“Rusiyasız nəinki Qarabağ, heç Ermənistan olmayacaq”. Bunu erməni əsilli rusiyalı jurnalist, “Russia Today”in baş redaktoru Marqarita Simonyan deyib.
“Mən heç vaxt Ermənistanda yaşamamışam, mənim babam-nənəm də orada yaşamayıb. Ümumiyyətlə, ömrüm boyu cəmi iki dəfə Ermənistanda olmuşam. Amma mən etnik erməni olduğumdan erməni xalqına deyəcəklərim var.
Ermənilər, ayılın! Yaddan çıxarmayın ki, Rusiya sizin üçün kim olub və kimdir! Rusiyanın sayəsində siz ermənilərin dövləti var, torpağı var, ümumiyyətlə sərhədləri var. Qriboyedovu tanıyırsız? Bilirsiniz ki, o erməni xalqını xilas edib? Rusiya olmasaydı, bu gün Ermənistan deyilən dövlət olmamalı idi. Heç uzaq tarixə getməyək, 44 günlük müharibə zamanı kim Ermənistanı xilas etdi? Qərb? Əlbəttə ki, yox. Əgər Rusiya olmasaydı, Ermənistan fiziki olaraq yox olacaqdı. Bunun qarşısını heç kim ala bilməzdi. Heç kimi ittiham da etməyəcəkdilər. Məndə dəqiq məlumatlar var bununla bağlı. Erməni xalqı isə bütün bunları unudub yenidən Rusiyaya qarşı satqınlıq edir”, - Simonyan bildirib.
“Marqarita onlara satqın olduqlarını xatırlatdı”
Mövzuya şərh verən AMEA-nın Fəlsəfə və Sosiologiya İnstitunun aparıcı elmi işçisi, fəlsəfə doktoru, BAO başqanının müavini, siyasi şərhçi Faiq Ələkbərli “Bakı-Xəbər”ə şərhində bildirdi ki, Simonyan Ermənistanla və ermənilərlə bağlı səsləndirdiyi fikirlərlə ermənilərin əsl mahiyyətini ifşa edir. O, vurğuladı ki, həmişə Simonyan Ermənistanın faşizm siyasətini dəstəkləyib, amma onun bu ölkəyə girişinə qadağa qoyulub. Marqarita da indi ermənilərdən heyfini çıxmaq üçün onların keçmişini üzlərinə vurur deyən F.Ələkbərli qeyd etdi ki, o həm də bununla ermənilərin satqın olduğunu ifadə edir. “Ermənilər həmişə satqın olub və öz himayədarlarına xəyanət ediblər. Hansı ölkənin himayəsi altında olublarsa özlərinə yeni ağalar, yeni himayədarlar tapan kimi, o ölkəni satıblar. Bu gün də Qərbə meyilləndikləri üçün özlərinin 200 illik ağalarına xəyanət edirlər, onu Qərbə, ABŞ-a satırlar... Marqarita onlara satqın olduqlarını xatırlatdı.
Bilirsiniz ki, XIX əsrin əvvəllərində Rusiya və Qacarlar arasında baş verən müharibədə Qacarlar dövləti məğlub oldu və Osmanlı dövləti də Çar Rusiyası ilə müharibədən məğlub çıxdı. Ermənilərin bizim ərazilərimizə köçürülüməsi ideyasını da Qrobeyodov tərəfindən irəli sürüldü. Həmin dövrdə Qriboyedov ermənilərin bizim ərazilərə köçürülməsində, burada onlar üçün vilayət yaradılmasında çox aktiv iştirak edib. Qriboyedov ermənilərin xilaskarı rolunu oynayıb və Azərbaycan torpaqlarında erməni vilayətinin yaradılmasında fəallıq göstərib. Marqarita Simonyan da deyir ki, o vaxt da erməniləri Rusiya himayə edib, indi də edir, amma ermənilər nankordur ABŞ-a, Fransaya üz tutur. Ermənilərin Azərbaycan torpaqlarında, Qərbi Azərbaycanda, İrəvanda və onun ətrafında, Naxçıvanda, Qarabağda çoxalmasında, məskunlaşmasında Çar Rusiyası və Qriboyedov əsas rol oynayıb. Ancaq Nikol Paşinyan Baş Nazir olduqdan sonra Ermənistan Qərbə doğru meyillənib. Simonyan da demək istəyir ki, məhz bunun nəticəsində 44 günlük müharibədə Ermənistan məğlub oldu. Yəni Ermənistan üzünü qərbə çevirməklə vaxtilə işğal etdiyi torpaqları itirib, Rusiyadan qopmaq istəməsəydi bunlar baş verməzdi. Bu baxımdan, Simonyan demək istəyir ki, Ermənistan üzünü yalnız Rusiyaya çevirməlidir, Rusiyaya qarşı nankorluq etməməlidir. Bir sözlə, Ermənistan Rusiyanın dediyi ilə oturub durmalıdır. Əlbəttə, müəyyən mənada Simonyan özünə görə haqlıdır. Simonyan hesab edir ki, Ermənistan Rusiyadan nə qədər uzaqlaşırsa bir o qədər də zərbə alır”.
O, qeyd etdi ki, Azərbaycan bütün həqiqətləri bilir və Çar Rusiyasının, eyni zamanda Sovet Rusiyasının erməniləri necə xilas etdiyini, onlara necə dövlət yaratdığı məlumdur. F.Ələkbərli vurğuladı ki, əlbəttə, bu təkcə Rusiyanın əli ilə olmayıb, burada Qərb dövlətləri də rol oynayıb. “Bir gerçəklik var ki, indiki Ermənistan dövlətinin yaradılmasında daha çox Çar Rusiyası və sovet Rusiyası canfəşanlıq edib. İndi də Rusiya Federasiyası Ermənistanı qoruyur.
Hər halda, Simonyan kimiləri hesab edir ki, Ermənistanın gələcəyi Qərbdən daha çox məhz Rusiya ilə bağlıdır.
Şübhəsiz, Azərbaycan da bunu dəyərləndirir.
Biz də öz işimizi bilməliyik, bizim ərazilərdə ermənilərin necə peyda olması, Rusiyanın onlara dövlət yaratması bilinir. Bir neçə gün əvvəl Xankəndidə ermənilərin toplaşması da təsadüfi deyil. Onlar ora gətirilmişdi. Məqsəd odur ki, Ermənistan yenidən üzünü Rusiyaya çevirsin.
Ermənistan üzünü Rusiyaya çevirməyəcəyi halda nəinki Qarabağdakı separatçıların, eləcə də Ermənistanın özünün də taleyi sual altına düşəcək. Paşinyan Qərblə yoluna davam edəcəksə Ermənistanda hakimiyyət dəyişikliyi baş verəcək. Simonyan da buna görə təlaşa düşüb”-deyə F.Ələkbərli vurğuladı.
İradə SARIYEVA
