Akif Nağı: "Ermənistan son 30 ildə Azərbaycan xalqına qarşı törətdiyi soyqırım cinayətlərini etiraf etmək əvəzinə hansısa saxta forum keçirir"
Tez-tez sülhdən danışan Ermənistanın məqsədinin heç də sülh olmadığı aydındır. Çünki rəsmi və qeyri-rəsmi şəxslərin əksəriyyəti qondarma iddialardan əl çəkmirlər və onu hər addımbaşı körükləyirlər. "Genosid" məsələsi də daim Ermənistanın hökumət və müxalifət dəstələrinin gündəmə daşımaq istədikləri mifik yanaşmalardır.
Halbuki, Ermənistanın Baş naziri N.Paşinyan dəfələrlə saxta genosid məsələsinə qarşı çıxıb və bunun gündəmə gətirilməsinin tərəfdarı olmadığını, ermənilərin miflərdən əl çəkib reallıqla barışmalı olduğunu bəyan edib.
Amma bir tərəfdən də Ermənistan rəsmiləri daim saxta genosidlə bağlı iddiaları hətta beynəlxalq gündəmə daşımaqdan çəkinməyiblər. Çox ziddiyyətli məsələdir.
"Ermənistan dekabrda "Soyqırım cinayətinə qarşı" beşinci Qlobal Forumunu keçirəcək". Bunu Ermənistan xarici işlər nazirinin müavini Vahan Kostanyan BMT Baş Assambleyasının 79-cu sessiyası çərçivəsində Sivilizasiyalar Alyansının dostlar qrupunun nazirlər görüşündə bildirib. Tədbirdə "soyqırım və digər vəhşiliklərə qarşı" erkən xəbərdarlıq və reaksiya mexanizmlərinin effektivliyinin artırılmasına diqqət yetiriləcək. Nazir müavini bildirib ki, forum dekabrın 12-dən 13-dək keçiriləcək.
Kostanyan qeyd edib ki, irqi və etnik zəmində nifrət və cinayət diskursu ayrıseçkiliyə və insan hüquqlarının pozulmasına şərait yaradır. O, erməni "mədəni irsinin dağıdılmasını" da xatırladıb.
Bildirib ki, 2022-ci ilin dekabrında İrəvanda "soyqırımın" qarşısının alınması üzrə dördüncü qlobal forum keçirilib.
Saxta erməni genosidi heç bir halda əsas vermir ki, belə mötəbər beynəlxalq tədbirlər Ermənistanda keçirilsin. Amma Ermənistanda indiyə qədər keçirilən və keçiriləcək bu tədbir dünyanın ikili standartlarına bir sübutdur.
"Saxtakarlıq və yalanlar üzərində belə bir beynəlxalq forumun keçirilməsi yolverilməzdir, buna şərait yaradılması ikili standartların nümunəsidir"
Azad Vətən Partiyasının sədri Akif Nağı "Bakı-Xəbər"ə şərhində "Ermənilər gündəmdə qalmaq üçün müxtəlif formalardan istifadə edirlər. Hər şey əllərindən çıxıb, başqa məsələlərlə bağlı ortaya heç nə qoya bilmirlər. Bütün dünyanın gözündə ermənilərin vəhşiliyilə bağlı faktlar artıq Azərbaycan və digər ölkələr tərəfindən diqqətə çatdırılıb. Ermənistan özü Azərbaycan xalqına qarşı genosid, soyqırım törədib, işğal aktı həyata keçirib, Azərbaycan torpaqlarını 30 ilə yaxın işğal altında saxlayıb, Azərbaycanın mədəni irsinə qarşı əsl genosid törədib. İndi Ermənistan adlandırılan Qərbi Azərbaycan ərazisində minillər bundan əvvəl yaradılmış Azərbaycan mədəniyyətini məhv edib, bu mədəniyyətin izlərini də tamamilə silib. Çalışıb ki, heç bir iz qalmasın. Ermənilərin özlərinin heç vaxt mədəniyyəti olmayıb, xüsusən də indi Ermənistan adlandırılan Qərbi Azərbaycanda. Nə qədər çalışsalar da orda özlərinə heç nə yarada bilmirlər. İrəvanın tarixini süni şəkildə saxtalaşdırırlar. İrəli sürdüklərinin hamısının yalan olduğu məlumdur. Onlar bir memarlıq abidəsi, yaxud başqa bir abidə ortaya qoya bilmirlıər. Hara əl atırlarsa orda Azərbaycan, türk izlərini görürlər. Ona görə də, müxtəlif yollara əl atırlar. İndi də beşinci Qlobal Forumu keçirməyə hazırlaşırlar. Guya ermənilərə qarşı "soyqırım" törədilib, bu saxta iddiadan əl çəkmək istəmirlər"-deyə bildirdi.
A.Nağı qeyd etdi ki, ermənilər saxta erməni "soyqırmı" iddiasından başqa ortaya heç nə ata, dünyanın gündəminə çıxmaq üçün başqa vasitədən istifadə edə bilmirlər. Erməni toplumunun nə əqli, nə bilik, nə iqtisadi, nə siyasi, nə də digər sahələrdə inkişaf etdiyini deyən müsahibimiz bildirdi ki, ermənilər heç bir sahədə özlərini göstərə bilmirlər.
