Erməni saxtakarlığı daha böyük ölçüdə davam edir desək, bizə irad bildirən tapılmaz. 44 günlük müharibədən sonra özlərinə yer tapa bilməyən hay sürüsü yenə də hansısa “arxeoloji nəticələr”dən danışmağa başlayıb.
Erməni arxeoloqları “Karmir Blur”da apardıqları qazıntılar zamanı, guya eramızdan əvvəl VII əsrə aid “nadir” monumental tikili aşkar ediblər. Ermənistan-Avstriya ekspedisiyasının həmrəhbəri, “Erebuni” Muzey-Qoruğunun direktoru Mikayel Badalyan “Armenpress”ə müsahibəsində bildirib ki,
bu il Karmir Blur yaşayış məskəninin yerində aparılan qazıntılar təkcə Ermənistanda deyil, bütün Yaxın Şərqdə arxeologiyanın tədqiqi üçün son dərəcə “mühüm nəticələr” verib.
Çox qəribədir, Badalyan iddia edib ki, guya bu tikili e.ə. 685-ci ildən e.ə.645-ci ilədək hökm sürən Urartu kralı II Rusanın dövrünə aiddir (?)
Bu əraziyə Türkmənçay müqaviləsindən sonra köçürülən ermənilər-haylar özlərinin VII əsrdə indiki Ermənistan ərazisində yaşadıqlarını iddia etmək istəyirlər. Halbuki, həmin dövrdə onlar bir etnos kimi bu ərazilərdə yaşamayıblar və burada onların heç bir tarixi irsi, mədəniyyəti olmayıb.
Karmir bluru bunlar erməni dəyəri kimi qələmə verib tarixi saxtalaşdırırlar. Guya burada onlar lap qədimdən yaşayıblar. Unutmayaq ki, haylar Urartuya və onun irsinə uzun illərdir ki, iddia edirlər.
“İndiki İrəvanın yerləşdiyi ərazidə nə qədimdə, nə də orta əsrlərdə heç vaxt erməni dövləti olmayıb”
AMEA-nın Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev bildirdi ki, Karmir blur məsələsi yeni deyil və bu saxtakarlığın əsası Sovet dövründə, daha dəqiq desək, keçən əsrin 30-cu illərindən sonra qoyulub. Ermənilər Azərbaycan torpaqlarına köçürüldükdən sonra onlara burada qondarma tarix yaratmaq məsələsi də gerçəkləşməyə başlayıb. Bu sahədə erməni kilsəsi və ermənipərəst qüvvələrin çox saxtakarlıq işləri gördüyünü deyən Q.Hacıyevin sözlərinə görə, ermənilər daim Qərbi Azərbaycan və Qarabağ ərazisində “qədim erməni şəhərləri” axtarışında olublar. “Çox aktual məsələyə toxunmusunuz. Son dövrlər ermənilərin "kəşflər”i davam edir. Siz təsəvvür edin ki, bu "kəşflər" daha çox qədim dövrlərlə bağlıdır. Ümumiyyətlə, indiki Ermənistan ərazisində olan heç bir abidənin, heç bir tarixi məkanın ermənilərlə hər hansı bir əlaqəsi yoxdur. Uzun illərdir ki, ermənilərin - hayların bu ərazilərdə saxta tarixinin yaradılması ilə bağlı hay alimləri və onların havadarları "fəaliyyət" göstərir. Onlar həm tarixi saxtalaşdırır, həm də onun içində revanşizmi, separatizmi gücləndirirlər. Erməni alimlərinin həyata keçirdiyi elmi və siyasi cəhətdən saxtalaşdırmalar ümumi Qafqaz tarixinin hədəfə alınmasına xidmət edir. Əllərinə harada tribuna keçirsə o saat ondan istifadə edirlər və öz cəfəngiyatlarını, uydirmalarını ortaya atırlar.
