Erməni Qriqoryan kilsəsi hər zaman təxribatla, cinayətlə məşğul olur və bununla kifayətlənməyib başqa dövlətləri də öz cinayətlərinə şərik etməyə çalışır. Təəssüf ki, bəzən buna müvəffəq də olur.
Son illər özünü “apostol kilsəsi” kimi qələmə verən saxtakar erməni Qriqoryan kilsəsi Azərbaycanın 44 günlük müharibədə qazandığı qələbəni hələ də həzm edə bilmir və bu qələbəyə qara yaxmaq üçün bütün fitnə-fellərdən istifadə edir. Bütün ermənilərin katolikosu II Qareginin iki ildir ki, əl atmadığı fənd qalmayıb, gah Rusiyanın, gah da Avropanın, ABŞ-ın ayaqlarının altına döşənir.
Armenpress-in yaydığı məlumata görə, II Qaregin noyabrın 11-də Rusiya Dövlət Dumasının komitə sədrinin müavini Kazbek Taysayevin başçılıq etdiyi nümayəndə heyətini qəbul edib.
Erməni patriarxı qeyd edib ki, Ermənistan-Rusiya dostluğu və münasibətləri çoxəsrlik zəngin tarixə malikdir. II Qaregin yalan torbasının ağzını açaraq Azərbaycana şər-böhtan atıb, 44 günlük müharibəni Azərbaycanın “Arsax”a “hərbi təcavüzü” kimi qələmə verib. Bundan əlavə, katolikos Ermənistanın 13 sentyabrda sərhəddə törətdiyi təxribata ermənisayağı don geydirib və Azərbaycanı günahkar çıxarmağa çalışıb. “Ümid edirik ki, Rusiya Federasiyasının səyləri Arsaxın azad və təhlükəsiz həyatının təmin edilməsinə töhfə verəcək” - deyə II Qaregin sərsəmləyib.
Erməni katolikos öz yalanlarına o qədər aludə olub ki, “Artsax” “xalqının azadlığından”, guya Azərbaycanda saxlanılan “hərbi əsirlərdən və mülki şəxslər”dən danışıb. Guya ki, Azərbaycanda “hərbi əsir və mülki əhali” saxlanılıb. Əlbəttə, bütün bunlar cəfəngiyatdır.
Siyasi və Hüquqi Strateji Araşdırmalar Mərkəzinin rəhbəri Xəyal Bəşirov “Bakı-Xəbər”ə şərhində bildirdi ki, erməni kilsəsinin Rusiyaya çağırış etməsi barədə məlumat yayılıb. “Əslində, II Qaregin bu addımı ilə erməni kilsəsinin bugünə qədər, yəni 30 illik bir müddət ərzində keçmiş münaqişə ilə bağlı mövqeyini açıq şəkildə ortaya qoymaqdadır. Biz dünyanın müxtəlif nöqtələrində mövcud münaqişələrə, o cümlədən də mühartibələrə, qarşıdurmalara münasibətdə dinin, kilsənin, yaxud digər dinlərin mövqeyinin şahidi olmuşuq. Onlar mümkün qədər münaqişələrə, qan tökülməsinə, müharibələrə qarşı olublar. Amma bu gün erməni kilsəsi özünün erməni xislətini ortaya qoyub bir daha sübut edir ki, kimliyindən asılı olmayaraq, erməni ermənidir və onun üçün insan ölümü, müharibə, münaqişə “normal hal” hesab olunur. O həm də bir daha ondan xəbər verir ki, erməni kilsəsi özü bu gün erməni diaspor və lobbi təşkilatlarının oyuncağına çevrilib. Çünki biz bilirik ki, bu gün regionda münaqişənin mövcudluğunu istəyən, dırnaqarası ifadələri işlətməklə mümkün qədər gərginlik yaratmağa cəhd göstərən, Azərbaycana və Türkiyəyə qarşı düşmənçilik siyasətinin mövcud olmasını istəyən, bunu ortaya qoyan erməni diaspor və lobbi təşkilatıdır. Erməni diaspor və lobbi təşkilatları bu istəkləri uğrunda həm kilsəni, həm Rusiyanı, həm də digər qüvvələri bu prosesə cəlb etmək istəyir. Hətta Ermənistan toplumunu, Ermənistanın