İtaliyanın aparıcı kütləvi informasiya vasitələrindən olan Askanews xəbər agentliyi Məmməd Əhmədzadənin Azərbaycan Respublikasının İtaliya Respublikasında fövqəladə və səlahiyyətli səfiri vəzifəsində fəaliyyətini başa vurması münasibətilə həmin mətbuat orqanına verdiyi müsahibə əsasında videoreportaj hazırlayıb.
Müsahibədə M.Əhmədzadə son illərdə Azərbaycan və İtaliya arasında münasibətlərdə baş vermiş mühüm hadisələr barədə danışıb, bu xüsusda Azərbaycan Respublikasının Prezidenti cənab İlham Əliyevin İtaliyaya dövlət və işgüzar səfərlərinin, İtaliya Respublikasının Prezidenti cənab Sercio Mattarellanın Azərbaycana dövlət səfərinin həyata keçirildiyini, iki ölkə arasında münasibətlərin strateji tərəfdaşlıq xarakteri daşıdığını təsdiq edən Çoxölçülü strateji tərəfdaşlığın gücləndirilməsinə dair Birgə Bəyannamənin imzalandığını bildirib.
Vətən müharibəsi dövründə İtaliyanın Azərbaycana göstərdiyi həmrəylik, o cümlədən müharibədən dərhal sonra Avropadan ilk olaraq İtaliyanın hökumət və parlament nümayəndə heyətlərinin ölkəmizə səfərlərinin Azərbaycan xalqı tərəfindən yüksək qiymətləndirildiyini vurğulayıb.
İki ölkə arasında iqtisadi əməkdaşlığın daha da dərinləşdiyindən danışan diplomat, TAP qaz boru kəmərinin fəaliyyətə başladığını, son illərdə ölkəmizin İtaliyanın ən böyük xam neft təchizatçısı və aparıcı təbii qaz təchizatçısına çevrildiyini, çoxsaylı italyan şirkətlərinin Azərbaycanda mühüm layihələrə cəlb olunduğunu, ticarət dövriyyəsində rekord nəticələrin əldə edildiyini bildirib.
M.Əhmədzadə iki ölkə arasında mədəniyyət əlaqələrinin, xalqlararası təmasların daha da güclənməsində Azərbaycan Respublikasının Birinci vitse-prezidenti xanım Mehriban Əliyevanın rəhbərliyi ilə Heydər Əliyev Fondunun töhfələrindən danışıb, Romada Azərbaycan Mədəniyyət Mərkəzinin, Bakıda isə İtaliya-Azərbaycan Universitetinin yaradılmasının iki ölkə arasında humanitar əlaqələrin daha da genişləndirilməsində mühüm hadisələr olduğunu bildirib.
Videoreportajda Azərbaycan Respublikasının Prezidenti cənab İlham Əliyevin İtaliyaya sonuncu işgüzar səfəri vaxtı keçirdiyi görüşlər və iştirak etdiyi tədbirlər, o cümlədən Roma şəhərində Azərbaycan Respublikasının Səfirliyinin yeni binasının açılışı mərasimi barədə videokadrlar nümayiş etdirilib.
Askanews xəbər agentliyinin hazırladığı videoreportaj İtaliyanın bir sıra digər mətbuat orqanları, o cümlədən il Sole 24 Ore, Libero Quotidiano, Notizie Yahoo, Quotidiano Nazionale, Tiscali Notizie, Tiscali TV, Dailymotion, Timgate, MSN, Notizie.it, Vistosulweb, Il Giornale d’Italia və sair tərəfindən də yayılıb.
Videoreportaja aşağıdakı keçidlər vasitəsilə baxmaq mümkündür:
https://www.askanews.it/video/2022/10/18/fine-mandato-ambasciatore-azerbaigianpartenariato-forte-con-roma-20221006_video_18011951/
https://stream24.ilsole24ore.com/video/mondo/fine-mandato-ambasciatore-azerbaigianpartenariato-forte-roma/AE5I2Z9B
https://tv.tiscali.it/esteri/fine-mandato-ambasciatore-azerbaigian-partenariato-forte-con-roma/634e9236943fe955826d0af2/
https://notizie.tiscali.it/cronaca/articoli/fine-mandato-ambasciatore-azerbaigian-partenariato-forte-roma-00001/
https://it.notizie.yahoo.com/fine-mandato-ambasciatore-azerbaigian-partenariato-113005001.html?guccounter=1
https://www.quotidiano.net/esteri/video/fine-mandato-ambasciatore-azerbaigian-partenariato-forte-con-roma-1.8193002
https://www.notizie.it/fine-mandato-ambasciatore-azerbaigianpartenariato-forte-con-roma/
https://www.dailymotion.com/video/x8eo6vq
https://timgate.it/video/topvideo/fine-mandato-ambasciatore-azerbaigian-partenariato-forte-con-roma.vum
https://www.msn.com/it-it/money/video/fine-mandato-ambasciatore-azerbaigianpartenariato-forte-con-roma/vi-AA135SPR
https://www.msn.com/it-it/money/video/fine-mandato-ambasciatore-azerbaigianpartenariato-forte-con-roma/vi-AA13605X
https://www.ilgiornaleditalia.it/video/video/416149/fine-mandato-ambasciatore-azerbaigian-partenariato-forte-con-roma.html
https://www.libero.it/tv/fine-mandato-ambasciatore-azerbaigianpartenariato-forte-con-roma_bc6313934595112
https://www.vistosulweb.com/fine-mandato-ambasciatore-azerbaigianpartenariato-forte-con-roma/
