“Qarşımıza iki sual qoyursan. Əvvəlcə oxudum: “Hadisələrin qiymətləndirilməsi və KTMT-nin mövqeyi”. Siz tələb etdiniz ki, biz öz mövqeyimizi qərarlaşdıraq. Siz bizim mövqeyimizi bilmirsiniz? Biz qonşu dövlətlər arasında münaqişənin sülh yolu ilə həll olunmasını istəyirik”.
Mətbuatın verdiyi xəbərə görə, bunu Belarus prezidenti Aleksandr Lukaşenko KTMT Təhlükəsizlik Şurasının növbədənkənar sessiyasında Ermənistanın baş naziri Nikol Paşinyanın Ermənistan-Azərbaycan sərhədi ilə bağlı qaldırdığı suallara münasibət bildirərkən deyib. Ermənistanın baş naziri Nikol Paşinyan həmkarlarına bir neçə sual verib: hadisələrin qiymətləndirilməsi və KTMT-nin mövqeyi, həmçinin KTMT-nin "Ermənistanın ərazi bütövlüyünün bərpası" yol xəritəsi ilə bağlı. "İkinci sual: "Mənə Ermənistanın ərazi bütövlüyünün bərpası üçün yol xəritəsi verin". Hansı yol xəritəsi? Mən sizə dərhal cavab verim: İlham Əliyevlə oturun, lazım gələrsə, Rusiya prezidentindən soruşun, qərar verin. Bu gün qəbul etməsən, daha pis olacaq, bunu özün başa düşürsən. Bu münaqişə bizə lazım deyil", – Aleksandr Lukaşenko bildirib.
“...Otur, Azərbaycanın beynəlxalq hüquqa uyğun şərtlərini qəbul et, sənin başqa çarən də yoxdur və heç kimə də güvənmə”
Məsələyə şərh verən Azərbaycan Naminə Alyans Partiyasının sədri Abutalıb Səmədov baki-xeber.com-a bildirdi ki, Paşinyan Rusiyanın Ukraynada düşdüyü çətin vəziyyətdən istifadə edib Ermənistanı KTMT-dən çıxarmaq istəyir: “Bunun üçün də ictimai rəyi hazırlayır, bəhanələr axtarır. Sonuncu bəhanə də bu oldu ki, KTMT-nin dünənki (28 oktyabr) iclasında bu təşkilat, Paşinyanın fikrincə, Ermənistana edə biləcəyi koməyi ortaya qoymalıdır, ikincisi, Ermənistanın ərazi bütövlüyünün təmin olunmasının yol xəritəsini hazırlamalıdır. Reallıqdan uzaq, icra olunması mümkün olmayan məsələdir, xüsusilə də ikinci tərəfi...Putin açıq şəkildə ona heç nə demədi. Ancaq bəzən Putinin demək istədiklərini Lukaşenko deyir. Lukaşenko ona açıq şəkildə dedi ki, bu cür ultimativ tələblər qoymaq Ermənistan üçün ağır nəticələr verər. Otur, ilk növbədə delimitasiya məsələsini yekunlaşdır ki, sərhədlər dəqiq bilinsin. Bu gün əgər sərhədlər dəqiq deyilsə, bu, Ermənistanın günahı ucbatındandır. 30 il Azərbaycan ərazisini işğal altında saxlayıb. Bu bir erməni həyasızlığıdır. Sən 30 il qonşu dövlətin torpağını tutub işğalda saxlayasan, torpaqlar geri qaytarılandan sonra da güman etdiyin sərhədi dövlət sərhədi sayasan. Lukaşenko ona açıq şəkildə dedi ki, bu cür ultimativ tələblər qoymaq Ermənistan üçün ağır nəticələr verər.
Otur və ilk növbədə delimitasiya məsələsini yekunlaşdır ki, sərhədlər dəqiq bilinsin. Bu gün sərhədlər dəqiq deyilsə, bu, Ermənistanın günahı ucbatındandır. 30 il Azərbaycan ərazisini işğal altında saxlayıb. Bu bir erməni həyasızlığıdır. Sən 30 il qonşu dövlətin torpağını tutasan, torpaqlar geri qaytarılandan sonra da özün güman etdiyin sərhədi sərhəd sayasan və bütün dünyanı Azərbaycanın üstünə qaldırasan ki, “mənim ərazimin hansısa hissəsi Azərbaycanın nəzarəti alıtındadır”. Sərhəddlər müəyyən olunmalıdır, olunmayıbsa, bu, Ermənistanın günahıdır. Lukaşenko ona açıq şəkildə dedi ki, sən KTMT-dən başqa qərar gözləmə, burda iştirak edənlərin böyük hissəsi Azərbaycanın dostlarıdır və burdan Azərbaycan əleyhinə qərar çıxmaz, ikibaşlı oynamaq sənin üçün ağır nəticələr verə bilər, bəhanələr axtarma, otur, Azərbaycanın beynəlxalq hüquqa uyğun şərtlərini qəbul et, sənin başqa çarən də yoxdur və heç kimə də güvənmə”.
A.Səmədovun fikrincə, Lukaşenko həmişə öz fikirlərini, bəzən də başqalarının fikirlərini açıq şəkildə səsləndirən bir siyasətçi olub. “Bu vəziyyətdə Paşinyan hansı addımı ata bilər? İlk növbədə Soçi danışıqlarının nəticələrini gözləmək lazımdır. Putinin “Valday” forumunda verdiyi son dərəcə yanlış və təxribat xarakterli bəyanatdan sonra, təbiidir ki, Soçidən hansısa nəticə gözləmək çox çətindir. Ancaq yenə də müəyyən ümidlər var ki, Soçidə Azərbaycanı qane edən hansısa layihə ortaya qoyula bilər, əks halda həmin görüş nəticəsiz başa çatacaq. Çox qəribədir ki, Paşinyan bu dəfə Rusiyanın təklif etdiyi şərtləri qəbul etmək istəyir. Ancaq bir qorxusu da var. Paşinyan Rusiyanın verdiyi təkliflərdən keçən müddət ərzində bu ölkənin fikrindən daşınacağından qorxur. Deyir ki, təkliflərinizin arxasında durun. Görünür, onu qane edir. Təbii, onu qane edən variant çox güman ki, Azərbaycanı qane etməyəcək və bu görüş nəticəsiz başa çatacaq”.
A.Səmədov qeyd etdi ki, bütövlükdə hər şey aydındır: sülh sazişi necə olmalıdır, delimitasiya müqaviləsi necə imzalanmalıdır, hamı bunu başa düşür, bir Paşinyan hələlik başa düşməkdə çətinlik çəkir, yaxud başa düşür, lakin erməni xalqının onu başa düşməyəcəyindən narahatdır. A.Səmədovun qənaətinə görə, qarşıda bizi çox maraqlı və ciddi hadisələr gözləyir. Partiya sədri ümid edir ki, bu hadisələr Azərbaycanın istəyinə uyğun nəticələnəcək.
İradə SARIYEVA