Qarabağ klanına aid olan müxalifəti təmsil edən cinayətkar ünsürləri də öz oyuncaqlarına çevirirlər. Çünki əgər keçmiş münaqişə ilə bağlı bütün problemlər həllini tam şəkildə tapacaqsa və bunun davamı olaraq Azərbaycanla Ermənistan arasında sülh sazişi imzalanacaqsa, o cümlədən də bunun məntiqi davamı kimi Ermənistanın Türkiyə ilə münasibəti normallaşacaqsa, artıq erməni diaspor və lobbi təşkilatlarının mövcudluğuna heç bir zərurət qalmayacaq. Bunu anlayan erməni diaspor və lobbi təşkilatları bütün istəklərini, imkan və bacarıqlarını ortaya qoyurlar, kütləvi şəkildə maliyyələr ayıraraq bu prosesləri mümkün qədər öz istəkləri istiqamətində inkişaf etdirməyə çalışırlar. Bu istiqamətdə onsuz da oyuncağa, alətə çevrilməyə hazır olan erməni kilsəsini də öz oyunlarına alət ediblər. Təbii ki, erməni kilsəsi də müxtəlif formalarda pafoslu və populist çıxışlarla erməni diaspor və lobbi təşkilatları qarşısında öz üzərinə götürdüyü öhdəlikləri yerinə yetirməyə çalışır. Bu istiqamətdə Rusiya boyda nəhəng bir dövləti də öz oyunlarına alətə çevirməyə cəhd edirlər. Təbii ki, Rusiyanın da bu məsələdə ona çağırışların edilməsinə dəstək verən müəyyən addımları oldu”.
X.Bəşirov vurğuladı ki, 10 noyabr 2020-ci il tarixli üçtərəfli bəyanatla 11 yanvar 2021-ci ildə imzalanan Moskva və 26 noyabr 2021-ci ildə imzalanan Soçi bəyanatları ilə, ən sonda isə Soçidə keçirlən keçirilən görüşdə sülhməramlı missiyanı və keçmiş münaqişədən sonra mövcud olan bəzi problemərin həlli, sülh sazişinin imzalanması istiqamətində vasitəçiliyi öz üzərinə götürən Rusiyanın regiona keçmişi qaranlıq olan Ruben Vardanyan adlı cinayəkar bir milyarderi göndərməsi, “rejim”in “dövlət naziri” “təyin edilməsinə” nail olması bir daha qaranlıq məqamlardan xəbər verir. “Artıq bu addımından sonra erməni kilsəsinin Rusiyaya çağırış etməsi üçün münbit şərait yaranır. Təbii ki, kilsə bunu etməklə bir tərəfdən Rusiyanı təxribata, oyuna çəkir, digər tərəfdən də Rusiyanın özünü şantaj edir. Əgər Rusiya bununla bağlı kilsəyə qarşı mövqe ortaya qoyacaqsa, hər bir halda kilsə açıq şəkildə Rusiyanı bu məsələdə ittiham da edə bilər. Bütün bunlar bir daha ondan xəbər verir ki, Ermənistanda ciddi şəkildə revanşizm baş qaldırmaqdadır, Ermənistan öz ordusu barədə olduğu kimi öz dini haqda da çox əsassız, absurd, reallıqdan uzaq bir mif yaradıb. Amma Azərbaycan ikinci Qarabağ müharibəsində, ondan sonra baş verən proseslərdə də Ermənistan və onun ordusu haqda yaradılmış olan mifi dağıtdığı kimi, erməni kilsəsi barədə də mifi dağıtdı. Bilirik ki, uzun illər ərzində ermənilər regionda ən qədim xristian kilsəsinə sahib olduqları ilə bağlı fikirlər səsləndirirlər. Eyni zamanda “ən qədim mədəniyyətə”, “sivilizasiyaya” və dinə sahib olmaqları ilə əlaqədar mif yaratmışdılar. Bu mifin darmadağın edilməsi əslində elə erməni kilsəsinin atdığı bu addımlarla həyata keçir” - deyə bildirən X.Bəşirov hesab edir ki, erməni Qriqoryan kilsəsinin fəaliyyəti hər zaman təxribatçı xarakter daşıyıb.
İradə SARIYEVA
