Makronun İŞİD-ə 16 milyon dollarlıq gizli yardım əməliyyatı deşifrə edildi

img

“TRT World” Fransa xüsusi xidmət orqanlarının İŞİD və PKK ilə gizli əlaqələrini ifşa edən “Zavod: Gizli Fransız Əməliyyatı” adlı sənədli film yayımlayıb.

Sənədli filmdə təkzibedilməz faktlarla, yarım milyona yaxın sənəd üzərində 2 il boyu aparılan dərin araşdırma nəticəsində üzə çıxarılır ki, Fransanın nəhəng “Lafarge” sement şirkəti Fransa kəşfiyyatının İŞİD və digər terror təşkilatlarını maliyyələşdirməkdə əsas aləti və örtüyü olub.

“Lafarge” 2010-cu ildə Suriya bazarına daxil olub, Türkiyə və Suriyanı İraqla birləşdirən nəqliyyat yolunun üzərində zavod inşa edib, hərbi əməliyyatlar səbəbindən Suriyadan bütün şirkətlər qaçdığı halda, Fransanın təkidi ilə şirkət Suriyada qalmağa məcbur edilib və qaçırılan işçilərini geri almaq və fəaliyyətini təhlükəsiz davam etdirə bilmək üçün İŞİD, PKK terror təşkilatlarını maliyyələşdirib.

Fransada aparılan təhqiqata görə, şirkət vasitəsilə terror təşkilatlarına 16 milyon dollara yaxın maliyyə ötürülməsinə dair sübutlar tapılıb, lakin TRT-nin araşdırması bu rəqəmin daha yüksək olduğunu və bundan Fransa rəhbərliyinin xəbərdar olduğunu üzə çıxarır.

Bütün bunlar Fransanın indiki prezidenti Emmanuel Makronun Fransanın xaricdəki sərmayələrinə məsul olan iqtisadiyyat naziri olduğu dövrdə baş verib.

Azərbaycan ictimaiyyəti bu sənədli filmdə əksini tapan məqamları təəccüblə qarşılamayıb. Çünki Vətən müharibəsi dövründə Fransanın Azərbaycanın yaşayış məntəqələrini, dinc insanları atəşə tutan, terror aktları törədən Ermənistanı açıq şəkildə himayə etməsi, ona humanitar yardım adı altında təyyarələrlə silah-sursat daşıması, terrorçuluğu maliyyələşdirməsi ortada idi.

Fransanın Vətən müharibəsi dövründə suriyalı döyüşçüləri, terrorçu dəstələri Azərbaycana qarşı istifadə etməsinə dair də geniş informasiyalar var. Buna baxmayaraq, Fransa Azərbaycana böhtan ataraq, guya suriyalı terrorçuların Azərbaycan tərəfindən döyüşməsi barədə dezinformasiyalar tirajlayırdı. Azərbaycan dövlətinin bu iddialara sübut tələblərinə qarşı Fransa nə müharibə dövründə, nə də sonra bir fakt belə ortaya qoya bilməyək rüsvay oldu.

  • Mehman İsmayılov: “Fransa XIX və XX əsrlərdəki bəşəri cinayətlərini bu gün də davam etdirir”

Politoloq Mehman İsmayılov bununla bağlı bildirdi ki, Türk kəşfiyyatının ortaya çıxardığı həqiqətlər Fransanın, şəxsən Makronun bəşəriyyətə qarşı cinayətlərinin ifadəsidir. Faktlar göstərir ki, Fransa XIX və XX əsrlərdə Əlcəzair və digər Afrika - ərəb xalqlarına qarşı cinayətlərini bu gün başqa müstəvidə davam etdirir.

  • Aydın Quliyev: “Makron da daxil, üç Fransa prezidentinin yolu bəşəri və hərbi cinayətlərdən keçib”

“Baki-Xəbər” qəzetinin baş redaktoru Aydın Quliyev əlavə etdi ki, faktlara görə, Fransa prezidentlərinin dalbadal əl izləri bəşəri cinayətlərdən çıxır:  “Fransa prezidentlərinin nazir postu və digər postlardan prezidentliyə qədər müxtəlif bəşəri və müharibə cinayətlərindən keçdiklərini görürük. 1955-60-cı illərdə 3 milyona qədər əlcəzairlinin genosid edilməsi sonradan Fransanın prezidenti olmuş o zamanki ədliyyə naziri F.Mitteranın əsaslandırması ilə olmadımı? Mitteran Əlcəzair ərəblərini genosid edərək nazirdən prezident oldu, Sarkozi Liviya ərəblərini Qəddafinin “ət maşınına” verə-verə nazirdən prezident oldu, Makron isə Suriya xalqını İŞİD-ə qırdırmaqla nazirlikdən prezident postuna gəlib çıxıb”.

İradə SARIYEVA

Son xəbərlər