"Azərbaycana baxın, ən müxtəlif sahələrdə, fərqli mövzularda beynəlxalq tədbirlərə yüksək səviyyədə ev sahibliyi edir. Hər kəs də başa düşür ki, bu, Azərbaycanın nüfuzu, Azərbaycanın mövqeyi ilə bağlıdır. Bundan yüz dəfə kiçik bir tədbiri ermənilər keçirə bilmirlər. Ona görə də, saxta bir mövzuya həsr edilən bir tədbir keçirirlər. Bu, odu söndürüb külü ilə oynamaq kimi bir şeydir. Bütün dünya ermənilərin saxta genosid oyununu bilir və bu saxtakarlığı yalanlayır.
Ermənistanın xarici işlər nazirinin müavininin açıqlaması çox gülünc görsənir ki, guya orada "genosid hallarının qarşısını almaq, qabaqlamaq" məsələsi müzakirə olunacaq. Ermənistan özü genosid törədibsə, Azərbaycan xalqını soyqırıma məruz qoyublarsa, onlar beynəlxalq aləmə, dünya ölkələrinə nə verə bilərlər? Təbii ki, heç nə verə bilməzlər. Yəni bu, həyasızlığın son həddidir. Düzdür, nədənsə utanmaq, çəkinmək ermənilərə xas xüsusiyyət deyil. Onların həyatı yalan üzərində qurulub. Yenə də həmin ziyanlı xətti davam etdirirlər və başa düşmək istəmirlər ki, dünyada onların bu xəttini heç kəs qəbul etmir, yalanlarını eşitmək istəmir. Bunu bilsələr də yenə yalanlarını davam etdirirlər. İndiyə qədər 1915-ci il saxta erməni "soyqırımı" məsələsini gündəmə gətirirdilər, ona da heç kəs inanmır. Ermənistan son 30 ildə Azərbaycan xalqına qarşı törətdiyi soyqırım cinayətlərini etiraf etmək əvəzinə hansısa saxta forum keçirir. Ermənilərin Azərbaycana qarşı əsassız iddiaları və ittihamları bitib-tükənmək bilmir. Azərbaycan beynəlxalq hüquqa söykənib 44 günlük müharibə nəticəsində torpaqlarını işğaldan azad edib. 23 ssatlıq lokal antiterror tədbirləri nəticəsində separatizmin kökünü kəsdi. Azərbaycan maksimum çalışdı ki, dinc əhaliyə ziyan dəyməsin, o bu tədbiri dünya təcrübəsində görünməmiş bir incəliklə həyata keçirdi. Azərbaycan öz suveren hüquqlarını öz ərazilərində bərpa etdi. Bunu da şişirtməyə çalışırlar, beynəlxalq təşkilatlar Ermənistan vasitəsilə Azərbaycana təzyiq etməyə cəhd edirlər. Ermənilər bu məsələdə də alət rolunda qalırlar. Erməni yalanlarından Azərbaycana qarşı bir alət kimi istifadə edirlər. Hesab edirəm ki, bu forumun keçirilməsi də erməni yalanlarının növbəti dəfə gündəmə gətirilməsinə xidmət edir. Hansısa beynəlxalq mərkəzlər ermənilərə dəstək verməklə bu forumdan Azərbaycana qarşı təzyiq vasitəsi kimi istifadə etməyə çalışır. Fikrimcə, Azərbaycan nümayəndələri bu cür saxta və görüntü xatirinə keçirilən tədbirlərdə iştirak etməlidir. Amma Azərbaycana yaxın olan ölkələr, Qoşulmama Hərəkatının üzvləri, Avropada bir sıra Azərbaycanla əməkdaşlıq edən ölkələr var. Bunların vasitəsilə Azərbaycan bütün faktları dünya birliyinin diqqətinə çatdırmalıdır ki, özü genosid, soyqırım törədən bir ölkə bu cür tədbirə ev sahibliyi edə bilməz. Ermənistanın dedikləri yalandır və onların bütün fikirləri yalan üzərində qurulub. Bu gün də həmin yalanlarını davam etdirirlər. Saxtakarlıq və yalanlar üzərində belə bir beynəlxalq forumun keçirilməsi yolverilməzdir, buna şərait yaradılması ikili standartların nümunəsidir"-deyə bildirən A.Nağı qeyd etdi ki, Ermənistanın irəli sürdüyü bu iddia tamamilə absudrddur və yalandır. A.Nağının sözlərinə görə, Ermənistanda keçiriləcək o forumda kimlərsə hansısa məqsədlə iştirak edə bilər, yaxud kimlərsə ora aldadılaraq gətirilə bilər. "Hesab edirəm ki, Ermənistanın keçirəcəyi bu saxta forumda iştirak etmək heç bir dövlətə, təşkilata başucalığı gətirməz və dəvət edilənlər bundan imtina etməlidir. Ora gedənlər də obyektivlik göstərib Ermənistanın özünü ifşa etməlidir. Onlar reallığı bilirlərsə həmin forumu ermənilərin özlərinə qarşı çevirməlidirlər"-deyə A.Nağı qeyd etdi.
İradə SARIYEVA