Erməni alimləri, tarixçi və arxeoloqları 44 günlük müharibədən sonra saxtalaşdırma işinə daha sürətlə davam edirlər. İndiki Ermənistan ərazisində elə bir tarixi abidə yoxdur ki, onlara qarşı saxtalaşdırma aparılmasın. İndi də eşidiblər ki, nə vaxtsa UNESCO bölgəyə missiya göndərəcək, ona görə də saxtalaşdırma kampaniyasını daha da genişləndirirlər ki, özlərinin burada "qədimliklərini" sübut etsinlər. Əvvəllər "Erebuni qalası", "Erebuni şəhəri" "kəşf" etdilər, sonra onu "qədim erməni" şəhəri, abidəsi kimi qələmə verməyə çalışdılar. Bir ara Qarabağda "erməni izlərini"n olduğu" abidə" aşkarladığını iddia etdilər. Amma bunlar hamısı boş bir şeydir. Bunlar saxta müəlliflər, saxta mənbələr düzəldib saxtalaşdırmalarını onların əsasında aparırlar, bir dənə sağlam mənbələri yoxdur”.
Q.Hacıyevin sözlərinə görə, erməni arxeoloqları burada "qədim xalq" olduqlarını sübut etmək üçün çox iyrənc üsula əl atırlar. O xatırlatdı ki, torpağa üzəri kimyəvi maddə ilə "köhnəldulmiş" daşlar basdırırlar, guya bu daşlar ermənilərin "ulu babaları"nın izlərini yaşadır. Bu "tarixi faktları" da dünyaya yayırlar. Onların o qədər uydurmaları, yalanları var ki, saymaqla qurtarmaz. İndi də Karmir Blur məsələsini ortaya atıblar.
Boris Borisoviç Piotrovski Ermitajın direktoru olmamışdan əvvəl gənc yaşlarında akademik Maarın göstərişi ilə 1930-cu ildən sonra İrəvana gəlir. İrəvan şəhərində Leninqraddan gələn alimin rəhbərliyi altında bəzi yerlərdə qazıntı işləri aparılır və bunun nəticəsində planlı şəkildə hazırlıq görülür. Boris Borisoviç Piotrovskinin yazdığı iki kitab işıq üzü görür. Onların biri "Van çarlığı" əsəridir və bu, ermənilər üçün özlərinin yazdıqları əsərlərdən daha “qiymətlidir”. İkincisi "Karmir Blur" əsəridir. Karmir blur da erməni dilində "qızıl təpə" deməkdir. Bu ərazidə Boris Borosoviçin rəhbərlik etdiyi ekspedisiyanın apardığı arxeoloji tədqiqatlar nəticəsində məlum olur ki, bura qədim yaşayış yeridir, şəhərdir və sair. Bu saxtalaşıdrmanın tarixi xeyli var və erməniıər də ondan sui-istifadə edirlər. Amma faktiki olaraq bu ərazinin ermənilərə aidiyyəti yoxdur, orada nə varsa hamısı Azərbaycan - türk mədəniyyətinin bir parçasıdır. Amma erməni saxtakarlığı, erməni fırıldağı, uydurması davam edir. Ermənilər "əsərlər" yazır, saxtakarlığı təbliğ edir. Onlar indiki Ermənistan ərazisində arxeoloji qazıntılar aparan digər millətlərdən olan alimlərin tədqiqatlarını bəyənmirlər, hətta öz millətlərindən olan Ter-Avanesyanın, Ter-Qriqoryanın, Orbelinin yazdıqlarını təhrif edərək "yeni kəşflər" edirlər. O cümlədən, bunların saxta tarixi üçün SSRİ məkanında ən böyük "iş görən", böyük əsərlər həsr edən Piotrovskinin də yazdıqlarına yenidən baxırlar, onun tədqiq etdiyi ərazilərin yanında yeni qazıntılar aparıb yeni hoqqalar açırlar. Bu da erməni xislətidir. Bax, ermənilik