Erməni tarixçilər növbəti gülünc iddia ortaya atıblar. Qeyd olunur ki, Adolf Hitler və İsa Peyğəmbər erməni olub: “Deyirlər ki, Adolf Hitlerin özü də erməni olub. Çünki almanlar onu görəndə “Hay Hitler” qışqırırdılar. “Hay” isə bizim dilində erməni anlamına gəlir”.
Digər ermənilər isə onun bu gülünc və mənasız fikirlərinə düzəliş etmək əvəzinə, daha da irəli gedərək, Ermənistanın ilk xristian dövləti olduğunu bildiriblər. Belə ki, Levon Manukyan adlı erməninin utopik fikirlərinə görə, Ermənistan ilk xristian dövləti olub. Onun digər fikri isə əməlli-başlı erməni xislətini ortaya qoyub. Belə ki, Manukyan, hətta İsa Peyğəmbərin (İsus Xristos) də erməni olduğunu dilə gətirib.
Təbii ki, dünya tarixini oğurlamaqda və öz adlarına çıxarmaqda mahir olan ermənilərin belə gülünc fikirləri heç kəsdə təəccüb doğurmamalıdır. Lakin ermənilərin bu qədər irəliyə gedərək, hətta İsa peyğəmbərin də erməni olduğunu iddia etmələri onu göstərir ki, erməni saxtakarlığı ilə bağlı hansısa sərhəd yoxdur.
“Ermənilər nə dünyəvi dövlət yaradandılar, nə də yaratdıqları dövlətin qədrini bilən...”
Məsələyə münasibət bildirən Azərbaycan Milli Elmlər Akademiyası (AMEA) Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyevin fikrincə, ötən il 10 noyabr kapitulyasiyasından sonra müəyyən statusu olanlar erməni cəmiyyətinin başını qatmaqdan ötrü müxtəlif cəfəng fikirlər uydururlar: “Tarixçisi, jurnalisti, diplomatı, bir sözlə, humanitar sahə ilə məşğul olanların bir çoxu ermənilərin keçmişi ilə bağlı yeni-yeni miflər uydurur. Tutarlı bir şey ortada olmaya-olmaya mənasız boş-boş şeylər ortaya atırlar. Bu, başqalarının əsəblərinə toxunur. Ancaq ermənilərin əsəbləri o qədər pozulub ki, bunların vecinə deyil uydurduqları kimə necə təsir edir. Bəsit arqumentlər ortaya qoyurlar. Hitler salamlamaq üçün hay sözündən istifadə edə bilər. Niyə? Ona görə ki, nasistlər özlərini Ari tayfasının nümayəndələri hesab edirdilər. Ariləri də hər hansı peyğənbərlərə bağlaya bilərdilər. Çünki Hitlerin özü də normal adam olmayıb, xəstə idi. Hitlerin ağılsızlığı üzündən dünyada milyonlarla insan haqsız yerə məhv edildi. Buna rəğmən, nasistlər ermənilər səviyyəsində olmayıblar. Müqayisə aparsaq, bu hardasa ermənilər üçün bir şərəf olar. Ermənilər nasistlərdən betər vəhşiliklər ediblər. Çünki cansız cəsədləri məzarlardan çıxarıblar. Hitler bütün dünyaya hakimlik eyforiyasına qapılmışdı. Ancaq ermənilər nə dünyəvi dövlət yaradandılar, nə də yaratdıqları dövlətin qədrini bilən. Çünki bunlar son dərəcə vəhşi və xəstə toplumdur. Hitler uşaqların qətlə yetirilməsi ilə bağlı əmr verməyib, amma ermənilər bunu edib. Hitler bir sıra başqa xalqlara qarşı amansız olsa da, özü birbaşa qətliamda iştirak etməyib. Ancaq bir vaxtlar Ermənistana rəhbərlik edən Robert Köçəryanla Serj Sarkisyan Xocalı soyqırımının törədilməsində birbaşa iştirak ediblər. Yəni Ermənistan rəhbərliyi həm sözügedən cinayətlərin təşkilatçısı, həm də iştirakçısı olub. Körpələri, qocaları yandırdılar. Hitler bunlarla bir nəsildən deyil. Ona görə də erməni tarixçilərin səsləndirdiyi fikirlər cəfəngiyyatdır. Ermənilər ön Asiyadan gəlmiş bir toplumdur. Bunlar Qriqorian bayrağı altında yığışıb dövlət yaradıblar. İsa peyğəmbərin erməni olması ilə bağlı deyilənlər isə yeni deyil. İllərdir ermənilər bu cür axmaq iddialarla çıxış edirlər”.
Professor hesab edir ki, bu cür cəfəng fikirlərlə ermənilər nəyəsə nail ola bilməyəcək.
Vidadi ORDAHALLI
