İkinci Qarabağ Savaşı Anım Günü münasibəti ilə Güney Azərbaycan Qurumları Əməkdaşlıq Qurulu açıqlama yayıb
Açıqlamada deyilir:
Azərbaycan Cümhuriyyətinin Cümhurbaşqnı Başqumandan İlham Əliyevin dahi rəhbərliyində, işğal olunmuş torpaqların böyük hissəsi ana vətənə geri qaytarılmışdır. İkinci Qarabağ savaşında, Azərbaycanın igid əsgərləri, gizirləri və zabitləri, 44 gündə, 30 illik erməni işğalına və BMT-nin boş sərəncamlarına, öz canını qurban edərək son qoymuşdur. Bu Dövlət-Vətən savaşında şəhidlərimizə, yaralılarımıza və keçmiş 30 ildə erməni işğalına və cinayətkarlığına məruz qalan hər kəsə sayqılarımızı sunuruq. “Azərbaycanın hər zaman mübariz oğlu və qızlarının şücaətini yüksək qiymətləndirir, bütün şəhidlərimizin ruhuna ehtiram göstərir, xatirəsini uca tuturuq”.
Biz İran-Fars rejiminin Azərbaycan Cümhuriyyətinin sınırlarına ordu yığmağını və bəzi yetkililərin ağzından Azərbaycana qarşı uyqunsuz çıxışlarını şiddətlə qınayırıq.
Biz Güney Azərbaycan Milli Hərəkatı təşkilatları olaraq, hər zaman və hər yerdə Azərbaycan dövlətçiliyinin yanındayıq və onu qorumaq için hazırıq.
Güney Azərbaycan Qurumları Əməkdaşlıq Qurulu
1- Azadlıq Cəbhəsi (GAMAC)
2- Azərbaycan Mərkəz Partiyası (AMP)
3- Azərbaycan Milli Dirəniş Təşkilatı (Dirəniş)
4- Azərbaycan Öyrənci Hərəkatı (AZOH)
5- Güney Azərbaycan Demokrat Partiyası (GADP)
6- Güney Azərbaycan İstiqlal Partiyası(GAİP)
7- Güney Azərbaycan Liberal Demokrat Partiyası (GALDP)
8- Güney Azərbaycan Milli Oyanış Hərəkatı (GAMOH)
9- Güney Azərbaycan Demokratik Türk Birliyi(GADTB)
