Ermənilər hazırda yaşdıqları Azərbaycan ərazilərində mütəmadi olaraq təxribatlar törədirlər. Yanğın törətmək, özünə aid olmayanı məhv etmək, qırıb-dağıtmaq bu toplumun xarakterinə uyğundur. Son yayılan məlumatlara görə, ermənilər indi də Xocalı rayonunun Naxçıvanlı kəndinin ərazisinə od vurublar.
Ermənilərin törətdiyi ekoloji terror Rusiya sülhməramlılarının nəzarətində olan ərazidə baş verib. Amma onlara “gözün üstə qaşın var” deyən olmayıb. Erməni separtçıları yanğınlar törədir və bununla da bu ərazilərin onlara aid olmadığını bir daha sübut edirlər.
Ermənilər Xocalının Naxçıvanlı kəndini niyə yandırıblar? Ola bilərmi ki, Xocalını da qaytarmağa məhkum olduqlarını bildiklərindən belə vəhşiliklər törətsinlər?
“Necə ki, gedərkən Kəlbəcərin, Laçının kəndlərini yandırırdılar, indi də bu cinayəti Xocalıda təkrar edirlər”
Müstəqil.az saytının baş redaktoru Faiq Balabəyli “Bakı-Xəbər”ə şərhində bildirdi ki, tarixən erməni xisləti özünü göstərib və göstərməkdədir. F.Balabəyli qeyd etdi ki, ermənilər dünyanın istənilən yerində əldə etmək istədiklərini, öz adlarına çıxmağa cəhd göstərdiklərini əldə edə bilməyəndə bu cür vandalizm aktları törədirlər. Baş redaktorun sözlərinə görə, Xocalıda yanğın törətməklə ermənilər çox böyük bir həqiqəti etiraf edirlər ki, o torpaqlar onlara aid deyil, onlara aid olsaydı, belə vandalcasına davranmazdılar. “İçi kirli, kinli-hikkəli insan biləndə ki, bu kənd, bu torpaq, bu ev, bu əmlak ona məxsus deyil, heç zaman o şeylərə doğma yanaşa bilmir, onda bu cür xainlik edir. Xocalı rayonun Naxçıvanlı kəndində ermənilərin törətdiyi yanğın cinayətini də bununla müqayisə etmək olar. Ermənilər yaxşı dərk edirlər ki, nə Xocalı, nə də Qarabağın digər əraziləri onlara aiddir və gec-tez bu ərazilərdə Azərbaycan qanunları hökm sürəcək, onlar da dövlətimizin qanunlarına tabe olmasalar çıxıb getməyə məhkumdurlar. Bu yerlər, kəndlər onlara aid deyil və bu səbəbdən də “öz sahibinə də qismət olmasın” yanaşması ilə ermənilər Naxçıvanlını yandırıblar. Onlar bilirlər ki, gec-tez Xocalını da geri qaytarmağa məcburdurlar. Bu səbəbdən də vandalizm aktları törədirlər ki, bizə ziyan vursunlar. Canlı həşarat sürüsü olan ermənilər zaman-zaman belə ediblər. Onlar həmişə bizə aid olan nə varsa hamısına kəc baxıblar”.
F.Balabəyli qeyd etdi ki, ölkə başçısının yeritdiyi siyasət, ordumuzun əzmkar davranışları, Ermənistanın hər təxribatına əks-hücum əməliyyatı ilə layiqli cavab verməsi, son sərhəd təxribatı zamanı ordumuzun əlverişli yerlərdə dayanması, hər an üstünlüyünü göstərməsi, strateji yüksəkliklərə sahib olması onları çox narahat edir, həm də təşvişə salır. F.Balabəyli hesab edir ki, bu gün Zəngəzur, Göyçə, İrəvan və digər tarixi ərazilərimizin söhbətinin aktuallaşması da onları ciddi narahat edir. Ekspert qeyd edir ki, bu ərazilərin heç biri tarixən ermənilərə aid olmayıb və onların ermənilərə nə zaman, hansı şərtlərlə verildiyi məlumdur, bu ərazilər ermənilərə böyük dövlətlərin və SSRİ-nin təzyiqi ilə verilib. “Ermənilər yaxşı dərk edir ki, ordumuz hazırda rus sülhməramlılarının müvəqqəti nəzarətində olan ərazilərimizi qaytaracaq. Bilirlər ki, Xocalı şəhəri də, onun kəndləri də Azərbaycan bayrağının kölgəsi altında olacaq, orada bayrağımız dalğalanacaq. Ona görə də, necə ki, gedərkən Kəlbəcərin, Laçının kəndlərini yandırırdılar, indi də bu cinayəti Xocalıda təkrar edirlər. Ermənilər yaxşı bilsinlər ki, biz şəhidlərimizin müqəddəs qanı tökülən Xocalının onların tapdağı altında qalması faktı ilə barışmırıq. Xocalı bizim üçün bir şərəf məsələsidir ki, o mütləq ordumuz tərəfindən geri alınmalıdır”-deyə F.Balabəyli vurğuladı.
Ermənistanın hər gün atəşkəsi pozduğunu deyən F.Balabəylinin sözlərinə görə, terrorçu ölkənin sərhəd boyu həyata keçirdiyi təxribatların ardınca Naxçıvanlıda baş verənlər bir daha onu göstərir ki, ermənilər heç zaman revanşizmdən əl çəkməyəcək.
İradə SARIYEVA
