“Biz artıq informasiya hücumuna keçmişik deyə ermənilərdən bu cür kəskin reaksiya gəlir”
Tanınmış politoloq Mehman İsmayılovun təqdimatında “Bakı-Xəbər” TV-nin efirində yayımlanan “Çoxluqdan 1-liyə” verilişinin rus dilində buraxılışı yalnız Azərbaycanda deyil, Rusiyada, Ermənistanda və başqa ölkələrdə də yaxından izlənilir.
M.İsmayılovun Ermənistanın məkrli siyasətini, işğalçılığını, terrorçuluğunu ifşa etməsi, ermənilərin ikiüzlü, ziyankar, başqa xalqlara qarşı daim təcavüzkar niyyətində olan bir toplum olaraq təqdim edilməsi erməniləri kəskin şəkildə qıcıqlandırır. Hətta M.İsmayılova müxtəlif təhdidlər, hədələr də ünvanlanır.
Politoloqun özünün məsələyə manasibətini öyrənmək üçün onunla söhbətləşdik:
- Mehman müəllim, “Bakı-Xəbər” TV-nin efirində Sizin müəllifliyinizlə yayımlanan “Çoxluqdan 1-liyə” proqramı tez bir zamanda nəinki Azərbaycanda, eləcə də keçmiş ittifaq məkanında böyük effekt yaratdı, özünə böyük tamaşaçı auditoriyası qazandı. Hər kəsin Azərbaycan dilində proqramlar hazırladığı bir zamanda necə oldu ki, “Bakı-Xəbər” TV rus dilində proqram təqdim etməyə maraq göstərdi?
- Biz həmişə çalışmışıq ki, həqiqətləri dünya anlasın. Təkcə Azərbaycan auditoriyası deyil, bütün əski Sovetlər Birliyi cumhuriyyətləri bilsinlər ki, erməni əslində nə ilə nəfəs alır, türk xalqlarının, yəhudi, gürcü xalqının başına hansı müsibətləri gətiriblər. Bilirsiniz ki, əski Sovetlər Birliyi ərazisində hər kəs rus dilini bilir və başa düşür. Bu gün də Rusiyanın ərazisində yaşayan ermənilərin hər gün bizə qarşı dezinformasiya sistemini işlətməsinin şahidi oluruq. Bütün Rusiya dövlət televizya kanallarında bizə qarşı aparılan erməni siyasəti, erməni propoqandası məcbur edir ki, biz onlara cavab verək.
- İnformasiya savaşı davam edir və ermənilər bizə qarşı daha çox böyük təxribat kampaniyaları aparır. Təbii ki, bunun da arxasında erməni lobbisi dayanır...Biz bu cür verilişlərlə informasiya müharibəsində hansısa nailiyyət əldə edə bilərik?
- Əgər istiqamətimizi doğru seçə bilsək, əlbəttə, nailiyyət əldə edəcəyik. Ermənilərin arxasında təkcə erməni lobbisi yox, dünyanı idarə edən böyük güclər dayanır. ABŞ, Fransa, Rusiya Federasiyası dayanır, Yunanıstan, müsəlman dünyasının bir neçə ölkəsi dünya erməniliyini müdafiə edir. İngiltərə bu məsələlərdə bizi müdafiə etdi, amma XIX, XX əsrlərdə ingilislər də onların tərəfində idi... Bu ölkələrin məqsədi erməniləri müdafiə etmək deyil, məqsəd ermənilərdən alət kimi istifadə edib dünya türklüyünə və islama qarşı mübarizə aparmaqdır.
- Ermənilər onsuz da müxtəlif dövlətlərin əlində bir alətdir ki, hər zaman istifadə olunur...
- Təbii ki, ermənilər beynəlxalq bir alətdir və bu alətdən bütün böyük güclər vaxtilə Osmanlı Türkiyəsinə, indi isə Azərbaycana və Türkiyəyə qarşı istifadə edirlər. Erməni bir çirkin alət kimi istifadə edilir. Onların arxasında, təbii, erməni lobbisi dayanır, erməni lobbisinin özündən isə ərazisində yerləşdiyi hökümətlər, dövlətlər bizə qarşı istifadə edirlər. Ermənilərin apardığı bütün çirkli, saxta siyasətin, qara piarın arxasında Qriqorian kilsəsi dayanır. İndi biz onlara hər dildə cavab verməliyik. Bizim televiziya proqramları onların layiqli cavabını verir. Biz planlaşdırırıq ki, ingilis dilində filmlər çəkək və bunları tamaşaçılarımıza təqdim edək. Bu həqiqətləri daha böyük auditoriya bilsin. Çünki bizə tariximizi öyrənməyə imkan verməyiblər. Ermənilərin bizim başımıza açdığı müsibətlərin 90 faizindən Azərbaycan gəncliyinin xəbəri yoxdur. Bütün bunları çatdırmalıyıq cəmiyyət anlasın ki, bizim düşmənimiz nə qədər nadürüst, nə qədər qəddar və məkrlidir.
