“Nə üçün ermənilər qondarma “soyrımı”n ildönümünü 24 apreldə keçirirlər? Əslində, 1915-ci ilin 24 aprelində Osmanlı Türkiyəsində bir nəfər də olsun ermənin burnu qanamayıb. Avstriya tarixçisi və tədqiqatçısı Erix Fayqlin özünün “Erməni terroru” əsərində də bunu araşdırıb və Osmanlı Türkiyəsinin daxili işlər naziri olmuş Tələt Paşanın əmrinin surətini çıxarıb ki, orada sadəcə olaraq yerlərdə erməniləri Osmanlı dövlətinin əleyhinə qaldıran “Daşnakstyun”, “Hnçak”, “Armenak” kimi erməni terror təşkilatlarının rəhbərlərinin həbsindən söhbət gedir.
Niyə ermənilər 24 apreli qondarma “soyqırım günü” kimi qeyd edirlər? Baxmayaraq ki, ermənilərin köçürülməsi barədə Tələt Paşa 27 may 1915-ci ildə qərar verib və ermənilər Osmanlının sərhəd ərazilərindən içərilərə köçürüldülər. Hansı ki, onlar sərhəd bölgələrində Çar Rusiyasının qoşunlarına qoşulub Osmanlıya, türklərə qarşı mübarizə aparırdılar. Onların sərhədlərdən Osmanlının içərilırinə köçürülməsi prosesi 1915-ci ilin 27 may tarixində Tələt Paşanın verdiyi qərarla həyata keçirilib...”
“24 apreli ona görə seçiblər ki, Rusiyanın, Fransanın, İngiltərənin tarixində həmin günün qara hərflərlə yazıldığı qabardılmasın”
Bunu “Bakı-Xəbər”ə qondarma erməni “soyqırımı”nın 24 aprel tarixində qeyd edilməsinin səbəblərini izah edərkən politoloq Mehman İsmayılov bildirib.
Uydurma “erməni soyqrımı”nın özü kimi 24 aprel tarixinin özünün də saxta məqsədlərə xidmət etdiyini deyən M.İsmayılovun fikrincə, seçilən 24 aprel tarixi də qondarmadır, bunun ermənilərlə heç bir bağlılığı yoxdur. “İngiltərə, Fransa, Rusiya Yeni Zelandiya, Avstriya kimi birləşmiş anti-türk, anti-Osmanlı qüvvələri, ANTANTA ölkələri Canakkala savaşında 316 min əsgər itirib geriyə çəkildilər. ANTANTA qüvvələrinin geriyə çəkilməsi hadisəsi isə 1915-ci ilin mart-aprel aylarında baş verib. Məğlub ANTANTA qüvvələri ermənilərə elə bir məsələhət verib, elə siyasi texnoloji xətt təklif etdilər ki, “bizim məğlub olduğumuz müddəti sən özünün “soyırım günü”n elan et ki, türklər bunu bayram etməsin və bu, ANTANTA qüvvələrinin məğlubiyyəti günü kimi tarixə düşməsin”. Ona görə də, ermənilər uydurma “soyqırım”ı 24 aprelə saldılar. Əslində, ANTANTA qüvvələrinin məğlub olaraq geri çəkilməsi mart ayından başlayaraq aprel ayının sonlarına qədər davam edib. Onlar da 24 apreli ona görə seçiblər ki, Rusiyanın, Fransanın, İngiltərənin tarixində həmin günün qara hərflərlə yazıldığı qabardılmasın. 24 aprel də tam olaraq şərti seçilib. Bu tarix məqsədli şəkildə seçilmişdi ki, türklərin qələbəsi həmin günü qeyd oluna bilməsin. Yəni uydurulmuş, yalan “erməni yası”, “erməni hüzünü” iə türklərin qələbəsinin, bayramının üstü qapansın, İngiltərə və Fransanın “Dəniz döyüşü” tarixində ən dəhşətli məğlubiyyətinin tarixdə qabardılmasının qarşısı alınsın”.
M.İsmayılovun sözlərinə görə, həmin dövrdə “Daşnaksutyun”, “Hnçak”, “Armenak” tərəfindən və Çar Rusiyasının xarici işlər naziri Sazonovun birbaşa göstərişi ilə Osmanlı daxilində yaşayan ermənilər Osmanlıya qarşı silahlandırılırdılar. “Bolşeviklərin hər zaman apardığı siyasət idi içəridən və çöldən eyni zamanda zərbə. Yəni ermənilıərin 24 apreli “soyqırım” kimi qeyd etməsi yalnız Osmanlı Türkiyəsinin qələbəsinin üstünə qara pərdə çəkmək üçün idi. 24 aprel qondarma erməni “soyqırımı” ideyası məğlub olmuş ANTANTA dövlətlərinin bir layihəsi olub. Əslində isə 24 aprel tarixində bir nəfər erməninin də burnu qanamayıb...” - deyə M.İsmayılov qeyd etdi.
İradə SARIYEVA
