Azərbaycan Silahlı Qüvvələrinin həyata keçirdiyi hərbi əməliyyatlar nəticəsində 9 oktyabr 2020-ci ildə işğaldan azad edilən Hadrut (Ağoğlan) ermənilərin yuxusunu ərşə çəkib, ağıllarını çaşdırıb. Odur ki, hər imkan düşdükcə Hadrutla bağlı yeni iddialar ortaya atırlar. Hər şeydən əlləri üzülən ermənilər, xüsusən də erməni mediası əsassız olaraq iddia edir ki, guya “azərbaycanlılar Hadrut rayonunun Sqnah və Xintaxer kəndlərində qəbiristanlıqları dağıdıblar”. Bu boyda yalan olar? Guya ki, sosial şəbəkə istifadəçiləri “dağıdılan qəbiristanlıqların” peyk görüntülərini yayıb və buna da Ermənistanın Yunanıstandakı səfiri “dərhal reaksiya” verib. Hətta bəzi cəfəngiyyatlara görə, bu barədə Ermənistanın Yunanıstandakı səfiri Tiqran Mkrtçyan məlumat verib. Mkrtçyan sosial şəbəkələrdə yazıb ki, guya Azərbaycan Qarabağda “erməni qəbiristanlıqlarını və abidələrini dağıdır və erməni tarixinin hər bir izini silməyə çalışır”. Bu toplum dünyanın harasında varsa orada özləri boyda yalan və saxtakarlıq yaradırlar. Mkrtçyanın Yunanıstanda oturub Hadrutdan necə xəbər verməsinin özü gülməli vəziyyət yaradır. Bəlkə elə ermənilər özləri Mkrtçyana desinlər ki, get öz işinlə məşğul ol, sənin bu açıqlaman ermənilərin əməllərini ifşa edir, ermənilər Azərbaycanın abidələrini, məzarlıqlarını dağıdıb, sümükləri belə daşıyıb aparıblar. Bütün dünya bilir ki, Azərbaycan indiyə qədər qəbiristanliq dağıtmayıb. Başqa bir tərəfdən də ermənilərin Hadrutda qədim qəbiristanlığı olmayıb ki, yaxa-başlarını cırırlar.
“Mkrtçyanın Azərbaycana qarşı açıq təxribatla məşğul olduğu göz qabağındadır, qəbiristanlıq şousunun da ssenari müəlliflərindən biri olduğu istisna deyil”
Yeni erməni iddialarını şərh edən AMEA-nın A.Bakıxanov adına Tarix İnstitutunun əməkdaşı Faiq İsmayılov baki-xeber.com-a bildirdi ki, 44 günlük müharibədə Azərbaycanın qazandığı qələbədən sonra ermənilər Hadruta qayıtmağa çox ciddi cəhdlər göstərirlər. “Ermənilərin Hadrut rayonu dediyi Xocavənd rayonu ərazisində Tağlar kəndində və bizim digər yaşayış məskənlərimizdə onların heç bir abidəsi olmayıb. Onlar “erməni qəbiristanlıqlarının və abidələrinin dağıdılması” barədə uydurma videolar hazırlayıb yaymaqla və adını da “sputnikdən çəkiliş” qoymaqla o ərazilərin “onlara aid olduğunu” və ora qayıtmaq istədiklərini ortaya qoymaq istəyirlər. Məqsədləri, hansı yolla olur olsun, Hadruta qayıtmaqdır, ona görə də belə saxta videoları sosial şəbəkələrdə yayırlar. Ermənilərin qurduğu qəbiristanlıq və abidə oyunu əslində onların öz ziyanlarına işləyir. Ermənilərin bizə qarşı iddiaları, bizdən “vandal, barbar” obrazı yaratmaq cəhdləri özlərini ifşa ilə nəticələnir. Hadruta qayıtmaq üçün hər cür təxribata əl atırlar. Maraqlıdır, azərbaycanlıları “barbarlıqda” ittiham edən ermənilərin yaydığı kadrlarda xaç nişanlı qəbir daşları ayaq üstündə qalıb. Əgər orada dağıntı olsaydı, o zaman oradakı xaç nişanlı daşlar qalmamalı idi. Bizim əsgərlərimiz, guya ki, onları dağıdıb, dağıtsaydılar gərək orada xaç daşları da qalmaya idi. Ermənilər torpaq topasını qəbirin dağıdılması kimi təqdim edirlər. Yəni o qəbrin qazılmasının nə əhəmiyyəti varmış ki? Digər tərəfdən, ermənilərin yaydığı kadrlardakı qəbiristanlıqların Hadrut ərazisində olması da sual doğurur. Ona görə ki, sosial şəbəkələrdə sputnikdən istifadə mümkün deyil”.
O qeyd etdi ki, sputnikdən çəkilən görüntlər 50 metrdən aşğını göstərir, ərazilərə də 50 metr uzaqlıqdan baxmaq mümkündür. Ermənilərin yaydıqlarının əllə çəkilən saxta bir şəkil olduğunu deyən F.İsmayılovun sözlərinə görə, ermənilər özlərində cürət tapıb öz etdiklərini bizim adımıza da yazmağa çalışırlar. “Bu baxımdan, bunun heç bir hüquqi əsası yoxdur, bu da o deməkdir ki, bu hər hansısa bir fakta söykənmir. Orada heç bir fakt yoxdur”.
Ermənistanın Yunanıstandakı səfiri Tiqran Mkrtçyanın yuyulmamış çömçə kimi özünü ortaya atmasına gəlincə, F.İsmayılov qeyd etdi ki, saxtakarlıq kampaniyasının və yeni erməni şousunun başında bu cür üzdəniraq diplomatların dayanması yeni hal deyil. “Ermənistanın Yunanıstandakı səfirinin məqsədi aydındır. Mkrtıçyanın Azərbaycana qarşı açıq təxribatla məşğul olduğu göz qabağındadır, qəbiristanlıq şousunun da ssenari müəlliflərindən biri olduğu istisna deyil. Bu saat erməni diplomatlar çalışırlar ki, Azərbaycanı daha çox qara rəngdə təqdim etdinlər. Amma heç nəyə nail ola bilməyəcəklər”- deyə F.İsmayılov qeyd etdi.
İradə SARIYEVA