- Bu veriliş çox qısa bir zamanda ermənilərin daxilinə nüfuz etdi. Onlar öz etirazlarını müxtəlif formalarda bildirirlər, hətta Sizə zəng edənlər, Sizi təhdid və təhqir edənlər də az olmur. Necə oldu ki, bu verilişlər birbaşa hədəfə dəydi və bundan ermənilər çox möhkəm qıcıqlandılar?
- Təbii ki, biz erməniləri yaxşı tanıyırıq. Ermənilərin hansı sinir ucları, sinir nöqtələri varsa biz onlara qarşı apardığımız informasiya müharibəsində məhz həmin o sinir nöqtələrinə toxunuruq. O səbəbdən də ermənilər bizə çox kəskin reaksiya verirlər, mənə qarşı hədələr, təhqirlər ünvanlayırlar. Qorxutma, təhdid etmə kimi hərəkətlər ermənilərin xislətidir. Bizi Azərbaycan dövlətçiliyini, Azərbaycanı qorumaq, müdafiə etmək yolunda Allahdan başqa heç bir qüvvə dayandıra bilməz, dayandırmamalıdır da. Çünki biz Xocalı soyqırımını yaşadıq, Zəngəzur dəhşətlərini yaşamışıq, ermənilər 1 milyona yaxın azərbaycanlını zaman-zaman qətlə yetiriblər. Ona görə də bu informasiya savaşında biz aktiv iştirak etməliyik. İngilis, ərəb, fransız, rus, erməni, alman dilində bütün o cəmiyyətlərə biz fikirlərimizi yetirməliyik ki, onların bundan xəbəri olsun. Axı sadə almanın, sadə ingilisin, sadə fransızın, sadə amerikalının, sadə rusun özünün minlərlə problemi var. Ermənilər onlara bizim haqqımızda dezinformasiyanı çatdırır. Amma biz əsl informasiyanı çatdırmayanda bu o insanları bizim əleyhimizə düşünməyə vadar edir. İndi baxın, Solovyov, Baqdasarov, Şahnazarov, Kurqenyan, Zatulin, Yevsayev, Jirinovski, bunlar bir sürü qara piarçıdır ki, ermənini müdafiə edir və Azərbaycana çirkab atırlar. Onlara necə cavab verməyək? Onların öz dillərində cavabı verilməlidir.
- Reaksiyalar daha çox Rusiyada yaşayan ermənilərdən gəlir, yoxsa Ermənistandan da reaksiyalar alırsınız? Hər halda verilişi bu ölkədə də izləyirlər...
- Hər yerdən reaksiya gəlir. Rusiyadan da, başqa yerlərdən də verilişlərə qıcıqla yanaşanlar çox olur.
- Sizi açıq şəkildə ölümlə hədələyirlər...
- Həm İrəvanda, həm də Rusiyada yaşayan ermənilər məni bu verilişlərə görə ölümlə hədələyirlər. Yəni bu hədə-qorxu, ölüm təhdidi müxtəlif yerlərdə yaşayan ermənilərdən gəlir. Mən onların hədələrini heç hesab edirəm. Təbii, onların verdiyi kəskin reaksiyalar göstərir ki, biz doğru yoldayıq...
- Bu, informasiya savaşıdır və biz düşmənə qarşı bu sahədə fəaliyyətimizi davam etdirməliyik...
- XXI əsr informasiya əsridir. XXI əsrdə tüfəngdən, topdan çox informasiya öldürür. İnsanları, cəmiyyətləri informasiya idarə edir, yönləndirir. Alman, ingilis, fransız cəmiyyəti, ərəb dünyası Qarabağ məsələsini necə anlayır ki, erməninin tərəfində dayanır? Mən imperialist güclərı çıxıram, çünki onlar əzbər bilirlər ki, ermənini nə üçün bizə qarşı istifadə edirlər. Amma sadə rus, sadə ərəb, sadə fransız bilirmi ki, erməni kimdir və niyə Suriya, Livan, İordaniya onu müdafiə edir? Bunu sadə ərəb bilirmi? Sizi yüz faiz əmin edirəm ki, onlar bu məsələnin mahiyyətini bilmirlər. Biz onlara çatdıra bilərik. Bunnla bizə qarşı aparılan informasiya savaşına müqavimət göstərmiş oluruq. Ancaq illər boyu biz yalnız müdafiə olunmuşuq. Ona görə də bizə heç zaman reaksiya verməyiblər. Erməni həmişə təşəbbüsdə olub, biz ona cavab vermişik. Biz artıq informasiya hücumuna keçmişik deyə ermənilərdən bu cür kəskin reaksiya gəlir. Bu o deməkdir ki, biz doğru istiqamətdə irəliləyirik. Biz ermənilərin informasiya cəbhəsində bizə qarşı düşündüyü, apardığı saxta kampaniyanın, qara piarın qarşısını aldığımız düşüncəsindəyik.
Söhbətləşdi: İradə SARIYEVA
