Ermənistan Baş naziri Nikol Paşinyan Tehrana gedib. Hava limanında Ermənistan Baş nazirini İranın rəsmi şəxsləri qarşılayıb.
Qarşılanma mərasimində ən diqqət çəkən məqam isə əli Azərbaycan xalqının, müsəlmanların, şiələrin qanına batmış, 30 il ərzində müsəlman-şiə məscidlərində donuz saxlayan bir ölkənin rəhbərinin Quran ayəsi ilə qarşılanması olub. Hərbi qaravulun başçısı Nikol Paşinyanı "Bismillah rəhmani rəhim" (Rəhman və Rəhim olan Allahın adı ilə!) ayəsi ilə salamlayıb.
Bu, bir daha göstərdi ki, İranda, ümimiyyətlə, İslama hörmət yoxdur. Hansısa zalımın qarşısına “Quran” çıxarmaq müsəlman dövlətinə yaraşmayan hərəkətdir. İranın İslam dini adı ilə Paşinyana göstərdiyi bu “sayğını” necə dəyərləndirmək olar?
İlahiyyatçı Tural İrfan “Bakı-Xəbər”ə açıqlamasında bildirdi ki, Paşinyanın Quran kəlamları ilə qarşılanması birbaşa İran rejiminin İslam dinini təhqir etməsi anlamına gəlir: “Bundan əvvəlki görüşdə İran prezidenti Paşinyana “Hacı, buyurun əyləşin”, deyərək xitab etmişdi. Bilirsiniz ki, Hacı titulunu müqəddəs Həcc ziyarətini edənlərə verirlər. Bu Rəisinin digər İran prezidentləri ilə müqayisədə İslam dininə qarşı daha aqresiv olduğunu sübut edir. Paşinyanı qarşılayan ordu birliyi İslam inqlabını mühafizə etmək üçün yaradılıb. Əslində, Paşinyan mahiyyətdə bir adam onların düşməni sayılmalıdır. Ermənistanın bizdən başqa, digər müsəlman ölkələri ilə də münasibıtləri gərgindir. Qarabağda onların İslam dininə vurduqları zərbə göz qabağındadır. Bunları bilindiyi halda, Rəisinin Paşinyanı bağrına basıb öpməsi başa düşülən deyil. İranın din alimlərinin hətta ermənini nəcis kimi tanıdan fətfaları da var. Hiss edilir ki, onlar bu addımları ilə həm də bizə və Türkiyəyə acıq vermək istəyirlər. Gör İran nə günə qalıb ki, Ermənistan kimi cılız bir ölkənin rəhbərinə sığınır. Hiss edilir ki, İran dalana dirənib və yeganə ümidi Ermənistana qalıb. Bununla İran İslam dünyasına mesaj verir ki, onun üçün lazım gələndə kafir də, qəbuldu. İran başqa addımları ilə də İslamla əlaqəsində olmadığını sübut edir. İran görür ki, İslam ona fayda vermir, ondan uzaqlaşmaq istəyir. Bu ölkənin hazırda Səudiyyə Ərəbistanı ilə də münasibətləri gərgindir. Hətta hər an həmin ölkəyə hücum edə biləcəyi gözlənilir. Bir daha sübut olundu ki, İranda İslam dini adında nəsə yoxdur”.
Ekspertin sözlərinə görə, İran daxildəki etirazları yatıra bilmir: “Əhalinin böyük əksəriyyəti İslam dininin tələblərinə tabe olmur. Qadınlar çadrasını atır, kişilər içki və narkotikə meyillənib. Bu, kütləvi hal aldığı üçün İran məcburdur ki, həmin insanlara azadlıq versin. Bunun da yolu Konstitusya dəyişikliyindən keçir. Çox güman ki, İran yaxın zamanlarda belə islahata gedib, teokratik mahiyyətini dəyişəcək. Çünki başqa yolu qalmayıb. Artıq İslam adı ilə xalqın başını aldada bilmirlər. İran əhalisi belə yalanlardan bezdiyi üçün, üsyana qalxıb”.
Məhəmmədəli QƏRİBLİ
