“Azərbaycan əsgərləri İrəvanın Teatr meydanında”? - Ermənilərin sərhəd qorxusunun səbəbi bu imiş...

Afsəddin Nəbiyev: “Ermənilər nə qədər məkrli olsalar da, qorxaq millətdilər”

img

Erməni sosial şəbəkələrində günlərdir Azərbaycanın guya Ermənistanın torpaqlarını “işğal etməsi” müzakirə olunur.

Sərhəddəki son hadisələrdən ermənilər elə təşvişə düşüb ki, sərhədlər müəyyən olunmadığı halda Azərbaycanın istənilən ərazini tuta biləcəyini bəyan edirlər: “Sərhəd ordunun hərəkət edib irəlilədiyi yerdir. Əgər Azərbaycan iki gün öncə irəliləyib hansısa ərazini ələ keçiribsə, deməli, ora Azərbaycanın ərazisidir. Sabah Azərbaycan ordusu lap bütün bu hadisələrin 1988-ci ildə başladığı İrəvanın Teatr meydanına qədər gedə bilər. Onda İrəvan Azərbaycan ərazisi olacaq. Çünki sərhədlər hələ müəyyənləşməyib”.

O da məlumdur ki, sərhədləri müəyyən olunmayan ərazilər “boz ərazilər” adlandırılır. Ermənilər Azərbaycanın ərazi bütövlüyünü tanımaqdan və Ermənistanla Azərbaycan arasında sərhədin demarkasiyası və delimitasiyasından imtina edirlərsə, deməli, sərhəd yoxdur. Ona görə də KTMT haranın Ermənistan ərazisi olub-olmadığını müəyyən edə bilməyəcək və müəyyən edə bilmirsə, o zaman müdaxilə də etmək mümkün olmayacaq.

Maraqlıdır, bəs ekspertlər ermənilərin bu təşvişini necə dəyərləndirir?

  • “Sərhəddə yaşananlarla əlaqədar belə şüvən salmaları məhz qorxaqlıqdan irəli gəlir”

Məsələyə münasibət bildirən AMİP-in sədr müavini Afsəddin Nəbiyevin fikrincə, sərhəddəki son hadisələr onu göstərdi ki, erməni tərəfi mövcud reallıqları qəbul etmək əvəzinə, gərginləşən vəziyyəti münaqişə halında davam etdirməklə vaxt qazanmağa çalışır: “Bu prosesi, təbii ki, Ermənistan özü etmir. Sərhəddə baş vermiş hadisələrə qısa nəzər yetirsək görürük ki, Rusiya münaqişənin dərinləşməsində maraqlı tərəf kimi özünü göstərir. Bu o zaman baş verdi ki, Türk Dövlətləri Təşkilatı Türkiyədə İstanbul Zirvə toplantısında elan olundu. Az keçməmiş, erməni terrorçu Mirzoyanın əsgərlərimizə qumbara atması, ardınca "sülhməramlı" adlanan hərbi birliyin rəhbərliyinin bu terrorçunu Azərbaycana deyil Ermənistana təhvil verməsi açıq şəkildə siyasi mənzərəni otraya qoymuş oldu. Axı son aylarda istər Ermənistan tərəfi, istərsə də Azərbaycan bölgədə sülhün və təhlükəsizliyin təmin olunması üçün müsbət mesajlar verirdi. Birdən-birə nə baş verdi? Onsuz da sərhədlərin delimitasiya və demarkasiya prosesi başlandığı halda Ermənistanla Azərbaycan arasında bu problem tədricən aradan qalxacaqdı. Azərbaycan dövləti dəfələrlə bəyan edib ki, bizim heç bir dövlətin torpaqlarına ərazi iddiamız yoxdur. Bunu Ermənistanın rəhbərliyi də yaxşı bilir. Ermənistan sadəcə Rusiyadan elə bir vəziyyətdə asılıdır ki, bu asılılıqdan qurtulmaq indiki dövrdə çox çətindir. O ki qaldı Azərbaycan Ordusunun qarşıya qoyulan istənilən tapşırığı yerinə yetirməsinə, buna heç birimizin şübhəsi yoxdur. 44 günlük müharibədə Azərbaycan Ordusu öz gücünü nəinki Ermənistan ordusuna, eləcə də bütün dünyaya nümayiş etdirdi. Bu gün Ermənistan bütün vasitələrlə çalışmalıdır ki, Rusiyanı bu bölgədə neytrallaşdırıb Azərbaycanla sülhü imzalamağa nail olsun. Əks halda ermənilər də yaxşı bilir ki, onların dövlətçiliyi sual altındadı. Ermənilər nə qədər məkrli olsalar da, qorxaq millətdilər. Sərhəddə yaşananlarla əlaqədar belə şüvən salmaları məhz qorxaqlıqdan irəli gəlir”.

Sədr müavini onu da qeyd etdi ki, ermənilər nə qədər çalışsalar da yeni reallıqları dəyişə bilməyəcəklər.

Vidadi ORDAHALLI

Son xəbərlər