budur. Hər şeydə saxta, hər şeydə yalan. Onu da deyim ki, yuxarılardan aldığı tapşırıqla Leninqraddan İrəvana gələn Boris Borosoviçin gördüyü işlər bir yana, sonradan Moskvanın göstərişi, köməkliyi ilə ermənilər yeni saxta kitablar nəşr etdirdilər. Həm Qərbi Azərbaycan, həm Qarabağ ərazisində olan abidələrlə, tarixlə bağlı yüzlərlə məqalə, kitab çap etdirdilər. Bu müəllifləri də tanıyırıq, onlar nə qədər uydurmalar yazdılar. Amma bütün bunlardan sonra ermənilər yeni saxta kitablar nəşr etdirdilər. Həm Qərbi Azərbaycan, həm Qarabağ ərazisində olan abidələrlə, tarixlə bağlı yüzlərlə məqalə, kitab çap etdirdilər. Bu saxtalaşdırmaya Boris Borisoviç sakit yanaşmadı. Baxmayaraq ki, ermənilərin xeyrinə kitablar yazıb, amma baş verən kütləvi saxtakarlıqdan sonra Piotrovski hay alimlərinin kütləvi saxtakarlıqları ilə bağlı Ermənistan Elmlər Akademiyasına 14 səhifəlik bir məktub göndərdi, erməni alimlərin nə qədər saxtakar olduğunu, özlərindən uydurmalar çıxardığını tənqid etdi. Onların sifəti hər gün ifşa olunur, amma hər gün saxtakarlıqları davam edir. Əvvəla, indiki İrəvanın yerləşdiyi ərazidə nə qədimdə, nə də orta əsrlərdə heç vaxt erməni dövləti olmayıb, orada erməni dövləti XX əsrin əvvəllərində yaradılıb, yaradılması tarixi də sizə məlumdur. Onlar bura Türkmənçay müqaviləsindən sonra XIX əsrdə köçürülüblər”.
Q.Hacıyev qeyd etdi ki, onlar burada yerləşdikdən, dövlət qurduqdan sonra bizim bütün abidələrə qarşı saxtalaşdırma apardılar, dağıtdıqlarını dağıtdılar, yer üzündən sildilır, qalanları isə saxtalaşdırılır, erməniləşdirdilər. “Ermənilərin bu gün hansısa yeni arxeoloji qazıntılar aparması və yeni "faktlar" üzə çıxarması cəfəngiyatdır, həmin ərazinin ermənilərə heç bir aidiyyəti yoxdur, orada "qədim erməni" irsi ola bilməz. Necə ola bilir ki, bunlar gündə bir şəhər qalığı tapıldığını elan edirlər? Təbii ki, yalandır. Van çarlığı da, Urartu dövləti də olub, amma onların ermənilərlə əlaqəsi yoxdur. İndiki Ermənistan ərazisində aşkarlanan nə varsa hamısı qədimdən o ərazilərdə yaşayan xalqların, tayfaların, etnosların tarixinə aiddir, onların əcdadlarının irsidir. Bunların haylarla əlaqəsini iddia etmək sadəcə gülüncdür. Burada tapılanlar da həmin ərazidə yaşayan qədim yerli xalqların əcdadlarının irsidir, onların ermənilərə heç bir aidiyyəti yoxdur. İstər eradan əvvəl olsun, istər sonra olsun, burada erməni irsi olmayıb. Əvvəla, İrəvan ərazisində belə bir qədim abidə ola bilməz. Ermənilər necə ki, üç-dörd yerdə yalançı “Tiqranakert” "tapdılar". Halbuki, heç Tiqran da erməni deyildi. Hərçənd, onu ermənilər öz babası, sərkərdəsi hesab edir. Cəfəngiyatdır, artıq üzləri açılır. Dünya ictimaiyyəti erməni həyasızlığının, saxtakarlığının qarşısını almasa, bu ermənizm siyasəti hələ çox davam edəcək” - deyə Q.Hacıyev qeyd etdi.
İradə SARIYEVA
