Yeni Kaledoniyadakı iğtişaşlar Makronun prezidentliyinin ən ciddi böhranlarından biri oldu. Trend xəbər verir ki, bu barədə analitik Metyu Kempbel Böyük Britaniyanın "The Sunday Times" qəzetindəki məqaləsində yazıb.
Onun sözlərinə görə, Fransanın qəddar müstəmləkə tarixi onun bugünkü siyasətinə güclü təsir göstərir.
Müəllif vurğulayır ki, Paris yalnız Yeni Kaledoniyada kütləvi etirazlara səbəb olan siyasətinin uğursuzluğunda kimi günahlandıracağını axtarır.
"Fransa kənar qüvvələri 140 adaya səpələnmiş 270 000 nəfər əhaliyə malik ərazidə narazılığı qızışdırmaq üçün köhnə müstəmləkə incikliklərindən istifadədə günahlandırır", - deyən müəllif Parisin sosial şəbəkələrdə guya Azərbaycandan olan istifadəçilərin paylaşdığı EndFrenchColonialism heştəqli məlumatları belə izləyə bildiyini əlavə edib.
Fransa diplomatik mənbəsinə istinad edən Kempbell bu xarici ərazinin Paris üçün xüsusi önəm daşıdığını bildirib.
"Yeni Kaledoniya dünyanın nikel ehtiyatlarının dörddə birinə sahibdir ki, bundan da hibrid avtomobillərdə akkumulyatorların, eləcə də, sikkələrin, zirehlərin və turbin qanadlarının hazırlanmasında istifadə olunur", - məqalədə deyilir.
Fransa prezidentinin Yeni Kaledoniyaya son səfərini şərh edən müəllif qeyd edir ki, Makron Fransa loyalçıları və müstəqillik tərəfdarları ilə görüşdən 12 saat sonra ölkəyə qayıtmazdan əvvəl əraziyə bu yeni gələnlərin səsverməsinə icazə verən səsvermə islahatlarını təxirə salmağa razılaşıb.
"Parlamentin hər iki palatasının xüsusi Fransa konqresinin yaxın günlərdə Versalda gözlənilən islahatı etirazlara səbəb oldu.
Əhalinin 40 faizini təşkil edən, Fransa və Avropa seçkilərində səsvermə hüququna malik olan yerli kanaklar immiqrantlara səsvermə hüququnun verilməsinin yerli əhalinin səsvermə səlahiyyətlərini azaldacağından və müstəqillik əldə etmə yolunda çətinliklər yaradacağından ehtiyat edirdi", - deyə analitik yazır.
Münaqişəyə tarixi nöqteyi-nəzərdən yanaşan Kempbel münaqişənin köklərinin tarixin dərinliklərinə uzandığını vurğulayıb. Onun sözlərinə görə, XIX əsrin əvvəllərində bu bölgə yalnız balina ovçuları və qul tacirlərini cəlb edirdi, yerli kanaklar isə oğurlanır və ya əsir götürülürdü.
"Bu gün ərazi Fransadan ayrılmaq ümidi ilə ikinci dəfə səsvermə tələb edən kanaklar və onun tərkibində qalmaq istəyən ağ mühacirlər olan kaldolar (avropaəsilli fransızdilli əhali) arasında həmişəkindən daha dərindən parçalanıb", - məqalədə deyilir.
