Cənubi Qafqaz üzrə iranlı beynəlxalq ekspert Ehsan Movahedian növbəti dəfə erməni qardaşlarına məsləhətlər verib.Belə ki,erməni sevdalısı iranlı ekspert “Armenpress”ə müsahibəsində eynilə erməni yalanlarını təkrarlayaraq Azərbaycan Müdafiə Nazirliyinin Ermənistan silahlı qüvvələrinin faktiki olaraq atəşkəsi pozmasını dezinformasiya adlandırıb.Və bunu guya Azərbaycanın Ermənistandan mümkün qədər çox güzəşt əldə etmək istəyilə əlaqələndirib.Və ermənilərə tövsiyələr də edib:-sitat-"Düşünürəm ki, Ermənistan Azərbaycana göstərməlidir ki, Bakının ondan tələb etdiyi güzəştləri qəbul etməyəcək.Siz bilirsiniz ki, İran sizi mütləq şəkildə dəstəkləyir.O cümlədən bəzi regional tərəfdaşlar da,məsələn Hindistan da sizi mütləq şəkildə dəstəkləyir,siz hətta Gürcüstana da arxalana bilərsiniz. Bundan əlavə, bəzi Qərb ölkələri də sizə dəstək verir "-sitatın sonu.Daha sonra iranlı ekspert təxribat xarakterli mülahizə də irəli sürüb: “Bakı yaxın vaxtlarda sərhədyanı rayonlarda mövqeyini gücləndirmək üçün hansısa lokal münaqişələr yarada bilər.Ancaq Azərbaycanın yaxın gələcəkdə Sünikə hücum edə biləcəyini düşünmürəm. Bakı indi bunu edə bilməz, çünki regionda vəziyyət çox ağırdır ", - deyə iranlı ekspert vurğulayıb. İranlı ekspert hesab edir ki, belə bir şəraitdə Ermənistan İranla, hətta Hindistan və Rusiya ilə birgə hərbi təlimlər keçirsə, bu, Bakı üçün aydın və güclü siqnal olardı. "Əgər İran və Ermənistan birgə hərbi model işə salsa, bu, bütün düşmənlər üçün güclü siqnal olacaq. Azərbaycan sadəcə sizin gözüvüzü qorxudur. Ermənistan hökuməti bütün ilkin şərtlərə qarşı çıxmalıdır.Və hərbi gücünü artırmalıdır.Ermənistan ancaq bu yolla Azərbaycanı dayandıra bilər”, - deyə Movahedyan bildirib. İranlı ekspert Ermənistanın baş naziri ilə İran İslam Respublikasının prezidenti Məsud Pezeşkian arasındakı telefon danışığına da toxunub və qeyd edib ki, tərəflər Ermənistan-İran münasibətlərinin strateji xarakter daşıdığını açıq şəkildə təsdiqləyiblər. "Mən əminəm ki, bu söhbətdə Ermənistan-İran sərhədinin qorunub saxlanılması və toxunulmazlığını nəzərdə tutan İranın qırmızı xətlərindən bəhs edilib. Düşünürəm ki, iki ölkə liderləri ikitərəfli iqtisadi əlaqələr, nailiyyətlər və ticarət həcmi barədə də danışıblar", - deyə Ehsan Movahedian fikrini yekunlaşdırıb.
Surxay Əliyev
