın gördüyü işin adı nədir ki, bizi ABŞ sanksiyalarla hədələyir, Fransa kimi işğalçı bir ölkə dünyanı bizim üstümüzə qaldırır, ermənini silahlandırıb, qızışdırır, bizi hər şeydə günahlandırıb, üstümüzə gəlirlər?
Azərbaycanın "günahı" bütün dünya tərəfindən tanınmış ərazilərini ABŞ-ın, Fransanın, Rusiyanın və digər işğalçı qurumların imperiya köpəyi olan erməni işğalçılarından və separatçı erməni parazitlərindən təmizləməsidir.
Bizim "günahımız" Azərbaycanın əzəli torpaqlarını 30 il müddətində erməni işğalında qanuniləşdirmək istəyən və buna hər cür çaba göstərən dövlətlərin ikiüzlü siyasətini param-parça etməmizdir.
Bizim "suçumuz" dünyanın bütün perimetr boyu dəstəklədiyi dağıdıcı erməni virusuna qələbə çalıb, iki əsrlik rus-erməni, fars-erməni, amerikan-erməni, fransız-erməni buxovunu darmadağın edib, dövlətimizin tam müstəqilliyini və torpaq bütünlüyünü bərpa etməkdir.
Amerikanın, Fransanın, Rusiyanın, İranın göz bəbəyi kimi qoruduğu erməni faşistlərinin məğlubiyyəti, adı çəkilən dövlətlərin məğlubiyyətidir ki, bu qələbə bizə suç sayılır.
ABŞ və Fransa yönəticilərinin primitiv və eqoist düşüncələrinə görə türkün və müsəlmanın azadlıq və müstəqillik haqqı yoxdur, bu haqq yalnız Qərbin mavilərinə, biseksullarına, cinsi azlıqlarına, siyasətdə və məişətdə hər cür ismətsizliyi və əxlaqsızlığı həyat fəlsəfəsi hesab edənlərə və onun davamçılarına aiddir.
BMT Nizamnaməsinin 51-ci maddəsinə istinad edib, öz ərazilərini qoruyan və erməni işğalından azad edən Azərbaycan, təkcə ermənilər üzərində deyil, erməni adında dağıdıcı paraziti türk-müsəlman dünyasına qarşı istifadə edən dünya güclərinin üzərində çaldığı qələbədir. Bu səbəblə bizi sanksiyalarla hədələyirlər.
Öz doğma torpaqlarını 30 illik işğaldan azad edən Azərbaycana basqı qurulur, təzyiq edilir, sanksiyalarla hədələnir, Azərbaycanın 1000 kəndin-şəhərin viran qoyan erməniyə isə dəstək verilir, pul və silah verilir, işğalçıının məğlubiyyətinə Amerika və Fransada yas tutulur. Çünki erməninin məğlubiyyəti türkün və müsəlmanın dövlətini, iradəsini, müstəqilliyini zəbt etmək istəyən ABŞ-ın, Fransanın, Rusyanın və İranın məğlubiyyətidir.
Azərbaycan COP29-a ev sahibliyi etməyə hazırlaşır, bütün dünyanı təhdid edən iqlim dəyişikliyinə çarə axtarır, dünyanın diqqətini iqlim dəyşikliyinin törədəcəyi fəlakətə cəmləyir, mütəxəssisləri dəvət edir, milyardlarla pul xərcləyir, dünyanı gələcək kataklizmlərdən qorumağın yolunu axtarmağa təşviq edir, ancaq...
Ancaq ABŞ bizə görün nə deyir, əgər Azərbaycan həbs etdiyi erməni faşistlərini azad etməsə, Azərbaycan xalqına qarşı soyqırım törətmiş erməni vəhşilərini sərbəst buraxmasa, Qarabağda insanlıq əleyhində vəhşiliklər törətmiş erməni cinayətkarlarını aç-burax etməsə, COP29 legitim sayılmaz, baykot edilər və Azərbaycanın hesabları dondurulub, "Artsax" fonduna verilər.
Bu sağlam məntiqə, abıra, ismətə, insanlığa sığırmı?
Azərbaycanın 17 000 kv.km torpağını işğal edən, 260 000 min hektar meşənin 110 000 hektarını qırıb yandıran, 965 yaşayış məntəqəsini kərpic-kərpic söküb daşıyan, 1000-dən yuxarı tarixi, mədəni, dini abidənəni yerlə yeksan edib təhqir edən, torpağın mineral qatına od vurub canlıları öldürən, yandırdığı torpaqda 1 500 000 mina basdıran, insanları yalnız türk-müsəlman doğulduğu üçün qətlə yetirən erməninin və onun ABŞ, Fransa kimi sahiblərinin adı nədir?
Əgər dünyanın iqlim dəyişikliyi ilə mübarizəsinin taleyi Ruben Vartanyan adında iri buynuzlu oğrunun və cinayətkarın, Arayik Arutyunyan adında şərəfsizin və məlunun, Bako Saakyan adında insanlığa təhqir üçün yaradılmış yırtıcının və s. sərbəst buraxılmasından asılıdırsa, gəlin onları azad edək. Qoy Yer kürəsinin iqlimi düzəlsin, buzlar əriməsin, qlobal istiləşmə olmasın, CO2- nin miqdarı azalsın, sənaye tullantıları yoxa çıxsın.
Axı bütün iqlim dəyişiklikləri Azərbaycanın həbs etdiyi erməni sortundan olan cinayətkarların azad edilməsi ilə sona çatacaqdır.
Ən azı ABŞ-ın axmaq siyasətçiləri buna əmindirlər...
Mehman İSMAYILOV
