Faiq Ələkbərli:"Qərb hər zaman ikili üzlü, riyakar siyasət yürüdüb, bu günkü davranışı da riyakarlığın nümunələrindən biridir"
Ermənistanda parlamenti qarşısında keçirilən etiraz aksiyaları zamanı polis zorakılığı nəticəsində təxminən 100-dən artıq adam yaralanıb. Onlardan 85 nəfərini bir gün xəstəxanada saxlayıb sonra evə buraxıblar, amma etirazçılardan 16-17 nəfərinin vəziyyəti ağırdır, onlar xəstəxanadadır.
Ermənistanda polis bu dərəcədə zorakılıq edir, insanları döyüb şikəst edir, amma maraqlıdır ki, buna Qərb institutları, insan hüquqlarını müdafiə edən təşkilatlar susurlar.
Ermənistanda polisin mülki şəxslərə qarşı qəddar davranışına Qərb institutları niyə göz yumur? Ekspertlər hesab edirlər ki, bu Qərbin ənənəvi ikili standartlarının təzahürüdür.
Ekspertlər qeyd edir ki, Qərb institutları, insan haqları təşkilatları heç zaman bu məsələlərlə bağlı Ermənistana hər hansı bir çağırış etməyib, əksinə ona pərdə arxasından dəstək verib. Ermənistanda baş verən bu kimi hallara Qərbin heç zaman mülki vətəndaşların hüquq və azadlıqlarının məhdudlaşdırılması kimi yanaşmadığını deyən ekspertlər vurğulayır ki, beynəlxalq hüquq müdafiə təşkilatları Ermənistanda yaşananlara qəsdən göz yumurlar.
Ekspertlər qeyd edirlər ki, dünən müxalifətin çadır qurduğu və müddətsiz aksiya keçirdiyi parlament binasında xüsusi vasitələrdən istifadə edən polislə toqquşması baş verib. Səhiyyə Nazirliyinin məlumatına görə, xəsarət almış 79 vətəndaş yardım üçün müraciət edib. DİN-in mətbuat xidməti 98 nəfərin saxlanıldığını bildirib. Bu faktlara isə Qərb dünyası seyrçi qalır.
"Ermənistanda əhaliyə qarşı polis zorakılığının Qərb tərəfindən sakitliklə qarşılanması onun Ermənistanı himayə etmək niyyətindən irəli gəlir"
AMEA-nın Fəlsəfə və Sosiologiya İnstitutunun aparıcı elmi işçisi, fəlsəfə doktoru, BAO sədrinin müavini, siyasi şərhçi Faiq Ələkbərli "Bakı-Xəbər"ə şərhində bildirdi ki, Ermənistanda açıq - aşkar şəkildə mülki əhaliyə qarşı polis zorakığı var, onlar həbs edilirlər, başlarına hər cür oyunlar açılır, Qərb təşkilatlarının səsi çıxmır. "Son həftələrdə Ermənistanda keçirilən aksiyalara, bu aksiyalarda mülki şəxslərə qarşı polis zorakılığına Qərbin reaksiya verməməsi təəccüblü deyil. Çünki Qərb institutları, insan hüquqlarını müdafiə təşkilatları Ermənistanın təəssübünü çəkirlər, onun daxilində yaşananları ört basdır edirlər. Hər zaman Ermənistana fərqli yanaşıblar və onun daxilindəki problemləri yaymaq istəməyiblər. Qərbə görə, Ermənistanda aksiya keçirənlərlə aksiyaçılara qarşı zorakılıq edənlər, təzyiq göstərənlər arasında yaşananlar "demokratiya" nümunəsidir. Ermənistanda baş verənlərə reaksiyasız qalan Qərb institutları Azərbaycana gələndə insan hüquqlarının pozulmasından, ədalətsizlikdən bəhs edirlər. İndi də o cür davranırlar.
Əslində, onların müsəlman, türk xalqlarına yanaşmaları ilə xristianlara, yaxud öz maraq dairəsində olan xalqlara və hakimiyyətlərə yanaşmalardan həmişə fərqli münasibət göstəriblər.
Ermənistanda əhaliyə qarşı polis zorakılığının Qərb tərəfindən sakitliklə qarşılanması onun Ermənistanı himayə etmək niyyətindən irəli gəlir.
Qərb hər zaman ikili üzlü, riyakar siyasət yürüdüb, bu günkü davranışı da riyakarlığın nümunələrindən biridir".
F. Ələkbərli qeyd edir ki, polis zorakılığına bu qədər səssiz qalmaq Qərb İnstitutlarının salam Ermənistanı qorumaq cəhdindən irəli gəlir. "Qərbin Ermənistana münasibəti bu şəkildə davam edəcək. Ermənistan hakimiyyəti Qərbin yaxın müttəfiqidir, bu baxımdan o heç vaxt erməni polisinin davranışını tənqid etmir. Erməni polisi mülki əskiyə divan tutsa da, onları yaralara da, həbs etsə də Qərb seyirçi qalacaq" - deyə F. Ələkbərli qeyd etdi.
İradə SARIYEVA
