"Bu həftə Azərbaycan xalqı Qarabağın və Şərqi Zəngəzurun Ermənistan işğalından azad olunmasının ikinci ildönümünü böyük qürur hissi ilə qeyd etdi. İki il əvvəl biz Azərbaycan torpaqlarının 30 illik işğalına son qoyduq, tarixi ədaləti və beynəlxalq hüququ bərpa etdik. Bununla Azərbaycan həm də BMT Təhlükəsizlik Şurasının müvafiq qətnamələrini özü icra etdi".
Bunu Prezidenti İlham Əliyev Türk Dövlətləri Təşkilatının Səmərqənddə keçirilən IX Zirvə Görüşündə çıxışı zamanı qeyd edib.
Prezident vurğulayıb ki, otuzillik işğal bitsə də, onun ağır fəsadları hələ də qalmaqdadır. “Azərbaycanın 9 şəhəri və yüzlərlə kəndi Ermənistan tərəfindən yer üzündən silinib. Vaxtilə böyük və çiçəklənən şəhər olmuş Ağdam o dərəcədə dağıdılıb ki, xarici ekspertlər onu “Qafqazın Xirosiması” adlandırırlar. Ermənistan işğal zamanı 67 məsciddən 65-ni yerlə-yeksan edib, qalan 2 məscid isə ciddi zərər görüb və donuz, inək saxlanılması üçün istifadə olunub. Bu, bütün müsəlman dünyasına təhqirdir. İslamofobiya və türkofobiya Ermənistanın rəsmi ideologiyasının bünövrəsini təşkil edir” - deyə Azərbaycan Prezidenti bildirib.
Prezidentin Ermənistanın dövlət siyasətinin, ideologiyasının əsasını, mahiyyətini islamofobiya və türkofobiya təşkil etdiyini tam yerində vurğuladığını deyən AMEA-nın Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev baki-xeber.com-a bildirirdi ki, ermənizmin özü böyük bir təhlükədir. Professor Hacıyevin sözlərinə görə, Ermənistanın dövlətçilik ideologiyasında başqa xalqlara, xüsusən də türk və islam dünyasına nifrət əks olunub ki, bunu da hər kəs bilir. Q.Hacıyev qeyd etdi ki, bəzi müsəlman dövlətlərinin Ermənistana qucaq açmasına baxmayaraq, Ermənistan hər zaman türkün və islamın əleyhinə işləyib. Buna saysız nümunələrin olduğunu deyən Q.Hacıyevin bildirdiyinə görə, torpaqlarımız işğalda olduğu dövrlər də Ermənistan müsəlman abidələrinə, məscidlərə, Azərbaycan-türk irsinə qarşı sözün həqiqi mənasında vandalizm həyata keçirib, düşmənçilik münasibəti sərgiləyib. "Prezident doğru vurğuladı ki, Ermənistanın islamofobiya və türkofobiya ideologiyası, siyasəti nəticəsində şəhərlərimiz, kəndlərimiz, məscidlərimiz yer üzündən silinib. Qarabağda və ətraf rayonlardan Azərbaycan xalqının izinin itirilməsi üçün Ermənistan hər cür vasitəyə əl atıb. Qərbi Azərbaycanda Azərbaycan-türk irsinə qarşı Ermənistanın həyata keçirdiyi terror siyasəti dünyanın gözü qaşısında baş verib. Sonuncu dəfə 1988-ci ildə soydaşlarımız öz ata-baba torpaqlarından deportasiya edildi. Tarixdə dəfələrlə xalqımız ermənilər tərəfindən soyqırıma məruz qoyuldu. Məscidlərimiz, ibadət yerlərimiz, abidələrimiz təhqir edildi...
Prezident fikirlərini çox dəqiq və lokanik şəkildə ifadə etdi. Diqqət çəkən məqamlardan biri o idi ki, Azərbaycan Prezidenti türk dünyasının yalnız dövləti olan xalqlardan ibarət olmadığını və digər çox böyük ərazilərdə türklərin yaşadığını vurğuladı. Həqiqətən də, bu da çox dəqiq bir mesaj idi. Bu Prezidentinin uzaqgörənliyinin bir örnəyidir və bu o biri türk xalqlarının da nə zamansa özgürlüyə qovuşacağının bir müjdəsidir. Azərbaycan Prezidenti bu bəyanatı verməklə onu çatdırdı ki, türk dövlətləri, türk dilli xalqlar bir-birinin təəssübünü çəkməlidirlər. O son dərəcə haqlıdır. Ona görə ki, dünyada bu qədər böyük türk dövlətləri, türk xalqı olduğu halda bir ovuc erməni, daşnak sürüsü Azərbaycan, türk xalqının başına oyunlar açıb. Hesablamalara görə, dünyada 300 milyondan çox türk yaşayır. Bütün türk dilli xalqlar türk, islam düşmənçiliyini öz ideologiyasına çevirən Ermənistana qarşı birləşməlidir. Bizim ərazilərimizdə ermənilərə dövlət yaradıldığı gündən, XX əsrin əvvəllərindən başlayaraq daimi olaraq anti-türk siyasəti yürüdüblər. Ermənistan adlanan terror dövləti hər zaman türkofobiya və islamofobiya ilə məşğul olub. Yəni harda erməni varsa o mütləq türkün əleyhinə bir kampaniya aparır, hər hansı bir təşkilat yaradır. Təəssüf ki, islamofobiya və türkofobiya təkcə Ermənistanın dövlət ideologiyasının əsasını təşkil etmir, həm erməni toplumuna sirayət edib. Ermənilərdə türkofobiya beşikdən qəbrəcən təlqin edilir, uşaq anadan doğulan kimi onun qulağına "türk sənin düşmənindir" deyilir. Bununla yanaşı uşaq bağçasından tutmuş orta və ali məktəbə qədər türkofobiya öyrədilir. Dərsliklərində türkofobiya təbliğ olunur, fotolarla, təsvirlərlə türk düşmənçiliyi körpələrin canına, qanına, beyninə yeridilir".
Q.Hacıyev hesab edir ki, Prezidentin Türk Dövlətləri Təşkilatının Səmərqənddə keçirilən IX Zirvə Görüşündə bu ciddi məsələni bir daha vurğulaması Ermənistanın antitürk siyasətinə bir zərbədir. "Bilirsiz ki, türk xalqları Ermənistanın əsl mahiyyətini bilir və bu qorxulu düşmənin təxribatların birgə dəf etməlidirlər. Məhz bu platformadan bu bəyanatın verilməsi onu deməyə əsas verir ki, bütün türk dilli dövlətlər, türk xalqları Ermənistanın bu mənfur siyasətinə qarşı birləşməlidir, birgə mübarizə aparmalıdırlar. Təsəvvür edin ki, harada türk yaşayıbsa, türk dövləti mövcud olubsa ermənilər özlərini ora pərçim ediblər və onlara yaradılan şəraitlərə baxmayaraq xəyanət yolunu tutublar. XIX əsrin sonlarında yaranan "Hınçaq”, təşkilatının, "Daşnaksütun" partiyasının mahiyyətində də türkə qarşı terror dayanıb" - deyə Q. Hacıyev bildirdi.
İradə SARIYEVA
