Rusiya xarici işlər naziri Sergey Lavrov və Ermənistan xarici işlər naziri Ararat Mirzoyan arasında telefon danışığı olub. Bu barədə məlumatı Rusiya Xarici İşlər Nazirliyi (XİN) məlumat yayıb.
Tərəflər Kollektiv Təhlükəsizlik Müqaviləsi Təşkilatının Kollektiv Təhlükəsizlik Şurasının növbədənkənar iclasına hazırlıqları telefon danışığı zamanı müzakirə ediblər. Danışıq zamanı həmçinin iki ölkə arasında əlaqələrin daha yüksək səviyyəyə çatdırılması məsələləri müzakirə edilib.
Həmçinin o da qeyd olunub ki, iclas bu ilin oktyabrın 28-də keçiriləcək. İclas çərçivəsində Ermənistan-Azərbaycan sərhədində baş vermiş son hadisələrlə əlaqədar olaraq Ermənistana 15 sentyabr tarixində göndərilən KTMT missiyasının gördüyü işlərin nəticələri müzakirə olunacaq.
Xatırladaq ki, Ermənistanın Baş naziri Nikol Paşinyan KTMT-nin Kollektiv Təhlükəsizlik Şurasının növbədənkənar iclaslarına təşəbbüsün rəsmi İrəvan tərəfindən verildiyini deyib.
Ararat Mirzoyan erməni mediasına açıqlamasında bildirib ki, onlar KTMT-nin köməyi ilə Azərbaycanı Ermənistan ərazisində “tutduğu mövqelərdən” çıxarılmasına nail olmağa çalışacaqlar.
Göründüyü kimi, Ermənistan növbəti də KTMT ilə Azərbaycanı qarşı-qarşıya qoymağa çalışır. Buna nail ola biləcəklərmi?
Hərbi-siyasi ekspert Emin Həsənli “Bakı-Xəbər”ə açıqlamasında bildirdi ki, Erməni süni yaradılmış bir ölkədir: “Tarixin müxtəlif anlarından böyük dövlətlər öz maraqları üçün onlardan istifadə edib. Son dövrlər isə İran bunu məharətlə həyata keçirir. Tehran istəmir ki, qüdrətli Azərbaycan olsun. Belə olan təqdirdə Cənubdakı söydaşlarımız bizimlə bütövləşməyə can atacaqlar. Fransa istəyir ki, onların vasitəsilə Türkiyəyə və Azərbaycana təzyiq etsin. Çar Rusiyasi ilə daşnaqlar, sonra bolşeviklərlə ermənilər birgə hərəkət ediblər. Sistemlər, quruluşlar dəyişsə də, müttəfiqlər dəyişmir. 1988-ci ildən bəri də Qarabağ problemi ortaya atılıb. İstəmədilər ki, o öz həllini tapsın. Bir vaxt Ermənistan parlamentində güllə -baran yaratdılar. İmkan vermədilər ki, həmin vaxt əldə olunan razılaşmalar öz həllini tapsın. Hər zaman müxtəlif təxribatlar tödəlidi ki, bu münaqişə öz həllini tapmasın. İndi də sülh sazişinin imzalanmasına mane olurlar. Sentyabr ayında Ermənistan sərhəddə təxribat törədəndə KTMT deyirdi ki, sərhədlər hələ müəyyənləşməyib. Bu yanaşma daha doğru idi. Çünki iki ölkə arasında olan sərhədlər hələ müəyyənləşməyib. KTMT-nin başında duran Rusiya ilə biz müttəfiqlik sazişi imzalamışıq. Qazaxıstan və Belarusla çox yaxşı ikitərəfli əlaqələrimiz mövcuddur. KTMT adından hansısa qərəzli qərar gözləmirik. Lavrov bilmir ki, bütün o torpaqlar Azərbaycan ərazisidir? Yaşı məlumatlıdırlar ki, Ermənistan 1918-ci ildə öz müstəqilliyini edəndə onların ərazisi 9 min kvadrat kilometr olub? Dünya artıq həmin dünya deyil. Azərbaycanın Türkiyə kimi müttəfiqi, Pakistan, İsrail kimi dostları var. Belə vasitələrlə bizə təzyiq etmək olmaz. Ermənistan bu dəfə sülh sazişini imzalamasa, özünün taleyini sual altına qoymuş olacaq. Ya Qazaxdan Naxçıvana qədər bufer zonası yaradılmalıdır, necə ki, Türkiyə bunu Suriyada yaradıb. Ya da ki, ermənilər öz gəldikləri yerə köçməlidir. Fransanın, Rusiyanın böyük ərasizi var, aparıb orada onlara dövlöt qursunlar, muxtariyyət versinlər. KTMT nə hüquqi, nə də qeyri səbəblərə görə bu prosesə qoşula bilməz. Çünki sərhədlər dəqiq müəyyənləşməyib, bunu da istəməyən məhz Ermənistandır”.
Məhəmmədəli QƏRİBLİ
