Ermənistanda mövcud hakimiyyətə qarşı mübarizə aparan “Müqavimət Hərəkatı” yaradıldığı vaxt gurultulu bəyanatlar verib iqtidara gələcəyini bildiersə də, sonradan bəlli oldu ki, cəmiyyətdə hansısa ciddi dəstəyə malik deyil.
“Müqavimət Hərəkatı” adlanan təşkilat Ermənistan daxilində sabiq prezidentlər Robert Köçəryan və Serj Sarkisyanın rəhbərlik etdiyi rusiyapərəst qüvvələrdən ibarətdir. Hazırda bu qurumun başlıca məqsədi Azərbaycan və Ermənistan arasında sülhə əngəlolmaqdır. Bunu hərəkatın üzvü, Ermənistan parlamentinin “Hayastan” fraksiyasının rəhbəri, ölkənin keçmiş müdafiə naziri Seyran Ohanyan da təsdiq edir.
“Müqavimət” hərəkatının əsas məqsədlərindən biri hakimiyyətin Qarabağın Azərbaycanın bir hissəsi olmasını istədiyi sui-qəsdi zərərsizləşdirməkdir”. Onun sözlərinə görə, Nikol Paşinyan açıq şəkildə deyir ki, Qarabağ Azərbaycanın bir hissəsidir: “Məğlubiyyət simvolu olan Nikol Paşinyan və hakimiyyət daim təzyiq altındadır. Beynəlxalq görüşlərin yalnız iki tərəfi var, erməni tərəfi yoxdur. Hakimiyyət Ermənistanı az da olsa sevsəydi, istefa verərdi ki, yeni hakimiyyət danışıqlar aparsın. Bizə xalqın dəstəyi lazımdır”. Amma xalq Ohanyan və onun kimilərinə heç bir dəstək vermir. Proseslər isə göstərir ki, Paşinyan hakimiyyəti Ohanyanı və bəzi müxalifət təmsilçilərini dəmir barmaqlılqalr arxsına göndərməyə hazırlaşır. Ermənistanın “İravunk” qəzeti öz mənbələrinə istinadən bunu təsdiq edir. bildirilir ki, qondarma “DQR”in keçmiş “müdafiə naziri” Mikayel Arzumanyan barəsində başladılan cinayət işində ciddi dəyişikliklər gözlənilir. O da vurğulanır ki, cinayət işində şübhəli bilinənlərin sayı artacaq: “Cinayət işində Ermənistanın keçmiş müdafiə naziri, müxalif “Hayastan” fraksiyasının rəhbəri Seyran Ohanyanın da adının hallanacağı istisna deyil. Arzumanyan öz keçmiş həmkarlarından heç kimə, o cümlədən Ermənistan Silahlı Qüvvələrinin keçmiş Baş qərargah rəisi Onik Qasparyana da rəhm etməmək qərarına gəlib”. Xatırladaq ki, Mikayel Arzumanyan 44 günlük müharibənin son günlərində qondarma rejimin müdafiə ordusuna rəhbərlik edib. O, Ermənistan hüquq-mühafizə orqanlarının əməkdaşları tərəfindən İrəvana gedərkən yolda saxlanılıb. Onun barəsində vəzifə öhdəliklərinə qarşı məsuliyyətsiz yanaşma ittihamı (Arzumanyan guya Şuşanı Azərbaycana təslim edib) irəli sürülüb.
Ermənistanın “Joğovurd” nəşri yazır ki, Arzumanyana qarşı açılmış cinayət işi üzrə bir sıra üzləşmələr başlayıb. Qeyd olunur ki, ibtidai istintaq orqanı qanunsuz “hərbi birləşmənin komandirlərini” və başqa şəxsləri dindirilməyə dəvət edir, onları Arzumanyanla üzləşdirir: “Qeyd edək ki, üzləşdirmə adətən cinayət prosesi zamanı işdə iştirak edən şəxslərin ifadələrində ziddiyyətlər olduqda aparılır. Buna görə də müstəntiq Mikayel Arzumanyanla işdə iştirak edən digər şəxsləri üz-üzə gətirib və konkret suallar verib. Arzumanyan sentyabrın 1-də həbs edilib və hələ də həbsdədir. Yeri gəlmişkən, ona ittiham irəli sürülməzdən əvvəl parlamentin deputatı, “Hayastan” fraksiyasının rəhbəri Seyran Ohanyan da şahid qismində dindirilib. Seyran Ohanyan açıqlamasında məlumatı təsdiqləyib. Mikayel Arzumanyan Şuşa şəhərinin və ətraf ərazilərin müdafiəsinin təşkili zamanı xidməti səhlənkarlıqda ittiham olunub”. “Joğovurd” nəşri yazır ki, Ermənistanın yeni baş prokuroru Anna Vardapetyan tezliklə 3 deputata qarşı ittiham irəli sürülməsi və həbs edilməsi barədə vəsatətlə parlamentə daxil olacaq: “Söhbət yenə “Hayastan” fraksiyasının rəhbəri Seyran Ohanyan, həmin fraksiyanın deputatları, prokuror tərəfindən deputat toxunulmazlığından məhrum ediləcək Vahe Hakopyan və Armen Çarçyandan gedir. Deputatlara qarşı başlanan cinayət işləri müxtəlif işlərlə bağlıdır. Baş prokurorun bu cür vəsatətlərlə hansı konkret cinayət işi ilə bağlı parlamentə daxil olacağını hələ ki, aydınlaşdıra bilmədik. Həmin suallara baş prokuror Anna Vardapetyandan cavab almağa çalışdıq. Bu barədə prokurorun müşaviri Lusine Martirosyan bildirib: “Hazırda adıçəkilən şəxslərlə bağlı Baş Prokurorluqda heç bir vəsatət yoxdur”. Qeyd edək ki, Baş Prokurorluğun rəsmi cavabında mühüm bir nüans var. Bu nüans “indiki məqamda” nüansıdır. Bu o deməkdir ki, hər dəqiqə vəsatət baş prokuror Anna Vardapetyanın masasına qoyula bilər”. Erməni mediası ona da diqqət çəkir ki, Ohanyan və digərlərinin orduda dayaqlarının sarsıdılmasıan da Paşinyan iqtidarı xüsusi diqqət edir. Elə bundan irəli gəlir ki, Ermənistan ordusunun daha 10 hərbçisi 44 günlük müharibə zamanı döyüş mövqelərini qoyub qaçmaqda ittiham olunurlar. Ermənistan İstintaq Komitəsi bildirir ki, ittihama görə, 2020-ci il oktyabrın 18-də hərbi hissələrdən birinin 2-ci atıcı batalyonun komandiri və bir sıra hərbçiləri hücum əmrini icra etməkdən boyun qaçırıblar. Faktla bağlı toplanmış materiallar məhkəməyə verilməsi üçün prokurora göndərilib. Bütün bunlar bir daha göstərir ki, Ermənistanın baş naziri siyasi rəqiblərini həbslərə göndərmək taktikasına daha çox üstünlük verir. Erməni mediası yazır ki, “Daşnaksütyun”un üzvü İşxan Saqatelyan, “Vahid Ermənistan” partiyasının lideri Artur Qazinyan, Milli Təhlükəsizlik Xidmətinin keçmiş rəhbəri, "Vətən" partiyasının lideri Artur Vanetsyan da hədəflər sırasındadır. Sabiq prezidentlər Robert Köçəryan və Serj Sarkisyanın da həbsə atılması istisnalıq təşkil etmir.
Tahir TAĞIYEV
